رح نكمل وش بقالي محياتي ....نستنا في موتي و اي شي يقلوهولي الاطباء نديرو و نسكت
انا برك جيت رح نبدل حوايجي...زصلني ميساج رحت شفت تلفوني صبتو بابات رونق قلبي بدا يخبط راه يطلب مني باش نروح نتلاقا معاه انا رونق بسيف باش شفتها كيفاش نتجرأ و نشوفو و نهدر معاه كيفاش .... خفت بزاف ...بصح لازم عليا نروح...
رفدت لفاست تاعي و جيت رايح...نمشي خطوة و نتراجع ميات خطوة...ححتى صبت روحي فهاديك البلاصة لي قالي نتلاقاو فيها....قلبي بدا يخبط قبل ما نقابلو....دخلت و صبتو واقف لتم...قاعد نكركر فروحي بسيف...وقفت قدامو و كنت محبط راسي....هو برك شافني قرب ليا و قالي بواحد الغضب
سمير : علاش ؟ *بصراخ*
انا حبطت راسي...شجعت روحي و قويت نفسي...لازم تديرها فارس لازم ...لازم تكرهو فيك عالاقل ميزيدش يخلي رونق تخمم فيك ولا...
فارس : اممم...عييت برك ...كرهت
حتى نشوفو جا عندي و عطاني بدبزة قوية بزاف ...جابني فالارض...مببعد حبط للمستوى تاعي و شدني متريكو تاعي و زادلي وحدوخرة و انا غير محبط راسي و مهدرت حتى كلمة كنت قادر ندافع على روحي بصح مندافعش نستاهل كثر...
ممبعد ناض و خزر فيا بالسم و قالي
سمير : بلاك...ثم بلاك..نزيد نصيبك دور بيها ...لوكان نعرف بلي رونق زادت شفتك غادي يصرا شي ميعجبكش...
انا قعدت بنفسالوضعية و هو راح ....كنت حاب نحكيلو بلي انا نحب بنتو هي لوحيدة لي فقلبي و عمري ما رح نحب وحدة غيرها بصح كيما قتلكم هدا هو مكتوبي..........
*بعد مرور 9 أشهر *
____رونق تحكي_______
جازو 9 اشهر ...جازو بلخف...9أشهر تبدلو بزاف عفايس
راني فلجامعة رجعت مرأة دك بمعنى الكلمة ...رجعت ندير ماكيااج هههه تحلبت هههه ميروحش تخمامكم بعيد ياودي شوية ايلاينر و غيسيل برك...المهم كيما قتلكم راني فلجامعة نقرا اغشيتاكت كنت دايمن حابة نديرها...
درت البيرمي ههههههه بصح معنديش طونوبيل -_-
حالة عائلتي رجعت كيما السابق عادية ماما و بابا رجعو لهبالهم كل صباح يقتلونا بالضحك و أية اخييييييييرا بعد انتظار طويل صابت حبيب نهار قاتلي نضت نعرس اخيرا هههههه الصيف لجاي رح يتخطبو ...
فرح و سامي مزتلهم بنفس عاداتهم تمعشيق في كل مكان...و الصيف لجاي راح يتخطبو هما تان ...
فرح راي تقرا بيولوجي اما سامي راح ادارة اعمال ههه
فارس.....فارس من هداك النهار مزدت شفتو ومزاد بان عليه حتى خبر ...مجاش حتى لحفل التخرج تع ليسي ديالنا ...و معباليش اصلا ادا راح للجامعة ...الايام الاولى كنت الماكلة منقدرش ناكلها كنت كي لميتة و كنت كل يوم نسقسي سامي عليه بصح هو كان يقولي دايمن معباليش و مرات يتهرب و يسيي يبدل سوجي...جاز شهر على هاد لحالة ممبعد قرت نبدل روحي لخطرش شفت والديا كيفاش كانو يتألمو معايا ....بصح باش نقللكم بلي نسيتو..منقدرش...لانو كيما جربت مقدرتش...مزالني كل ليلة في بيتي وحدي نبكي ...نتفكر وش جوزنا و نبكي....مرات نقول راني نحلم و هدا كابوس مش مليح برك...و دك نوض منو
أنت تقرأ
🌌حب السماء🌌 [ باللهجة الجزائرية💖]
Romance? قصة حقيقية? كل قصيدة هي بداية الشعر...? كل حب هو بداية للمعجزات ...? و كل معجزة تأتي من السماء...? انت الريح الذي يداعب خصلات شعري...? انت الحشيش الاخضر الذي يداعب اطراف يدي عندما المسه...? انت السماء الزرقاء ...? انت البحر الهاديء...? انت ك...
![🌌حب السماء🌌 [ باللهجة الجزائرية💖]](https://img.wattpad.com/cover/158830540-64-k428155.jpg)