البارت 35
#أمانتي
بقلمي ملاك الصمت ..
هيفين ..
ثاني يوم الصبح گعدت الفراش فارغ .. مقدام طالع ..
جنت تعبانه واحس جسمي متكسر ..
نحول ونعاس مدري مريضه مدري اتمارض .. ماعندي اي واهس اكوم من فراشي ..
رجعت نمت ..
ساعات وصحيت ع مقدام يصحيني ..
هيفين .. هيفين .. شبالعه وهلگد نايمه ..
شال راسي كوة من المخده ..
كتله .. مبالعه شي .. ليش شصار ..
شصار .. طلعت واجيت وانتي نايمه .. زينب داکه عليج الباب لاحس ولانفس وريوگج هذا ع حطيته ..
ليش بيش الساعه ..
قاربت ال 3
ياتلاثه ؟
الظهر ..
والله ؟
ايي ..
مادري بنفسي هالكد نمت ..
اصلا انتي مصخنه شبيج .. هم گمتي سبحتي ؟
لا ..
اني من حالتي النفسيه توصل حدهه اصخن وكأنه الصخونه تخلي جسمي يرست من اتعرق وتفكني الحرارة ..
اريد اسبح ..
يله فوتي حته تطلعين نتغده سوة ..
ماشتهي ..
دكومي هسه بسرعه صرحت متشتهي ..
نهضت من نومتي ع حيلي .. احس دايخه وبس كمت ع رجليه حسيت الدنيا افترت بيه لزمت قميصه جريته رأسا حس عليه مو راكزة سندني من ظهري وكتفي ..
شبيج عمري ..
مادري دخت ..
طبعا تدوخين صارلج يومين بدون اكل ..
تعالي ..
گعدني ..
بعدين تسبحين ..تغذي اول ..
صاح زينب ..
زينب .. جهزتي الغده ..
اي اي ..جاهز ..
جيبيه لهنا ..
راح جاب طبله وجابت زينب صينيه صغيرة بيهه اكل خلاهه ع الطبله كدامي ..
انتبهت باب الغرفه مفتوح ممفقول كالعاده ..
راحت زينب طلعت ..
مدي ايدج ..
والله ماشتهي ..
وتالي وياج .. حته بالاكل تريديني اغصبج ..
مديت ايدي اكلت شويه وحته بدون تغسيل رجعت لفراشي ..
هاي شنو يابه ..
مجنت نعسانه .. جنت اتهرب منه بادعاء النعاس والنوم ..
متأكده مبالعه شي .. مسويتهه قبل ..
مبالعه شبيك ..
گومي سبحي حته تصحصحين ..
صدك كمت كوة عليه اخذت ملابس ودخلت للحمام ..
ظليت بالحمام اطول فترة ردته بلكت ينام ..
طلعت ع كيفي من الحمام وصدوك لكيته نايم ..
نشفت شعري بالخاولي وطلعت بالهول امشط .. زينب ماكو بغرفتهه ..
ظليت بالهول وحدي ..
رحت للباب الداخليه المشتركه بينه وبين بيت عمو لكيتهه مقفوله ..
رجعت للهول ..
ريحت جسمي ع قنفه التخم ..
ماعرف شكد مر وقت ..
طلعت زينب گعدت يمي ..
سلام ..
ابتسمت الهه ..
هلاو ..
معافاة ان شاء الله ..
ههه لا مو مريضه .. بس صخنت ونمت مادريت بشي ..
سكتنه .. ماعرف بوضعنه عن شنو المفروض نحجي ..
ورة فترة .. طلع مقدام من الغرفه ..اثر النعاس بعيونه ..
من شافنه كاعدين سوة .. ابتسم ..
زينب اول ما شافته اجه گامت دخلت لغرفتهه ..
صح النوم ..
يعافيك حبيبتي .. شلون صرتي ..
اجه گعد يمي ايدي جانت بحضني اخذهه ..
زينه مابيه شي ..
ظل يباوعلي نظراتي عاديه .. صح اخجل .. اخلي عيوني بعيونه شويه وانزلهن ..
نهض ..
يله اني طالع .. عندي شغل ..
دارلي ظهره ديروح سألته ..
شنو شغلك ؟
التفتلي ..
شنو سبب السؤال ؟
عادي .. احب اعرف ..
اذا حجيتلج تصدكيني ؟
جرب ..
حسيته راد يحجي بس سكت ..وكال ..
هو شغل مثل كل يوم .. ويه جراح ..
انقمتت من جاب طاري جراح .. شكد كرهته لهل رجال ..
اريد اطلب طلب ..
أمري ..
اريد اشوف خالتي وصوفي طگ گلبي عليه ..
ههههه هلگد حبيتي هالفصعون ..
هو طفل واول حفيد بالعائله وتوة يناغي شلون ماحبه ..
تنهد بقهر .. حسيت التنهيده طالعه من صدرة ومأذيته .. 5سنين زواج وماكو اطفال .. شنو بيدي قابل بكيفي لو بكيف رب العالمين ..
انزلي بس ماريد مشاكل .. ماريد افتح جبهات ويه احد علمود زينب .. انتي فهميهم ع وضع البنيه ..
ميخالف .. جاوبته ..
بس المفتاح ..
بجيب البنطرون تلگينه ..
رحت اخذت المفتاح وفتحت الباب ..
بس مانزلت انتظرته الى ان سبح وبدل وطلع ياله نزلت ..
زينب مانزلت .. استحت وموقفهه متنحسد عليه ..
من نزلت تفاجئوا لوجودي .. بوست خاله والبنات وركضت ع صوفي شلته ..
سألوني وين هالغيبه .. گتلهم مقدام جان قافل الباب من تعاركنه وقبل شويه ياله فتحتهه ..
سولفتلهم الباقي وع وضع زينب واسئله شهد وميس ولا تخلص ..
وينهه ليش منزلت وياج ..
تستحي غير .. تدري بشهد راح تصعدلهه ..
وصدوك اول ماحجيت هالحجايه شهد طفرتلهه ليفوگ ههههههه ..
صوفي بحضني وميس تمددت تنام ريحتهه من صوفات وخاله تباوعلي بعيون استغراب وعطف اعرفهه بشنو تفكر ..
خاله انتو زينين ؟
سكتت شويه دااريد اشوف شلون اجاوبهه .. اي خاله زينين ..
ربي يريح بالج ويترس حضنج بطفل ..
تسلمين خاله ..
شويه ونزلت شهد .. ظلت تبسبس هي وميس ..
قريب العشه بشويه اجه ايهم .. جان ببيت اخته يشوفهه ..
هلا بخيتي وين هالغطه ..
ابتسمت .. هلا بيك .. حكم القوي بعد ..
الله يعين ..
سكتنه .. ورة شويه گتله ..
ابو مصطفى اذا بعدك ناوي ع الروحه وروحتكم متوقفه عليه اني قررت اطلع وياكم ..
كولهم انتبهوا ع كلامي وصفنوا عليه ..
خاله بعيونهه نظرات تساؤل .. دنگت وتهربت من تساؤلات عيونهه بس عرفت اكو شي صاير بيني وبين مقدام ..
هاهيه خيتي تو
