Ang Kahapon

(Ang Kahapon)Chapter 5

Chapter:5

MAAGA pa lang ay nasa labasan na si Clarissa at Brian dahil ihahatid niya ang kapatid para sa trip nito sa school hanggang sa labasan lang naman siya at hindi naman sasama sa meeting place ng kapatid.

"O bunsoy mag-ingat ka palagi ha at huwag kang magpalipas ng gutom okay?aniya sa kapatid at inayos pa ang kwelyo ng damit nito.

"Okay po mahal kong Ate mag-iingat ako palagi"ani ni Brian sabay piningot sa ilong ang kanyang Ate.

Nagpupuyos naman sa galit sa di kalayuan si Dominic sa eksenang pinapanood ngayon,nandito lang naman siya para bisitahin si Clarissa at kahit maaga pa pero hindi niya inaasahan ang nakikita niya ngayon.Kinagat niya ang kanyang ngipin dahil nagtitimpi sa galit at yung pakiramdam na gusto niya ng kaladkarin ang dalaga palayo sa kayakap nitong lalake sabay uumbagan ng malakas na suntok ang kayakap nito.Ilang sandali pa nakita niyang sumakay na ang lalake sa jeep na dumaan sa tapat ng mga ito akala niya sasama ang dalaga pero hindi pala at kumaway pa ito sa lalake.Kaagad niya pinaandar ang kotse niya upang lapitan si Clarissa na babalik na yata sa looban,pagtapat niya sa may kanto ay nagbusina siya upang mapansin siya ni Clarissa dahil nakatalikod na ito lumingon naman sa kanya at kaagad niya binaba ang windshield ng kotse.

"Hi"aniya at bahagyang sumilip pero hindi umibis ng kotse.

Lumapit sa kanya si Clarissa ng makilala siya nito at yumuko ito upang makita siya.

"O Dominic ang aga mo yata?ani ng dalaga.

"Uh-huh!pwede na ba akong bumisita sa inyo?

"Ahm ano kasi Dominic may lakad kami ng Nanay ko"

"Hindi ako pwede dumalaw ngayon?

"Hindi eh baka bukas pero hindi rin ako sigurado tinutulungan ko kasi ang Nanay ko sa paglalaba kapag friday at saturday"

"Is that so?ako lang ba ang hindi pwede bumisita sa inyo pero ang ibang lalake ay allowed?

"Ibang lalake?wala naman ah"

"Really?

"Wala nga"

"Okay"aniya at umibis ng kotse.

"Saan ka pupunta?tanong niya kay Dominic.

"Sa bahay ninyo"anito at humakbang na.

Hinabol niya ito saka kaagad hinawakan sa braso ang binata.

"Sandali Dominic ano ba?

Huminto ito saka hinarap siya na matalim ang tingin nito sa kanya sabay nakita niyang naggalawan ang buto sa pisngi nito bigla tuloy siyang kinabahan.

"Patunayan mo sa akin na wala kang ibang lalake Clarissa!matigas na wika ng binata.

Hindi niya maintindihan ano bang pinagsasabi nitong lalake?

"A-ano bang pinagsasabi mo wala naman akong lalake"

Sasagot na sana si Dominic pero may sumita sa kanila na kakilala ng dalaga.

"Clarissa sino siya?ani ni Aling Nena.

"Ah si..."

"Nobyo niya po"agad ding sagot ni Dominic.

Bigla tuloy siya napatingin sa binata sabay tumingin din kay Aling Nena.

"Ikaw naman Clarissa may nobyo ka palang yayamanin bakit ngayon mo lang dinala dito sa atin?ngiti nitong wika.

"Ho ahm.."

"Pasensya na po busy kasi ako sa trabaho ko"wika ulit ng binata sabay nakipagkamay sa matanda"Dominic po ang pangalan ko"anito pa na talagang kinarer ang pagiging nobyo kuno niya.