🌌حب السماء🌌 [ باللهجة الجزائرية💖]

💐بارت 18💐

فارس : وش صرا راهي مليحة ياخ مابيها والو

الطبيب : الطفلة راهي بخير الحمدالله....لكن الطفل لي كان فكرشها مقدرناش ننقدوه...حاولنا المستحيل لكن مقدرناش تلقات ضربة بزاف قوية لكرشها و اصلا جسمها كان ضعيف بزاف قادر كون كملت الحمل تموت...

منيش قادر نهدر ...منيش قادر نزصفلكم احساسي...

قعدت فالارض و درت راسي بين يديا و رجعت نبكي بلعياط....كيفاش نقوللها لرونق كيفااش

وليدنا لي كنا دايمن نحلمو كيفاش يكون و ليمن يتشبه و نحلمو نربوه راح....

راني نحلمم؟؟؟

هدا كابوس مشي مليح برك ....دك نوض و نصيب كلش مليح...

هدا وش كنت متمني ...بصح مشي اي شي نتمناوه يصرا... من طريقة بكائي كنت نبان كي المهبول

جاو عندي والديا و والدين رونق

حنان : خلاص وليدي لمهم رونق راهي مليحة و كي تتزوجو نشالله راح تجيبو الف واحد

امينة : لازم تكون نتا قوي باش هي تان تتقوى منك

بداو يهدرو هكا و انا مش سامع قاع بيهم ميات عفسة جات في راسي....كيفاش نقول لرونق و كيفاش رح تستقبل الخبر هي حساسة بزاف راني خايف تصرالها كاش حاجة...راني خايف بزاف....و كي طاح الطفل بلاك باباها دك يبدل رايو ....والله نديها و نهرب و نعل بو الباك و زمر قاع

قاعد هكاك حتى نسمع صوت بابت رونق

سمير : فارس نوض...

قالها بجدية انا لتم خلاص قلت دك يفسخ الخطبة و يفصلني عليها .... حبست و وقفت و التوتر قاتلني

بصح تشوكيت كي شفتو جاي عندي و حط يدو على كتفي و قالي

سمير : ماماك عندها لحق... يا رح تتزوجو و تقدرو تجيبو دراري...هاد الطفل ماكتبتلوش يجي للدنيا ...لازم تتقبل هاد الشي لانك راجل و لازمك تكون قوي باش هي تان تتحمل.... مشي قلتو رح تتحملو كلش علاجال بعضكم

هدرتو بزاف شوكاتني و فنفس الوقت قاستني بزاف عندو لحق فقاع وش قال....مسحت دموعي و خزرت فيه و قتلو

فارس : بيان سوغ.... رح نكون قوي و رح نتقبل اي شي و نضحي باي شي باش نبقاو انا و رونق كيف كيف...

تلسملي بحزن و راح قعد ... ممبعد عاود جا الطبيب و قاللنا

الطبيب : رانا درنلها مخدر باش ترتاح و راح تقعد فغيبوبة حتى جوايهستة تع ليل و لتم تقدرو تشوفوها...

قاع أومأنالو براسنا و قعدنا...كل واحد كيفاش و قاع حزان و ساكتين...

جازت ساعة بسيف ... و انا راني غير نستنا الستة باش نشوفها... توحشتها...راني حاب نعنقها منطلقهاش...