سلام بنات ..
ليش هالهجوم ع مقدام وع امه اني وياكم متعاطفه ويه هيفين بس الي سوته غلط شلون هيج تتنازل عن زوجهه بسهوله وين الحب ترة هو بس راد يسكت امه وكاللهه الله كريم وحته من قبل هيفين تروح لاهلهه رادهه ترتاح يومين ..
ال 3اطراف حقهم .. هيفين مظلومه هواي امور تتحمل مسؤوليتهه البنيه ومنهه سالفه الحمل لان مجتمعنه جاهل ومقدام عمرة جبير ويريد يشيل طفل باسمه من حقه بس ابد ماحسسهه بنقص او تقصير بس هي هاي السالفه من يتأخر الحمل شغله نفسيه معروفه يصير ضغط نفسي يصير برود ومشاكل بالعلاقه بين المتزوجين واني ابد ماكلت العيب منه كلت سوة تحليل وسليم مابي شي والام هم حقهه ابنهه الجبير تريد تشوف اطفاله لان الام تحس وتعرف حتلو ابنهه ممصرح بس تحس بي ممرتاح ويريد اطفال وميكدر يأذي هيفين بحجايه لان يشوفهه تعاني هي هم بس كولشي رزق بيد رب العالمين ..
تكولون 3سنين شويه وقت قليل ليش نحجي بالمثاليات واقعنه ونفسيات البشر شي فاق التصور ماكو انسانيه ولا رحمه وكأنه المرة بكيفهه تحبل او متحبل ..
اعرف بنيه زوجهه هم بنهاية العشرينات وهي اصغر وانطاهه سنه وحده بعد زواجهم اذا ماصارت حامل يطلکهه وفعلا سنه وماحبلت طلکهه وشوف رحمة رب العالمين تزوجت غيرة وجابت توم ولد بعدين بنيه وهو طليقهه هم تزوج ولسه ماعنده اطفال ..
اسفه طولت عليكم بس الكلمه الطيبه صدقه تفاعلوا بالقصه بالعكس تفاعلكم وتوقعاتكم كولش حلوة بس ادعولهم لتدعون عليهم ..
حيل تأذوا البارحه من التعليقات واذا استمر الو ضع بالايام الجايه هيج خاف مقدام يوقف القصه لان مهما يكون منو يقبل احد يدعي ع امه ..
تحياااتي ..
