البارت 3
#امانتي
بقلمي ملاك الصمت
2005 هي اسوأ سنه بحياتي ..
جنت امتحن امتحانات نص السنه وبابا سافر لسوريا بحكم شغله بالتجارة ..
اتفقنه اول مايرجع وكون اني مخلصه امتحاناتي ياخذنه اني وبيبي وبيت عمو نروح ونسه لسوريا ..
بوقتهه جان الوضع يخوف والطريق لسوريا برا مو امان لان طريق بضائع وتجار لارقيب ولاحسيب ولا سيطرات جيش كثرت السلابه صار الخطف والقتل اسهل منه ماكو ..
انقطع اتصالنه ب بابا من يومين ..
گلبي نار عليه وماكدرت اقرة زين بس اروح امتحن واجاوب الي اتذكرة ع گد النجاح ..
باليوم الثالث المغرب اسمع صوت صياح جوة واني فوگ بغرفتي ..
ذبيت الكتاب وركضت نزلت بس ارجف كلبي كارصني ع ابويه ..
الهوسه بالمطبخ .. رجليه اخذتني لهناك ..
طبيت لكيت عمي كاعد القنفه مدنگ راسه ويبجي ..
ضيقت عيوني .. خفت .. التفتت لبيبي تبجي وتلطم ..
محد منتبهلي .. ديلر هم موجود .. رفع راسه شافني .. شفت عيونه متروسه دموع ..
من بعد العركه اول مرة ديلر يدخل لبيتنه ..
عيوني عليه تحاجي عيونه تسأل شكو ..
ش شكو ش شصاير ..؟
گلتهه متقطع ..
كولهم انتبهوا عليه ..
بيبيتي كالت .. يمه تيتمتي مرة ثانيه ..
ابتسمت برفض للي سمعته ..
ههه شنو قصدج بيبي .. لا ابويه مابي شي .. صح عمو ..
تقربت من عمو اهز بي .. صحيح عمو مو .. ديلر انت احجي هم رحت اهزة من جتفه ..
انتو تجذبون ..بابا مابي شي ..
ديلر ذبحني ..
ديلر .. عمي لگوه مكتول ومسلب بالسريع من ديرجع ..
صرخت صرخة ..
ابوووووويه ..لااااااااا ..
حيلي باد ورجليه ماعاد تحملني عيوني غوشت اذاناتي انصمن بعد ماسمع شيحجون ..
شفتهم ركضوا عليه محسيت بشي بعد .
........
مقدام .. وصلنه خبر مقتل عمي بعد مافقدنه الاتصال وياه لمدة 3ايام ..
القتل صار ع ايد عصابه من السلابة سبب القتل انو هو تاجر سلبوه واخذوا فلوسه وسيارته وحته الاصبع الي جان لابس بي محبس فضه بس الشذرة زمرد قاطعين اصبعه وماخذين المحبس وذابين الاصبع يم جثته ..
مكان القتل ع الطريق السريع بين الرمادي وسوريا دوريه شرطه لگت الجثه ومن هويته متعرفين عليه لان لا فلوس لا مبايل ..
ماحجينه شي قبل لانتأكد بس الموضوع جان منتهي وماكو مجال لامل او شك انو يكون عايش لان لاگين هويته وع هالاساس اتصلوا علينه ..
ابويه اتصل ع عمي ثامر اصغر عمامي بلغه ولازم يروحون للمستشفى يتعرفون ع الجثه ويسووله شهاده وفاة علمود ناخذه نغسله وندفنه ..
شفت ابويه راد يوگع من طوله ركضت عليه سندته ..
شفت الدموع بعيونه .. ابويه كولش يحب عمي ابو هيفين وحسيت انكسر ظهرة بهالخبر .. ياما نصحه يبطل هالسفريات لان الوضع خطر والطريق خطر وقانون ماكو ودوله ساقطه بس ماسمع ..
امي شافتنه وجوهنه تطي الوان لطمت ع وجهه عرفت عرفنه خبر عم عمي .. عرفت عمي مات مقتول ..
صايح اليبوووه اشتغل وع صوتهه اجن خواتي شهد وميس ..
حضنن ابويه وظلن يواسن بي ..
اسندني بويه ..
انهد حيلي ع ابويه بذاك اليوم واني اشوف انكسارة ع عمي ..
سندته وگومته ورحنه ع عمي ابو هيفين خبرناهم بالي عرفناه ...
جنت شايل هم بنت عمي المسكينه يتيمه الام وهسه صارت يتيمه الاب شلون حتتقبل الخبر ..
وفعلا من كتلهه نكرت وماصدكتني بس شافت ابويه يبجي وبيبيتهه تلطم وتبجي يمكن هنا صدكت وكامت تصرخ رافضه ..
شفتهه تطوطح عبالك ممتوازنه وتريد توكع ركضت عليهه شلتهه وهي مغمي عليهه ..
ظليت اصيح ..
مي مي جيبولي مي ..
عبالي اغماء عادي ماتحملت الصدمه بس ماوعت ابد ..
راسهه بحضني واوعي بيهه برشات مي ع وجهه وضربات خفيفه ع خدوده ماوعت ابد ..
ماتحملت خفت خاف ضربتهه جلطه لو سكته قلبيه مخايف ع بشر بحياتي مثل ماخفتع هيفين بذيج اللحظه ..
بويه مدا توعى .. خلي ناخذهه مستشفى ..
صحت عبااايه ..
بيبي انطتني عباتهه .. لفلفتهه وشلتهه ونهضت بيهه ..
ركضت بيهه للسيارة وامي اجتي وياي ..
وگبل للمستشفى ..
