It Started in the Library (Completed and Editing)

Chapter 29: Guardian Angels

Chapter 29: Guardian Angels

"Grabe Aya hinintay ka talaga nung weirdong stalker mo kahapon?!" Nanlalaking-mata na tanong ni Issa habang papasok kami ng CAS Library. Napatango ako.

"Buti na lang dumating si Prince kasi nakakatakot na siya kahapon," ini-rolyo ko yung sleeve ng blouse ko, "grabe, nagkapasa pa ako dahil sa kanya."

"OMG girl, nakakatakot nga. Isumbong mo sa school para di na ulit makapasok yan dito." Inabot ni Mitch ang braso ko, "pero ang sweet naman ng boyfriend mo! Knight-in-shining-armor ang peg. Sayang di namin siya na-meet." She sighed dreamily.

"Sinamahan nga ako ni Kuya Alfred kanina para magreklamo sa Office. Binigay namin yung photo ni Kuya Gil dun para di na siya makapasok ulit. Alam mo naman si Kuya, super protective yun, ihalo mo pa si Prince. Hay... gusto pa ni Prince, sunduin ulit ako mamaya pero sabi ko wag na."

"Waah... ikaw na girl! Ikaw na ang may protective na kuya at hot boyfie. Sana ako rin kaso panganay ako," Issa wrinkled her nose,"pero next time pakilala mo kami ha." She grinned at me. Naku si Issa, halatang puma-fangirl kay Kuya Alfred.

"Sure," I said with a smile. Kinuha namin yung titles ng libro na posibleng gamitin sa bagong research na naka-assign sa BS 101 reporting. "Grabe naman si Ma'am Yumul, parang maiiyak na si Rachel kanina nung hi-not-seat niya."

"Well ganun talaga. Dapat always ready," Issa smirked, "Late kasi siya tapos nadatnan pa niyang may topak si Miss dahil hindi ready yung kwarto na ni-reserve para sa lecture." Sa UP lahat ng klase ng prof makikilala mo pero karamihan sa kanila may saltik!

 Pumasok na kami dun sa kaloob-looban nang Library kung saan naroon ang mga libro. Si Issa ang umakyat dun sa tuktok ng shelf kasi naman ang liit ko at di ko abot. Kaso bigla itong umuga.  Na-off-balance siya at naglaglagan ang mga libro sa akin at dun sa lalaking naghahanap din ng book sa kabilang shelf. Napakapit siya sa akin para salagin yung ibang bumagsak.

"Ohmaygosh Aya! Sorry!" Agad bumaba si Issa mula sa shelf. "Sorry po," she apologized to the guy.

"Achoo!" Napabahing ako dahil sa dami ng alikabok. Hala ka! Allergic pa naman ako sa alikabok! Naramdaman ko kaagad na nangangati ako. Teka bakit parang ang bilis naman ng allergies ko ngayon?

"Hala, Aya okay ka lang?" Pinagpagan ni Issa yung blouse ko, "sorry talaga."

"Nangangati ako," I admitted. Nagsisimula nang magka-rashes yung mga braso ko. Ang mahirap, yung food allergy ko sobrang wala na pero yung environmental minsan nag-re-react pa rin. Hala naku, saan ako maliligo nito?

"Miss okay ka lang?" the guy asked me. I nodded and tried not to scratch my arms. Kapag kinamot ko 'to tiyak lalong dadami at kakalat.

"Naku girl grabe naman yung allergies mo!" Nag-aalala na pinunasan ni Mitch ng panyo yung mga braso ko. "I-alcohol natin?" Grabe, feeling ko mas intense yung reaction ng allergies ko ngayon. Dapat ba akong bumisita ulit sa allergologist ko?

"Naku wag, lalo lang mag-re-react yung balat ko. Ligo lang katapat nito," Grabe ang kati!

"Sigurado ka?" He touched my forehead, "Gusto mong bumili ng anti-histamine?" I shook my head. Hala ka, pati si kuya naging concerned. Medyo lumayo ako ng konti kasi hindi ko siya kilala saka kahapon lang may stalker ako. Mukha naman siyang harmless pero mahirap na.

"Thanks, pero okay lang po ako." Nakita kong nangingiti si Issa at Mitch. Hala, anong iniisip nitong mga 'to?

"Sorry, I'm Dylan Narvaez, Fourth year Bio," he held out his hand and I shook it. Nakakahiya naman kung di ko pansinin di ba?