Mera Marz e Mustamir

Episode 9

Gham ki tez barish k baad ye bhe tou hota ha
sukoon arsh se noor main lipta dil main utrta ha
drd ki teesain uthny k baad lazmi ye bhe tou hota ha
qudrat k isharay se har gehra zakhm tezi se bhrta ha
zameen banjar ho jo bhe mehnat gar kre kisaan koi
aksar aisi zameeno pr ghana sayadaar shajar bhe ugta ha ...

Na he koi raazdaan tha ub tk na he koi aisa sahara jo uska hath pakar kr usay kanton pr chlna sikhata ub jo bhe krna tha usay he krna tha hamesha ki trah khud he har andhere main umeed ka deeb jalana tha usny karwat badli tou wo samnay hath bandhay bay tasur chehra lye khri usay na jany kitni der se tak rhi thi...
"Tum..tum kb ai ho?.."nirmal ne achanbay se usay dekha or phir seedha hokar bethny lgi...Itny main aima usky paas akar beth gai...
"Bethi raho tm khayalon main itni magan thi k maine knock bhe kia tmne hmm bhe kaha or main andar agai pr tmhe pta he nhi chla k main pichly 10 min se khri tmhe aise dekh rhi thi..."aima afsurda c muskurai...
"Han main thora dull feel kr rhi thi yun lg rha ha jese andar haddion main bukhar ha jo bahar nhi niklta "nirmal ne goya bat gol mol krna chahi pr wo apny paon pr khud kulhari maar rh thi or iss bat ka andaza usay tb hua jb aima ne teekhi nzr uspy dal kr kaha"ye bukhar nhi ye ghubaar ha jo tmhare dil main itna brh gya tha k phir isny tmhare jism tk rasai krli..or ye tbb tk nhi niklega jb tk tm isay nikalo gi nhi...."..
"aima tumne diary prh li ?.."nirmal ko jese kch yad aya usny chonk kr aima se pucha ..
"prh bhe li smjh bhe li jaan bhe li parakh bhe li .."aima ne apni dahani abru uchkai ...
"kia matlb.."nirmal ne na smjhi se aima ki trf dekha jo ub tanzia c muskura rhi thi uski ankhon main aik ajeeb c chamak thi aik raaz ki gehrai tk phnch jany ki khushi or aik bht bara marhala tay kr jany k baad ka sukoon tha aima shakl o surat main aik aam c lrki he thi pr usky aik gaal pr prta halka sa dimple uski muskaan ko bhttt haseeen bna deta tha phir jb jb wo muskurati har nigah usay dekhti or wo itraa kr apni dahani abru uchka kr apny ghanay silky balon ko halka sa jhtka de kr chlti mgr ye sab uska zahir tha andar se tou wo moom ki guria thi nirmal jb university ai thi shru shru ma bht ukhri ukhri rehti thi pr aik aima he thi jo kch kch uska haal smjh gai thi aima ne khud nirmal ki trf dosti ka hath brhaya tha usay nirmal bht achi lgi thi bht sanjeeda sada mizaj or kum go or usay bhe chalak lrkion se koft thi isilye bhe dono main kafi achi understanding develop hogai thi fark bs kch itna he tha k aima apna har raaz nirmal ko btati or nirmal apna har raz siwaye Allah k ksi ko bhe nhi btati thi...or yehi bat aima ko pareshan rkhti thi k shyd uski dost uss pr bharosa nhi krti isi hawaly se bht bar unn dono main behas bhe hojati pr wo dono itni smjhdar tou thein k choti choti baton pr baray baray rishty torna mayoob smjhti thein...Aaj wo usky samny uski zindagi ka sabse bara raaz jaany bethi thi...nirmal ko lga uska gala kafi khushk hogya ha usny side table se glass uthaya or gata gat pani peeti gai aima uski halat dekh kr smjh gai k wo sharminda hrhi ha or anxiety ka shikar ha...aima ne apna rawaiya phirse mamooli krlia or piyar se usay pani peeta dekhti rhi ..
" Shyd kuch kahanian mukammal honay k lye wqti tor pr na mukammal rehti hain or shyd kch kahanian bht der se mukamal hoti hain...pr hojati hain"..kahein bht dur se nirmal k kano main ye awaaz gunjhi thi..usny glass side pr rkh kr samny bethi aima ki trf dekha jiska rukh ub samny deewar ki trf tha wo bina palak jhapkye nirmal ko maar dene wala andaaz rkhti thi..."tum tayar hojao aaj asma agai ha sahiwal se wapis hum bahar jyngy "aima ne gehra sans lia or bat khtm kr k kamry se chli gai or peechy nirmal ko phir sochny pr majboor kr gai....
*****************************"""""**
dekh ye chokra hath se nikl rha ha...Razzaq ne ghusse se phone table pr patakh kr akbar se kaha..
"ub kia hua ha"akbar bezar dikhai de rha tha...
"Saith k sath mil kr company k purany khatay khol kr betha ha...akbar mujhhe dar ha ye bht shaitaani dimagh wala bnda ha humain pakar lega..."raazaq ne darty huy inkishaf kia or ye sun kr akbar k paseenay choot gye ...
"Agr isny aisa wesa kch kia tou razaq tu dekhna main isay zinda laash bna dunga..."akbar ne ghussay main hanptay huy peshani se paseena saf kia or kamray se bahar chla gya ....
***********************************
"kb tk bethi rahogi yun kunwari tm kch tou khuda ka khof kro dunia kia sochegi mishkat k lrki ki maa kitni baygherat ha jawaan lrki ko ghr bithaya hua ha khandan waly trah trah ki batain bna rhy hain kch tou socho akhir kion nhi krni tmhe shadi..."Saima apny samnay khri bay zaar c mishkat ko dekh kr minnat amez lehje main bolty bolty
takrreban rou pri thein...
"Main he kion hamesha sochun k dunia kia sochegi dunia bhe tou kbhe sochy k main kia sochti hun mishkat ne ghusse main kandhay uchakye wo tung agai thi har roz saima usky pas aik he darkhuwast le kr phnch jatinn mishkat shadi krlo rishta aya ha acha lrka ha. weghera wghera pr mishkat ki zidd or ana ki waja se wo acha lrka kon ha kis khandan ka ha kesa ha ye sab wo usay bta he na patin...or na he mishkat ko ye sab janne main koi dilchaspi thi ..aaj aik maheene main takreeban beeswin dfa wo usky pas ye darkhuwast le kr ayin thein pehly tou wo pathar ka butt bnay sab kch sunti rhi or phir achanak boli bhe tou rishty k khilaf he . .saima uska ye jawab sun kr bay bas c kursi pr gir jany waly andaz main beth gaen..or mishkat ne unhe yun dekh kr karb or ghusse se ankhain mench lien...
...kch der ki khamoshi k baad jese mishkat k zehn ma koi sawal ubhra...or usny palat kr saima ki trf dekha jo kisi gher marai nukty ki trf dekh rhi thein..."mama jani"mishkat ki awaaz pe wo chonkin jese ye unky lye aik gher mamoli bat ho...