🌌حب السماء🌌 [ باللهجة الجزائرية💖]

🍺بارت 10🍺

*في الصباح*

نضت مع صباح و لحماس ياكل فيا هههه رحت درت روتيني اليومي و لبست اللبسة الملعونة تع الليسي -_- بصح معليش سوف اتحمل العداب... برك كملت حبطت لقيت ماما موجدتلي فطور ولا اروع اححح

سمير : اييه وش ملحمار مات ليوم

امينة : بيان سوغ مراحش نشوف بنتي نهار كامل يايما

رونق : هههه نهار برك ماما متخافيش

امينة : عبالي بنتي شاطرة مينخافش عليها ههه

رونق : خسارة عليك

بدينا ناكلو و نستبنو و بيان سوغ قبل ما نبداو صورت و بعت لاية باه نغزلها ههههه

سبحان الله فارس تقوشي عايس معايا انا برك كملت ماكلة بعتلي ميساج باه نحبط رحت رفدت كرطابي و كان ثقيل مع انو مدرتش فيه بزاف حوايج

رونق : راه ثقيل بزاف

امينة : وييي انا زدت جطيتلك ماكلة تكفيك نتي و جماعتك ههه تكفيكم لنهار كامل متخافيش

رونق : ياخااه ههههههه واقيل راني رايحة ناكل انا

امينة : عبالي بلي راه يستنا فيك الوغ روحي و بلعي قبل ما تجيك البليغة

حشمت اومامتون جاني الضحك اما بابا حط راسو بين يديه كلي راه يتحسر لتم لي جاني الضحك كثر هههههه رحت عنقتهم و سلمت عليهم الوداع و كدا الله غالب دراما وش دارت فيا انا خاطيني

بعد الوداع الاليم قصدي المضحك خرجت بسلام من الدار صبت فارس يستناني رحت نجري ليه عنقتو ااح سي غومونتشيك بصح مشي تعنيقة تع خمس سنين تع ثانية و خلاص هههههه

فارس : تووحشتك يا مكلوبة

رونق : ااااه حتى انا هههههه و مكلوبة هادي جديدة

فارس : كل يوم نخرجو بكلمة جديدة هههه

رونق : حنا خشان هههه

فارس : واش صافا

رونق : الحمدالله و نتا

فارس : الحمدالله...اه ... بصح اصبري جبتي قاع الخزانة فكرطابك

رونق : ههههه والله غير ماما عمرتهولي بلماكلة

فارس : هههههه راكي كي حالتي حتى انا عمرتلي لماكلة تقوشي رح نحاربو

رونق : معليش الاكل مفيد للصحة