🌌حب السماء🌌 [ باللهجة الجزائرية💖]

?بارت 07?

صدق من قال ان الحب يغير طبيعة الانسان
فعلى كل شخص انا يضحي ولو بالقليل من كرامته
من اجل حبه 💖
~~~~~~~••~••~~
حتى وصل وقت لخرجة جا عندي جواد و رحنا كيف كيف... مصبناش فارس فكلاصتو صافيك حبطنا وين الفيلو تاعو قعدنا نستناوه...كنت بعيدة عليه شوية عبالي يشوفني فارس قريبة ليه يتقلق... جتى نشوفو جاي ملجهة لوخرا و يخزر فينا باستغراب...

فارس : وش راكي ديري معاه رونق ...وش كاين؟؟

انا برك حبطت راسي

جواد : تشفا وش قلت... رونق انا لي نحميها ...ياخ هدا كلامك ؟

فارس : ايه...علاش

جواد : باينة علاش...رونق راهم يهددوها و راهي خايفة... خايفة لدرجة رجعت كل دقيقة تقول رح تصرا عفسة مشي مليحة

فارس : عفسة مشي مليحة؟؟

جواد : حبيبتك السابقة...حبيبتك السابقة راهي تهدد فيها و قالت مرحش تخليها لحالها

فارس خزر فيا و قالي

فارس : كاين منها؟؟

انا سكتت تبلوكيت مقدرتش نهدر

فارس : رونننق *بصراخ قليلا*

بلخف اومأتلو براسي علامة الموافقة

فارس : علاااش مقلتيليش *بغضب*

جواد : مقاتلكش باغسكو خافت عليك... خافت دير مشاكل ... راهي تسيي تحبس هاد الشي بنفسها... راهي تعامل روحها بغباء... مزال ما فقتش بلي نتو زوج ما تتوالموش

شفت خزرة فارس تحولت من الملاك للشيطان

فارس : شكون نتا باش راك دخل في روحك *بصراخ*

جواد : انا برك ... حبيت نحمي رونق ...انانقدر نعطيلها السعادة...مشي كيما نتا

حتى نشوف فارس قرب ليه و بدا يعيط

فارس : شكووون نتا باش راك تهدر هكا *بصراخ*

جواد : هدا وزش تقدر تدير غير لعياط و تضارب ...بصح مقدرتش ميمبا تحمي الطفلة لي تحبها

رونق : فارس خلاااص

فارس خزر فيا و فيه ابخي ركب الفيلو تاعو

فارس : رونق ايا نروحو.

رونق : ....

سكتت و تبلوكيت فبلاصتي

فارس : روننق *بصراخ*

انا بدون اي تفكير رحت قعدت فالفيلو وهو ديمارا... صح راني نعاني بصح منيش حابة نخسرو... خلاص فات الاوان و حبيتو

طريق قاع و هو ساكت على عكس العادة موالف يدير حالة بالهدرة و ضحك .... معباليش راني نحس بالدنب كون انا فاتحتو بالموضوع افضل... بفف تخلطت قاع وصلني حتى دار جيت راح ننطق قاطعني و ديمارا بلا اي كلمة ... معليش غدوة نهدر معاه