Mera Marz e Mustamir

Episode 3

Shehr e yaran main ja k he bass jyngy
Mohabbat ki ha tou ub nibha k bhe dikhaingy.....
************************************
Wo jb saith ibraheem k office se bhr nikla tou darwaza kholty he usy samny hairan sa khara mohid dikha minaar pehly tou chonka or paishani pe bal bhe paray phir mun bna k mohid k sath ho lia..."Tumhe sharam nhi ati humari batain sunn rhy thy??...minar k tewar
bigre...
"Han mujhe tajasus hrha tha saith ko akhir aesi kia batain krni thein jo muje Mohid baloch ko bhr nikal dia huh"...Mohid ko bezati ka ehsas khaa rha tha...
"Acha kia bht tumhe bahar nikal dia warna teri jugatain khtm na hotin or mera interview bhe hath se jata"
Minar ne goya mohid k zakhmon pr namak charka tha...mohid mehaz bura mun bna k he reh gya or kr bhe kia skta tha itny sawal usky barmuda triangle jese gehry dimagh main gardish kr rhy thy agr minar ko mazeed ghusa dilaya tou jawab kon dega itni ghutian kon suljhaye ga...sar jhatak kr usny naye siray se bat ka aghaaz kia....
"Yar tu nashai tha ...."minaar ne teekhi nzron se mohid ki trf dekha."Mohid ko daftan ehsas hua k usny sawal ghair muhazab tareeky se pucha ha "Oh nhi mera matlb k tu drug addict tha itny baray mulk main bhe nashy jese jurm hoty hain?...Wahan ka tou qanoon intihai sakht ha yar ...phir tum kaise nasha krty thy itny araam se?.."Mohid ko tajasus hrha tha...Wo hairan tha pareshan tha....Mani or nashai uski zindagi ki kahani tou mohid bhe nhi janta tha..jb k srf mohid he aik wahid dost tha jo usny pakistan aa k bnaya tha...wo kum bolta tha...wo pur israr tha....
"Mohid Baloch Qanoon wahan hota ha jahan jurm hoty hain..Or sakht qanoon wahan hota ha jahan baray baray jurm hoty hain..matlb smjha?..wo dono office k coridoor main sath chalty jarhy thy or minar mohid k sawalat ki list main se abhe sb se pehle sawal ka jawab de rha tha iss wqt wo dost kum bara bhai ziada lg rha tha mohid minaar ka bht acha dost sahi pr usse omar main takreeban 3 Saal chota tha..(inki dosti kaise hui wo aik or kahani ha kbhe wqt mila tou sunaongi)...ub wapis corridor chlty hain....
mohid ko goya ab kch kch minaar ki bat smjh any lgi isilye usny sar asbaat main hilaya" hmmm ".....minar ne bat phirse shru ki .
"..Han tou jis mulk main jurm hoga wahan qanoon bhe hoga..or agr uss mulk main jurm na hoty tou shyd itni khatarnaak sazain bhe na hotin..ye jitny baray baray mulk haina mohid inn sbb main baray baray jaraim hoty hain lakin ye log inn sbb chezon pr parda rkhty hain or apny mulk ka positive image barqarar rkhty hain ..or humara media..minaar lmhe bhar ko ruka or phir Afsurdgi se muskuraya. .humara media hah..jaron se khtrnaak khbrain nikal nikal k chalata ha ta k logon k zehno main ye bat beth jye k shyd pakistan main he saray sangeen jurm hoty hain..wo log porch main phnch chuky thy lakin minaar ki bat abhe khtm nhi hui thi mohid ne gari ka darwaza kholty huy aik gehri nzr se minaar ko dekha jo abhe apna nukta e nzr kahein hawa main dekhty huy mohid ko smjha rha tha ..mohid pehli bar intihai tameez or khamoshi ka muzahira krty huy minaar ki bat sun rha tha ."Wah yar ye bolta bhe ha:..or kahein bht hairat zada bhe tha
"main jb tk saudi arab main tha srf tv khbron main he pakistan ka ziker sunta or dekhta tha har roz dehshatgardi maar dhaar khoon kbhe kch kbhe kxh aik din bhe aisa nhi hota tha jb in newschannels k pas sunsani khez khbr na hoti..main pakistan se nafrat krta tha ..or ye khbrain sun k meri nafrat main izafa hota gya main khud apny mun se apny arab or dusre mumalik k doston main beth kr pakistan ki burai krta tha ye sochy smjhe beghair k ye sb bol kr main agay bethy dusre mumalik k logon ko chabi de rha hun k han ub tum log bhe bolo ye sochy bina k tm sb k apny mullkon ka kia hashar ha..wahan srf aik main he aisa pakistani nhi tha mohid aksar pakistanion k dimaghon pr media ki kharafaat ka asar hochuka ha .main jb uss mulk ko chor kr kismat k haton majboor ho ke yahan pakistan araha tha tou tb mere arab dost khofzada thy k pak jese mulk main kese rahunga..or main bhe yehi sochta tha..jb main yahan aya tou mujhe ehsas hua tv khbron wala pakistan koi or tha main yahan tan tanha galion main ghumta or hostels main 3 saal tk rha kbhe koi aisi situation face nhi ki ..mujhe mohabat aaj bhe nhi ha pak se lkin kch logon ne or halaat ne mujhe iss mulk ki thori c qadar krna sikha di ha...
mohid ub bahawalpur ki tareekh dhund main lipti shahraon pr tez raftaar main gari dourata jarha tha usky barmuda triangle main naye sawalaat janam le rhy thy
(mani k kismat k hathon majboor?...mani nashai pr kion?...mani ko kahein mohabat tou ni hui thi?....nhi nhi mani or mohabbat koi jor nhi.ye bnda muskura he le tou ghaneemat isko kisse mohabbat hogi ..tu bhe na mohid pagal he ha wo khud se he sawal krta or khud he jawb dhundta drive krta rha. )sadd shukr minaar uski sochain nhi prh skta tha warna yahin mohid ka encounter hojata...
..minaar ko itny arse baad bolty dekha or uski batain sunna wo mahol main koi khalal paida nhi krna chahta tha minaar ki batain usy achi lgi thein tehr tehr kr bolna or phir har nukty pr ruk kr sawal krna jese ustaad bchy ko sabaq smjhata ha......Wo log jb wapis satellite town phnchy tou rat k 9 bj chuky thy....
Gari zafar chacha k banglay k porch main park krty huy usny apni dai trf dekha tou wo dunia o mafia se baykhbr sar ko seat se taik lgye sou rha tha...
"Mani ...utho yar tumhe ye ajeeb adat ha safar main sonay ki phir sari rat bhooton ki trah jaagna..."..mohid ghari ki trf dekhta chir kr bola tha ....
Minaar mohid ki batain sunty or kch barbarty huy gari se nikla...... Ub mohid ko kia btata k wo kion bhawalpur ki shahraon ko dekhna nhi chahta ub wo usy kia smjhye k wo kin yadon se tung aa kr hamesha k lye ankhain bnd krlena chahta ha....wo sar jhatak kr ghr k andar dakhil hogya..agli subha phir unn dono ko lahore k lye niklna tha..Safar he tou tha jo khtm nhi hota tha...Minaar ki zindagi k safar ki trah...
************************************
Bahawalpur Hashmi gardens k ilaqy main wo khoobsurat sa bangla jisky gate pr lgi jugnon ki trah ki choti lights dur se he jagmaga rhi thein or sard andhere main roshni phela kr rat pr goya ehsaan kr rhi thein...pr kon jany k ye mehal numa ghr jo roshnia pehlata ha isi k rehny walon ki zindagion main kitny andhere thy.....
"Hmmm tou Kia keh rhi thein Rubeena bhabi...lounge main bethy rehman sheikh ne kehwy ka ghont bhrty huy parveen se pucha ..
Parveen k sehmy huy chehre k rung mazeed bigrny lgy.
"G wo bs nirmal ki prhai ka puch rhi thein or kia kahengi or arham ki job k silsile main pareshan thein."wo kia bol rhi thi ye usy khud nhi pta tha ..(Rehman ko agr bta de k rubeena kia keh k gai hain or sham ko isi lounge main kia kia faisle huy hain tou rehman sheikh bhool jyngy k parveen unki bv or nirmal unki aulaad ha or agr kch yad rahega tou bs hamesha ki trah khandan ki riwayatain or apny he bnaye huy khootay asool)...parveen ksi khayal main gum thein k jb rehman phrse goya huy...
"Hahhha..Kion arham humara beta ha...Humare khandan ka fakhar..usy job k lye dhakky kion khany pr rhy hain main dunga usy uska apna haspatal tohfe main ....humare khandaaan ki shaaan ha ...."wo fakhariya andaaz main kehty jarhy thy.parveen ko khof se matli mehsoos hrhi thi.
(Kash Rehman aap kbhe apni beti k lye bhe isi trah k alfaaz kehty kash kbhe aap ne nirmal ko bhe khadaan ki shaan keh kr pukara hota kaash k aap ne usy tokny or dantne k bjaye uski honsla afzaai ki hoti kash rehman aap ne socha hota k apki beti ko bhe apky piyar ki zarorat ha)
Parveen ne kitny ansoo apny andarr utary kitna kch zabt kr k wo bs apny shohar ko bhateejy k gun gaty sunti rhi.....
...................................................................
Dunia jahan ki kitabon se saji wo bri c study sard raton ki khamoshi main doobi hui thi...
Table pr Qanoon ki mukhtalif bhari burkam kitaabain hr trf bikhri pri thein ...achanak aik kitab shelf se giri or awaaz se nirmal ki ankh khul gai jany wo kb se rolling chair pr bethy bethyy he sou gai ktni der hui thi kia wqt tha sonay se pehly kia kch hua tha ...yad krne main usy chand sec he lgy thy...k uska jee chaha wo phrse sou jye or iss bar uski ankh kbhe na khuly..usny thaki thaki nzron se neechy giri hui kitab ki trf dekha..phir ksi khayal k tehat uth kr kitab ko wapis shelf main tarteeb se rkh dia...."Kash nirmal sheikh tumhari zindagi bhe shelf main pri iss kitab ki surat hoti..kbhe agr bay tarteeb ho kr gir bhe jati tou koi wapis utha k tarteeb se rkh deta...."usny shelf main saji ktabon ki trf hAsrat bhri nighaon se dekhty huy socha or thundi aah bahar ki..usny ghoom kr ghari ki trf dekha tou ghari pury 10 bja rhi thi....
"oh ..isha .."usy yad aya usny isha ki namaz prhni thi...wo khamoshi se study k darwaze ki trf brh gai kam uz kam aaj ki rat k lye wo parveen ka samna nhi krna chahti thi usmy himmat nhi thi k maa ki sawal krti nzron se nzr mila ske ..mgr jese he usny qadam bhr rkhy tou samny parveen khanay ki tray liye khri thein wo shyd andar any wali thi k nirmal khud he study se bhr chli gai...
"Mujhe lga tum masroof ho isilye disturb nhi kia...ye khana khaa lo "parveen ne hath main pakri tray nirmal ko thamaty huy narmi se kaha tha...nirmal ki ankhain bhar aen...ghr main nokar hony k bawajood har roz parveen khud apni beti ko khana la k detin wo aksar rat ka khana masroofiat ki waja se study main he khati thi ..wo study main hoti tou ksi ko ijazat nhi detin k nirmal ko disturb kre ...."Mama aap ne khana khaya?..."
"Nhii aaj bs mera mood nhi ha...tum khao shabaash.."itna he keh kr nirmal ka gal thap thapa kr wo apny kamry ki janib mur gaen...or nirmal bs bay bas c apni maa ko thakay thaky qadam uthata khamoshi se jata dekhti rhi...."..Mere lye kitna kch kia ha mama ne kia main mama k lye ye qurbani nhi de skti...kia main apni maa k lye apni zidd chor nhi skti..srf maa k lye ...ay Mere Allah mujhe jo darr tha wohi hua..meri madad farma...meri rehnumai farma..."..wo tray hathoon main thamay nzron ka rukh chath ki trf kiye dil he dil main apny Allah se dua krne lgi...phir ksi khayal ko jhakat kr seerihon ki trf chli gai ....apny kamry main ja kr usny khana bss ksi trah zehr maar kia phir wudu kr k janemaaz bicha li....ub wqt tha Allah se bat krne ka...aah or kitny he khushnaseeb hoty hain wo log jinko Allah se 5 wqt bat krne ka mouqa milta ha....
(Kaha jata ha zindagi urooj or zawaal kaa naam ha lakin nirmal ki zindagi main ajeeb bay basi thi usy hasna batain krna tou ata tha mgr dil se khush hona kia hota ha wo shyd ub bhool gai thi...kia hoti ha dil ki khushi?...kia hota ha dil ka ilaaj?..kion mazi nirmal ka peecha nhi chorta tha wo kia tha pachtawa? .....ya phir kch or......?)
Maroon chadar ko gundami rung k chehre k gird saleeqay se lapaity wo ub dua k lye hath uthye bethi thi....
"Ay mere Allah ay mere Rehman ay mere parwardigaar ....beshak tu pak ha or tu Reham krne wala ha..or beshak main khata kaar hun or tu maaf krne wala Azmat wala ha...Ay mere Allah...ay mere piyare Allah..."ghani palkon wali ankhon se nanha sa ansoo chalak kr uski chadar pr aa gira...ye nirmal ka andaaz tha wo aise he dua mangti thi khuda e lam yazal ki tareef or barai bayan krny k baad he dua ka aghaaz krti...or kbhe kbhe tareef bayan krte Allah ki azmat bayan krte krte he sari bay chyni khtm hojati sara ghubaar ansoooun ki surat ankhoon ss beh jata..
.Meray Allah tu kitna Raheem ha .. tera ye ek Naam dil ko tasali dene k lye kafi ha.... tou baqi 99 naam teri azmat or barai ko bayan krte hain ...aik aik naam REHMAN RAHEEM KAREEM GHAFOOR .......sarapa rehmat he rehmat....Mohabbat jiski sift ha...maaf krna jiski azmat ha....Wohi mera Rab ha...Mera Allah ha...Or beshak tere sbb naam sachy hain ......phir zra ruk kr wo kch sochny lgi ..shyd mangny k lye alfaaz dhund rhi thi...kia mangey? kia kia mangey?.....
"Mujhe dar ha Allah k meri or teri mohabbat k beech phrse ksi insan ki mohabat na aye. ...main iss dar se kitny saal dur bhagti rhi hun...mujhe tujhe khonay se dar lgta ha..dunia ki mohabat main doobny se dar lgta ha. .main janti hun jis din muje wo MARZ phir se lga...jis se mera dil shyd ub tk puri trah shifaa yab nhi hua...tou uss din main bhatak jaongi mera dehan dunia main lg jyega...mera khuwab k main teri khalk ki khidmat main zindagi guzar dun adhura reh jyega srf aik insan se sari dunia jur jyegi ...mujhe dar lgta ha Allah mujhe dar lgta ha....hichkian ansoo...
(Wo saat saal pehly bhe roti thi bht roti thi lakin Allah or usky bande dono k samny roti thi....mgr ub saat saal k baad wo iss trah srf Allah k agay roti thi...kion k wo jaan gai thi dunia k agay ashkh bahana srf khud ko tamasha bnany k mutaradif ha mgr Allah k agay ek nanhy se ansoo ki he itni ahmeat ha k saray gunah maaf hojaty hain....hum kion dunia k agay rotay hain jb dunia bnany wala humare ansooun ki laaj rkhta ha...kion ?.....)
" usny Ansoo behny diye saaf nhi kiye sajda gaah he tou wo jaga hoti ha jise agr ansooun se tar krdia jye tou dil ki banjar zameen bhe zarkhais hojati ha ksi boujh se azaad hojati ha ....
"ya Allah....main kia krun...arham se shadi krlun?..kia arham mera naseeb ha? .kia yehi wo shakhs ha jo mere iss marz e mustamir ki dawa bnega?...apni maa ki udaasi khtm krdun uski khuwaish puri krdun uska maan rkh lun...Papa ki izzat e nafs rkh lun...aik bar phir apni har khuwaish ka gala ghont dun ??..mere saawlon k jawab koi nhi de skta siwaye tere....Mujhe maaf krde....mujhe maaf krde meri duain sunle ub kun keh de ub kun keh de....mujhe sahi rasta dikha de. .."isky baad usky pas kch nhi bcha tha kehny ko...wo ub sajdy ki halat main pri zaar o kataar rou rhi thi.....sajda gah ansooun se tar hrhi thi ..dil ki banjar zameen zarkhais hrhi thi...Wo iss bat se bay khabar thi k kis trah uski duain usky sabr ka sila usy mustaqbil main bht jald milny wala tha......