🌌حب السماء🌌 [ باللهجة الجزائرية💖]

🔮بارت 21🔮

فهاديك الدقيقة....قلبي مات!
رجعت للدار و قبل ما ندخل ...واقفة ...مسحت دموعي
رونق! لازم تكوني قوية ... علاجال والديك
والديك لي دارولك كلش...
ضحاو بكلش علاجالك...
لازم تكوني قوية!
بعدما مسحت دموعي
عدلت روحي ....تبسمت ... و جيت داخلة
رونق : سلااااام *بفرح*
بداو يخزرو فيا بطريقة غريبة تع تساؤل...جات عندي ماما ....
امينة : ر..رونق...راكي مليحة؟
رونق : ههههه الحمدالله راني هايلة
ماما تبسمت و عينيها تعمرو بالدموع
رحت قعدت فالطابلة و قتلها
رونق : راني ميتة بلجوع مطابش لفطور ههنهههه
امينة : ههه طاب طاب كنا نستنو فيك
تبسمتلها ممبعد جاو اية و بابا قعدو معانا و ماما حطت لفطور و بدينا ناكلو
كنت ناكل بسيف بصح مبينتش
معنديش قاع شهية
شحال واعرة انك تكوني محطمة و تمثلي السعادة
اصعب شيء 
بعد ما كملنا ماكلة نضت باش نغسل ماعن مع لول ماما مخلاتنيش بصح انا سمطت عليها حتى رحت ديتها لبلاصتها خليتها تكسلت و رحت انا نغسل لماعن و اية تمسح كيما كنا بكري ههه اييه ليامات ....
المهم برك كملت طلعت ديراكت لبيتي بدلتحوايجي و قعدت فلبونك تاعي ...خلاص منيش قادرة نشد كثر...طرطقت بلبكا ...تحطم قلبي خلاص...راني حاسة بواحد الالم في قلبي ميتوصفش...
بكيت حتى رحت لعالم أحلامي....

*فارس يحكي*
*فلاش باك ليوم العرس*

نضت صباح بكري ..حبطت صبت ماما و ملك قاعدين  يفطرو 
حنان : رااااه جا العريس ديالنا ههههههه 

فارس : هههه صباح الخير 

ملك : ههههه شوفي شوفي كيفاش حشم
فارس : اووه سكتوني ههههه وين راه بابا 
ملك : راه برا يسقم فالطونوبيل 
فارس : اوك هههههه

خليتهم يفطرو ههه الحمدالله لافامي تاعي مجيش حتى لعشية فلعرس.... هربت ننجري عند بابا 

فارس : صباح الخير ههههه

كمال : صحااا العريس جيالنا كي صبحت 
فارس : الحمدالله لباس و نت ههههههه
كمال : الحمدالله ايا ارواح تعاوني واقيل حسبتلك كي عريس نخلوك ترتاح
فارس : لالا بعدي الشر ههههههه
رحت وقفت قدامو و هو وش يقولي نديرو 
كمال : فارس روح جيبلي تورنوفيش راه لهيك
فارس : رحت
رحت نجيبهولو
فارس : وين راه 
كمال : شوف راه لفوق 
بديت نحوس عليه بسيف باش صبتو ....جيت رايح مولي عندي و برك قريب نوصل حبست....جاتني دوخة و بديت نشوف كلش فلو...و راسي بدا يوجع...و اخر شي شفتو اني طحت فالارض و تورنوفيس يتخبط فلرض....
*كمال يحكي*
كنت نسقم فطونوبيل هادي تخاف ديرها بينا فنص الطريق للعرس هههه حتى جا فارس و قتلو يعاوني هههه واش واقيل كي عرسو نخلوه يتفشش ههههه الطفلة لي تتفشش مش لولد...المهم كي قريب نكمل سحقيت تورنوفيس و خلاص قتلو لفارس باش يجيبهولي ضرب خمس سنين....و انا نخدم حتى نسمع عفسة تتخبط ندور و نصيب فارس فالارض ...قلبي بدا يخبط و رجعت منضويش رحت لعندو درت يدي على ظهرو و بديت ضربو لخدو خفيف باش يفيق
كمال : فااارس...فارس نووووض 
جربت معاه و هو بنفس لحالة خليتو و رحت نجري للدار...
كمال : حنان ملك *بصراخ* فارس تصرع فجأة