🌌حب السماء🌌 [ باللهجة الجزائرية💖]

🍧بارت 20🍧

وقفت و مفقتش كيفاش حتى صبت روحي طايحة فالارض و نبكي و ماما و بابا و اية و فرح قاع مداورين بيان و انا نعيط لربي لي خلقني ...بكيت و عيطت حتى صبت دنيا دور بيا و اخر شي شفتو ماما تعيط و تقول رونق نوضي...

*بعد مرور ليلة كاملة*

قاست اشعى الشمس عينيا ...فتحت عينيا بالسيف دورت عينيا على قاع لبلاصة لي كنت فيها...غرفة بيضة ...راني فسبيطار...رانا فالصيف...بصح راني ميتة بالبرد...راني حاسة روحي بلا اي روح ...مفقتش كيفاش طرطقت بلبكا ...علاش يا فارس ديرلي هكا علاش.... نورمالمون دك راني معاه ....راني في حضنو...علاش راني هنا؟؟ علاش؟؟

و انا هكاك حتى يدخلو عليا فرح و اية ... صابوني بهاديك الحالة جاو يجرو عندي عنقوني لزوج و هما تان بداو يبكو

اية : خلااااص حبيبتي بركاي ما تبكي

فرح : رونق بليز مديريش هكا فروحك

رونق : خلونييي خلونيي *بصراخ*

قاعدة نهدر بألم كبير و نبكي خلاص منيش قادرة كلش تقبلتو كلش نتضربت تهنت فقدت شرفي سبوني جبت بيبي و طاحلي تحديت عائلتي و بابا لي عمرهم ما رفضولي عفسة

هادو قاع قبلتهم و تحملتهم مي خلاص راني انسان راني عبد ...منيش قادرة نتحمل كثر خلاص فاض صبري....

قاعدة نبكي و هما يسكتو فيا ....نيش قادرة نتحكم فروحي كثر ...نص ساعة و انا غير نبكي و نعيط و هما يبكو معايا و يجربو يسكتوني...بسيف باش سكتت

جاو قعدو قدامي و انا اول شي درتو لفرح و قتلها

رونق : فرح....كاش ما قالك سامي عليه

فرح حبطت راسها و قاتلي بكل حزن

فرح : ...ل..لا...لا قالي... قالي كي راح ... مصاب حد في دارهم

رونق: هههههههههههههههه باينة خلاص دا وش يسحق مني جا باك تاعو و كلش وش يسحق كثر يعني؟؟

هما لزوج حبطو راسهم و انا قاعدة غير نخزر و مدايرة حتى تعبير على وجهي...قعدنا مدة هكاك حتى نسمع الباب تفتحت و ماما و بابا داخلين

انا حبطت راسي و خزرت فلجهة الاخرى مقدرتش نخزر في وجههم

حتى نحس واحد جبدني و عنقني و ندور و نصيبها ماما بدات تبكي و انا غير ساكتة و نخزر خلاص حشمت نبكي حشمت نهدر ....عدبتهم هاد لعام معندي لحق ندير والو

امينة : رونق وشبيك بنتي

رونق : ....

امينة : رونق مديريليش هكا

رونق : ....

امينة : رونق بنتي خلاص...عل..

قبل ما تكمل هدرتها قاطعتها

رونق : كيفاش حبيتيني نهدر ؟؟ كيفاش حبيتيني نكون نورمال و انا عدبتكم هاد لعام ...نتو لي درتولي غير لخير فحياتي رديتهولكم بالشر كيفاش