*بعد مرور شهر*
جاز شهر على هدية العفسة مع لول كانت بزاف صعيبة علينا بصح فارس بقا معايا و كان دايمن يعيطلي و كنا مرات على مرات نتلاقاو باش نروحو لبلاصتنا السرية و نقصرو كان دايمن يشجعني
كانت بزاف صعيبة عليا باش نقابل و نهدر مع عائلتي بصح مع لوقت خلاص..وش ندير هدا هو القدر تاعنا...
مهم لفاكونس جاز غير قراية و دار و مرات نخرج مع فارس كما قتلكم
بصح كي جات لقراية لي تحسنا كثر نتلاقاو مع سامي و فرح و هما مهابل يضحكونا
تواعدنا انا و فارس بلي هاد لعفسة مرحش تعيقنا فقرايتنا او تعيق علاقتنا ...
على هادي نسينا قاع
يامات لقراية جازو كيما تع لفصل الاول...نروح صباح مع فارس و دايمن نحلو لي سوجي كيف كيف
بصح عفسة وحدة لي تبدلت...مرجعناش نشوفو نسرين بزاف...مولاتش حتى تجي هاد الفصل تجي غير خطرة ولا زوج فالسمانة
*في الصباح*
ااااه اخيرا ليوم لخميس بصح الحمدالله كملنا الفروض الاولى الاساتذة راهم يجرو باه يكملو الحمدالله رانا فاهمين كلش
نشالله هاد الويكاند نريح شوية
المهم نضت صباح لبست اللبسة الملعونة و درت ضفيرة و حبطت فطرت مع العائلة و بيان سوغ لازم القصرة و الضحك هههه
و كيلعادة فارس منظم بزاف ههه تقوشي عايش معايا انا برك نكمل يبعتلي ميساج باه نحبط
الكرطاب ديما معايا *بصوت محمد رغيس*
و جيت رايحة هههه
فارس : صباح الخيررر ههه كي صبحتي
رونق : هههه الحمدالله لباس و نتا
فارس : والله راني ميت لعيا ههه
رونق : علاش كاش نهار مكنتش عيان ههه
فارس : لا لا ههههه والله سهرت باش نحل هداك السوجي لي عطيتيهولي يابنتي واعر
رونق : وشنوو هداك واعر؟؟
فارس : يابنتي متنسايش انا غبي
رونق : هههه متقولش هكا هههه وش جاك صعيب قولي فوقت لفطور باش نفهمهولك
فارس : ااي اوك نشالله
تبسمتلو و رحت ركبت معاه و ديمارينا هههه كيلعادة طريق كامل قصرة حتى وصلنا لليسي صبنا سامي و فرح يستناونا ههههه رحع هدا هو روتين تاعنا اليوومي...
المهم قصرنا شوية بيسك مزال ما صوناتش
بصح برك صونات طلعنا قاع لكلايسنا و بدينا نقراو
استاد يروح و استاد يجي و كل واحد يعطيلنا لمعلومات سون ستوب مخنا راح يطرطق بصح وش ندير لازم
قاعدة مركزة معاه والله فلكلاصة غير انا و فرح و شوية بنات و شوية دراري لي نركزو لباقي قاع راقدين و لا يقصرو تاكلين على دروس الخصوصية تع برا...انا عمري ما درت دروس خصوصية نحب نقرا وحدي و حمدالله راهي ناجحة حتى لدك
أنت تقرأ
🌌حب السماء🌌 [ باللهجة الجزائرية💖]
Lãng mạn? قصة حقيقية? كل قصيدة هي بداية الشعر...? كل حب هو بداية للمعجزات ...? و كل معجزة تأتي من السماء...? انت الريح الذي يداعب خصلات شعري...? انت الحشيش الاخضر الذي يداعب اطراف يدي عندما المسه...? انت السماء الزرقاء ...? انت البحر الهاديء...? انت ك...
![🌌حب السماء🌌 [ باللهجة الجزائرية💖]](https://img.wattpad.com/cover/158830540-64-k428155.jpg)