Mera Marz e Mustamir

Episode 6

dukh nafratain aziyatain sabb kch sehny k baad...aik naya Safar....apni zindagi ko ksi k naam krdena..ksi ki izzat bn jana...ksi ka naam apny naam k sath jor lena..ksi ko chahy bina apnaa lena...apna sab kch dusron ki khushion k lye qurbaan krdena...aik orat he krskti ha...aik orat he...mard nhi...mard ko fouqiat hasil ha..mgr orat ka rutba alag ha bay misaal ha...

Nirmal bhe aik orat thi...jo aaj apna sab kch aik aise shakhs k lye qurbaan krny jarhi thi jisay wo pasand nhi krti thi wo srf apny ma bap ka maan rkh rhi thi wo srf rishton ki kachi dourion ko tootny se bachany ki koshish kr rhi thi wo srf aik samjhota kr rhi thi or zehr ka ghont pee rhi thi...shyd ussy adat hochuki thi...shyd wo khud bhe ub thak gai thi ...usay bharosa tha k uska Allah usay ruswa nhi krega agr yehi shakhs uska naseeb ha tou bas yehi behtreen ha......aima ne jaali ka kaam daar peach colour ka dupata usky sar pr rkha...wo ayny main khud ko yun dekh rhi thi goya jese pehli dfa ayna dekh rhi ho....peshani par saja sunheray rung ka chamkta hua teeka ..oonchi khri naak dekh kr (pinochio..)ksi ka dia hua laqab usay yad aya tha...kano main latkty bonday...galy main moteeon ki mala...choti bhoori ghani palkon wali ankhon pr halka sa eyeshade,makeup se takreeban pak chehra...sadgi uspy yun jachti thi jese rat ko asman pr chand .haton main kangan thy mgr mehndi nhi thi.usny apni khali hateelion ko bht ghor se dekha....
("..Aapko mehndi pasand ha?..."
nhi yukh...mujhe mehnd se nafrat ha...mujhe uski mehek se alergy ha..mujhe wo hath bilkul nhi psnd jinpy mehndi lgi ho...
"Agr apko nhi psnd tou main bhe ub kabhe mehndi nhi lgaongi....
"Wada?
pakka wada"...)
aik ansoo chalak kr uski hateelion pr a gira...
"tum rou rhi ho...?"aima ne uska chehra apny haton main le kr usko piyar se dekha ..
"kitni piyari ho tum..tumhari ankhain nirmal....tumhari ankhain kitni khoobsurat hain...inn ankhon mainn ansoo achy nhi lgty inn ankhon main chamak achi lgti ha...khuwabon ki chamak...main tmhe dost nhi behn manti hun..main tmhe ronay nhi dungi..."aima ne usky ansoo saaf kiye or khud bhe abdeeda hogai ..
usky ye alfaz sun kr nirmal ko wo yad agai ....
("Tumhari shadi pr tumhe khud apny haton se sajaongi ..mera har khuab sach hrha ha nirmi..mujhe yaqeen nhi ata kese...main tmhe sajaongi apny haton se dulhan bnaongi, pehly tm srf meri sabse achi dostt thi or ub tm ...meri kch or bn jaogi...or phr wo hans di thi ....")
nirmal se zabt na hua..wo aik hath mun pr rkh kr dusra hath aima se churwa kr washroom ki trf bhaag gai.
aima heratzada bas usay yun bhag kr jaty dekhti rhi nirmal ka ye rawaiya usky lye bilkul naya tha..aima ki uljhanain mazeed brh gaen....
************************************
hashmi gardens ki wo alishaan haweli aaj khushion k rungon se rungi hui thi...safaid laal peelay har trah k phoolon se saja wo mehal numa ghr phoolon or mehhngy atar ki khushboo se mehak rha tha...lounge main kafi ronaq lgi hui thi nirmal ki dostain, kareebi rishtedar, arham k ghr wale sab k sab khush gappion or kch he lamhe baad honay walay nikah ki tayarion main masroof nzr arhy thy..Rehman sheikh jo k safaid kalaf lgi shalwar kameez k opar siyah wasket pehny bhttt he khush dikhai dety thy lounge main sofay pr tang pr tang charhae kan se phone lgaye bethy thy or sath he sath ghri pr bhe nzr dal lete...maghrib honay wali thi mgr arham ub tk na phncha tha....itny main parveen chai ki tray lekar agaen sath rubeena tai bhe tashreef le ayn..."arham kb ayega?..."parveen ne chai ka cup rehman ko thamaty huy fikermandi se pucha..
"Mera phone nhi utha rha ha ye larka..."..rehman ki nighaen phone pr he jmi thein...
"Kia?..kheriat tou haina aap dubara milain number kia pta signal ka masla ho kch..."parveen pareshan nighaon se dekh rubeena ko rhin thein pr goya rehman se thein...
"Aaa..ariii..bay sabriii ...araha hoga mere sath bhe yehi harkat krta ha jb rasty main ho na tou phone nhi chukta..."rubeena rehman k ghusse se wakif thein isi lye bete ki ghalti ko muskura ke taal rhi thein...
"Main chlta hun moulana sahb ko lene jana ha"....rehman goya khawateen ki batain nxr andaz kr k wahan se uth gye... ..parveen bhe" g acha" keh kr tray dubara andar ly gaen..mgr rubeena ko daal main kch kala ha wala ehsaas khany lga....

"Arham plz phone uthao..plz...."wo apny ghr k sehn main phone kan se lgye baychyn si idhr se udhr chakkar kaat rhi thi...aik bar dou bar teen bar or chouthi bar usny bar bar number milaya mgr arham ne phone nhi uthaya...wo thak kar kamry main chli gai or bistar pr neem daraz hogai..."arham kch bhe hojye aap ye nikah nhi krskte ...main apko ksi or ka nhi hone dungi..."erum ne khud ko jese tasali di or jany kb uski ankh lg gai....
"App ka matlooba number iss wqt bnd ha ...baraye mehrbani kch der baad koshish kijye..."...pichly andhy ghnty se rehman ye jumla koi sou bar sun chuky thy...arham ya tou phone nhi utha rha tha ya phir uska number he bnd jany lga...nikah ka wqt sar pr apohncha tha sabb tayarian mukamal thein dulhan tayar thi...moulana sahb bhe achuky thy mgr dulhy ka koi ata pata nhi tha.rehman sheikh ki sari khushi sara sukoon ghyb hochuka tha ghussa pareshani main dhal rha tha.unho ne jhamaky se darwza khola.. "Riyaaz sheikh tmhara beta kahan ha???" ..rehman gharaye tou sab ne chonk kr unki trf dekha...riyaz sheikh chai ki piyali rkh kr jhatky se kharay hogye ..moulna sahb pareshani se ghr walon k chehre dekhny lgy ... "wo ...wo...ata hoga na...rubeena ki bat adhi reh gai ..."basss....bht hogya ....subha se aap yahi keh rhi hain k wo araha hoga...abhe tk koi ata pta nhi pehly mera phone nhi utha rha tha or ub ,ub number he bnd jarha ha apky sahbzady ka .."Rehman ka ghussa urooj pe tha...sab ghr walon ko hawl uthny lgy..parveen ne rona shru krdia...aima chup chaap khri ye sab tamasha dekh rhi thi...jany opar nirmal kb se tayar bethi thi...