🌌حب السماء🌌 [ باللهجة الجزائرية💖]

💖تعريف الشخصيات💖

ملاحظة : هاي بنااات راني رجعت بكرونيك رح يكون من افضل كرونيكاتي تع صح... نتمنى يعجبكم و تدعموني ... و تان مرحش نديرلكم تصاور الابطال لخطرش ملقيتش تصاور كما راني متخيلتهم انا بصح نوصفهم ... نتمنى يعجبوكم ثاني شيء الكرونيك هادي تخمام شخصياتها و طريقة عشيهم مشي جزائرية ( فاللباس و كلش ) صافيك متقولوليش مستحيل يصرا هكا فدزاير ههههه انا نحب نبدل مشي لازم نتقيد بعادات الجزائر هكا باش نوسعو نطاق لكرونيكات مشي كي تروى بالدزيرية يعني لازم تكون كما يعيشو الجزائريين بصح نوعدكم رح تكون بزااااف شابة و بيان سوغ لمشاكل فيها فيها 😂 راكو مع سارةهههه شكغا عفون
~~~~~~~~~~~~~~~
                           ❤ رونق ❤
رونق...أسم على مسمى ...البهاء والاشراق والاطلالة بصورة مميزة وجميلة... رونق طفلة عندها 18 سنة تقرا فالليسي سنة ثالثة ... عايشة مع امها امينة و ابوها سمير و ختها الكبيرة آية عائلة مانها فقيرة مانها غنية عادية ... مكاش اسعد منها عايشين بسعادة تامة  لكل متفاهم و حنين على لوخر ... بابا رونق مع انو بناتو كبار بصح مزالو يشوفهم بنات صغار و وش يطلبو يجيبهولهم .... اما رونق ملائكة علي وجه الارض عاقلة بزااااف و تحشم عندها صوت رقيق و حلو ... مكاش لي ميحبهاش فصحاباتها ... عاقلة بمعنى الكلمة ماتحبش لمشاكل خاطيها خرجات و ماكياج و عمرها لا واعدت طفل
رونق عندها عينين زروقة رايحين للرمادي و شعرها اسود و طويل و حرير و ما طويلة ما قصيرة عادية حتى لاطاي تاعها عادية ..عندها ملامح بريئة و تبينها اصغر من سنها
~~~~~~~~~~~~~~~~
                         ❤ فارس ❤
فارس طفل عندو 19 سنة  عاود سنة اولى تاعو علابيها راه يقرا سنة ثالثة ليسي ... جاي شوي متمرد يعني ميسمحش في حقو حتى و لو هو غالط يدير مشاكل و ميخافش ههه ... هواية تاعو لغناء و عزف لقيتار ... عايش مع امو حنان و ابوه كمال و عندو اختو كبيرة اسمها ملك .... الكل حاسبو مافيا بسبب مظهرو بصح كون يتقرب منو شخص يشوف طيبة تاعو و حنانتو
فارس جاي طول و لكوغ مخدوم مي مشي بزاف ... عينيه نوازات و شعرو جاي شاتان و دايرلو كوبا هكا

عندو وشمين واح في رقبتو ملور و الاخر و يدو ليمنى ملتحت  تع رقبة وردة صغيرة و في يدو كاتب جمل... و هاد شي يزيد يعطي للناس نظر عليه انو هو شخص سيء
~~~~~~~~~~~~~
                          ❤ فرح ❤
فرح اعزصديقة لرونق و تقدرو تقولو كيما ختها عمرها 18 هي و رونق ترباو كيف كيف من صغرهم صحابات .... على عكس رونق فرح تحب لماكياج و تحب تلبس و كذا و واعدت في حياتها بصح مشي بزاف... هي و رونق دايمن يتنافسو فلقراية بصح بلا غيرة بلعكس كي جيب وحدة خير ملوخرة يفرحو نورمال.....  عايشة مع عائلتها و دارهم قريبة من دار رونق صافيك دايمن يروحو كيف كيف و يرجعو كيف كيف
~~~~~~~~~~~~~
                       ❤ سامي❤
                          
سامي اعز اصدقاء فارس تعرفو على بعضهم فالمتوسطة و كملو كيف كيف عندو 18 سنة و هو تماما كيما فارس اصلا دايرين فرقة كيف كيف يعزفو قيتار و كلش...  هو جاي قصايري و يحب يتمهبل مشي قاري بزاف عادي هو لمهم يجيب عامو برك... 

انتهى
~~~~~~~~~~~~~~~~~~
باقي الشخصيات تتعرفو عليهم فلقصة نشالله نتمنى تعجبكم و ادا لقيت تفاعل عليها نحطلكم بارت كل يوم لخطرش كلش راه واجد هيهيهي
شكرا❤