🌌حب السماء🌌 [ باللهجة الجزائرية💖]

🌟بارت 12🌟

مهما يحدث...و مهما يكون...سيبقى حبنا فوق كلش ♥

كيفاش نقدر نروح للدار اصلا ...ماما راي دايرة فيا ثقة و بابا اكثر...

بكيت حتى خلاص 

فرح : رونق راكي معولة تباتي...

نضت بزربة مسحت دموعي و قتلها

رونق : نو كملت راني خارجة

شللت روحي و رحت لبست اللبسة تع الليسي و جيت خارجة..حمدالله جابت فرح سيشوار ...نشفت شعري  و انا برك كملت جاو يطبطبولنا باش نروحو 

رفدنا عفايسنا و فرح كانت خملت لحالة ...و جينا خارجين ...حبطنا كيف كيف للتحت باه نستناو لوخرين...حنا برك وصلنا صبنا سامي و فارس يستناو فينا رحنا ديراكت عنجهم

فرح راحت مع سامي و بداو يقصرو و انا رحت عند فارس...جا عنقني بسرعة بصح سمعت قلبو كيش كان يخبط مسكين

بعدنا عليهم

فارس : سافا؟؟

رونق : وش حبيتين نقلك ....ههه الحمدالله

و تبسمتلو

فارس : حسبتلك معباليش بلي كنتي تبكي...رونق وش قتلك...والله يصرا وش يصرا نبقا معاك لابغا نحبس قرايتي و نتزوجو مور الباك هههه اصلا هادي بلا ما تصرا عفسة نديروها 

انا لتم منكدبش عليكم حسيت بأمان كبيييير كي قالي هكاك و فنفس الوقت زاد كبر و كبر في عيني كي وقف معايا راجل...تبسمتلو و قتلو

رونق : ههههههه هاديك بلا ما تهدرها ههه نشالله برك نجيبو باك باه نتزوجو ديراكت

ضحك معايا و قالي

فارس : باينة هههه ايا نروحو عند جماعة

جينا رايحين عندهم حتى نشوف نسرين هابطة مع اللسقات هدوك تاعها.... بصح هاد لمرة مشي كيما لمرات لي فاتت هاد لخطرة كانت في خزرتها خوف و قلق مشي السم و لكره 

محبيتش فارس يشوفها باه ميتقلقش صافيك ديتو بزربة عند فرح و سامي

رونق : هاااي

سامي : ااااه مزلت عيان

فرح : فنيان ههههه

فارس : ههههه علاه كاش نهار كنت اونفوغم

سامي : بلعو هههه تحاميتو يا جبنااااااء

هو برك قال هكاك حتى نشوفو المدير جاي مع لي سوغفايون الكلاب هههه حنا قاع تستفنا كي الجيش ثنين ثنين

هو برك وصل عطا الادن للسورفايون

و بدا يدير لابال ... و كنا قاع لتم.... و بدينا نطلعو واحد بواحد و كل واحد قعد في بلاصتو كيما لمرة لي فاتت 

بصح هاد الخطرة كانت الحالة كالم .... فرح رقدت على كتف سامي و لباقي كل واحد لاتي يا بتلفون يا راقد