🌌حب السماء🌌 [ باللهجة الجزائرية💖]

🐰بارت 19 🐰

ملاحظة من عند الكاتبة :

بون كيما قتلكم هاد الحكاية حقيقية صافيك حكاو فيها غير الاحداث المهمة و لي تغير مجرى القصة و كدا هههه المهم و انا تان منيش حابة نكثر هدرة و نزيد من عندي صافيك من هاد البارت رح نولي نكثر من بعد مرور و تسريع احداث باش نحكيلكم غير الشيء المهم لي فغيمون تحكي عليه الحكاية هادي .... جوسباغ متتجيناوش ههههه و متقولوش راي تليكيدي فينا بلعكس انا كل ما ندير بعد مرور.... رح نكتبلكم وش صرا فليامات لوخرين و عفايس هههه نتمنى يعجبكم البارت

♥♥♥♥♥♥♥♥♥♥♥♥♥♥♥♥
______رونق تحكي_________

*بعد مرور 5 أشهر *

جازو 5 اشهر ...5 اشهر كاملين ... كلي 5 سوايع برك...جازو يجرو محسيتلهمش... هههه تقوشي لبارح برك كنت داخلة نقرا اولى ليسي ههههه

نرجعو لنهار طاحلي البيبي.... قعدت سمانة كاملة فالدار كنت تعبانة بزاف...و فنفس الوقت حزينة و فنفس الوقت نخمم فالدروس لي ضاعولي و انا قاعدة بالويكاند حتى يزدمو عليا فارس و فرح و سامي لبيتي هههههه انا تشوكيت تع كنت بلبيجاما و شعري طالع حتى نصيبهم قدامي

جاو عندي صباح مراحوش حتى للعشية مساكن كتبولي قاع الدروس لي ضاعولي و جاو عاودولي كلش و فهموني و فارس و سامي قالولي يخلفولي خيري ...تأثرت بزااااف متقدروش تتخيلو جاتني لبكية هداك كيفاش كانو يتعاملو معايا و يجربو يضحكوني و خاصة فارس لي كنت عبالي بلي راه متألم بصح علاجالي جا و راه يضحك و يتمهبل و زيد عاودولي كلش كلي ماغبتش قاع ههههه

لتم تشجعت و خديت قوتي من فارس و قررت بلي خلاص لي فات مات و عفسة مرح تخليني نضعف...بيبي تاعي مزالو في قلبي و في قلب فارس.... و البكاء و النديب و الحزن مرح يبدل شي مالحقيقة لازم نكمل نعيش حياتي لانو هدي هي الحياة مرة معاك و مرة عليك.... و حنا ملازمش نكونو ضعاف باه نقدرو نكونو بخير

المهم كيما قتلكم من هداك نهار و كلشي كي العسل سكر روووعة كلش رجع حلو مع رباعي الخطير بيان سوغ هههههه

صباح نروحو كيف كيف و نقراو و فلفططور كي لعادة كي ميفهمش واحد كاش حاجة نفهموهالو و يامات نروحو للمكتبة نقراو حتى ليل و كل واحد يوصل حبيبتو

نسرني مبانتش قاع شكرا يا ربي...حتى صحاباتها و ديسباراو قاع....

يعني حياتي كانت مليحة بمعنى الكلمة

حتى بابا خلاص قبل كليا بفارس و رجع يحبو و ماما كثر ههههه ولات تحبو كثر مني يا جدكم و رجعو صحابل مع والدين فارس هههه و منحكيلكمش على ملك و اية رجعو صحابات انتيم خاصة قد قد فالعمر... رجعو دايرين فريق تع الموضة و ستوريات فالانستا و حفلات ههههه مهابل الله غالب طنجرة ولقات اختها

جاز الفصل الثاني و انا جبت 16.80 و فارس 15.40 و فرح جابت 16.30 و سامي 14.60

تقريبا نفس نتائج الفصل الاول بصح انا حبطت شوية و ملازمش تتعاود فالباك بصح معليش الظروف تاعي فهداك الفصل مسمحوليش نجيب كثر مي معليش...