ابويه .. وانت كلتهه زعطوطه وماتعرف مصلحتهه .. شوف بويه بنت عمك دمك ولحمك ويتيمه ماتطلع برة هالعايله .. ولد عمك ثامر صغار اصغر منهه والله مارزقني بغيرك فلا تأذيني بسالفه عناد ولاتگلي انهانيت ..
بنت عمك الك خلص سد السالفه ..
سكتت ماگدرت اجادل ابويه اعرفه شگد جان يحب عمي ويعزة ..
بس شلت هم لو سألتني او عادت عليه حجايتهه ماصدگت وياي بساعتهه شجاوبهه ..
هيفين .. مرت الايام صعبه وطويله .. اشتاق لابويه هواي .. مكانه ترك فراغ بگلبي وبيبي جانت دائما تواسيني وتحجي وياي انو هذا امر رب العالمين وقدري الي مامنه مهرب ..
خالو سراج وزوجته دائما يحاولون يطلعوني وغيرون نفسيتي بس اني صح اطلع وماشيه حياتي رغم عني بس مااحس بيهه مجرد روتين يومي وكأنه روحي مسلوبه مني ..
دراستي تركتهه هالسنه لان تقريبا ظليت شهر للعلاج بتركيا ورغم عندي
