🌌حب السماء🌌 [ باللهجة الجزائرية💖]

🎨بارت 09🎨

رحنا للدار و اول عفسة درتها نحيت لباس الليسي و لبست بيجاما كونفوغتابل الله الله و تكسلت نشوف لي فيلم اااااه واحد الراحة

ندبت حتى شبعت مع هداك الفيلم و جاني جفاف عاطفي و منعرف و تفكرت فارس

اييه الله غالب لهبال و انا نشوف مع هداك الجفاف العاطفي و الدموع و الخناين عيطلي فارس رديت بزربة

فارس : هاااللو رونقتي

رونق : فارس *بصوت باكي*

فارس : وش كاين...وشبيك رونق...وشبيييك *بصراخ*

رونق : ماتت ماتت *ببكاء*

فارس : شكووون شكونن ماتت انطقي متهبلينيش

رونق : ماتت نازلي *تبكي*

فارس : اااه ربي يا نهار تديريلي السكر كون مشي شوية نحلف منزيدش نعيطلك مزلتي مزلتي مع التراركة و تندبيلي يالمهبولة

ياجدكم هدرها بزربة كلمة فهمتها و عشرين مفهمتش ابابا مسكين باين درتلو لخلعة

رونق : هههههههههههههههههههههه

فارس : تضحكي ...زيد تضحكي

رونق : هههههه خلاص خلاص والله ما نعاودها سممحلي

فارس : هههههه مهبولة ... واش سافا

رونق : الحمدالله و نتا

فارس : الحمدالله لباس.. ايا طيري ملي لفلم تاعك و انا نخرج نشري هههههه

رونق : بلاك على روحك يا حلزون

فارس : حلزون ؟؟

رونق : ههههه عجبني اسم حلزون

فارس : اوك حلزونة خخخخخخخ باااي

رونق : باااااي♥

كوبا و انا تبسمت كي لبهلولة و تجوز اية

اية : عم بتعلق فيك شوي شوي و عم حس بحنييييية... انا عم بلش حبك انا لما بشوووفك بتلللبك *تغني*

و قاعدة تخزر فيا بنص عين و تضحك .... بكل روح رياضية وتركييز رفدت هديك البليغة ووووووو قد لمعتتت عيناااه بالعزم انتفضت يمناااه في هدووء الليل *تع القناص زعما ااووه ملقيتش وش ندير ههه* و نصوب عليها كيما القناص جات ديراكت في راسها

اية : اااااااي يالكلبة والله متحشمي تضربي ختتك راني كبيرة علييييك

بدات تعيط و انا بدون اي تفكير و قبل ما تخلفهالي حكمت تلفوني الحبيب و هربت نجري لبيتي هي تجري و انا نجري و ماما ملهيك تعيط

امينة : راكووو كباااااار حبسووووووو

حمدالله بابا مراهش هنا سينن يحاوزناا هههه و تم الهروب لبيتي بنمجاح و علقتها بلمفتاح بزربة و اية تخبط