البارت 18
#أمانتي
بقلمي ملاك الصمت
هيفين ..
بعد هذاك اليوم تجاهلني ديلر تمامااا ..
لايجي لبيت عمو ولا بالجامعه يعيرلي اهتمام .. صرت استجدي النظرة منه ..
مشاعري مقسومه بين اني احب ديلر وبين خوفي من مجهول .. لا مو مجهول سبب خوفي بسبب ماضي بيني وبين ديلر من عمري 15سنه عقد عليه و3سنوات يحاول وياي علمود احبه وكل مرة الصد والرفض هو ردي شلون اطمئن مااتحاسب ع ال سويته رغم جنت طفله مراهقه تربيت ويه ابن عمي وماشفته غير اخ كبير متسلط ويحاول يتحكم بيه ويمحي اي وجود لشخصيتي ..
الي مو بمكاني يمكن ميفهم مشاعري والدوامه الاني بيهه ..
اول شهر بماده استاذ مقدام رسبت بس بالشهر الثاني عدلتهه نجاح بس ع الحافه ..
من اخابر شهد لو بيبي يسولفولي ع عمو عبد الهادي خطيه مريض ودائما اتصل عليه ويطمني بصوته الحنين انو مابيه شي ويوصيني اهتم بدراستي وماشيل هم ودائما احس ع طارف لسانه كلام يتجبجب يگوله ..
ومرات يعاتبني ليش هيج مأذيه وليدي گلبي يعصرني وتصير دمعتي بطرف عيني .. دائما يگولي هذا مقدام ملاكي الحارس لو ابتعد لاخر الدنيا ..فلا تخافين منه يابويه ..
معناتهه عمو يعرف بكل الكلام الي دار بيني وبين ديلر الي عرفته ديلر بسبب حالة عمو الصحيه المتدهورة ناوي يقدم نقل قبل عطله نصف السنه يريد يعوف جامعه بغداد وينتقل لجامعه الانبار ومنهه يرجع يلزم شغل عمو ويريحه لان هو ديتعب ضغطه من الشغل رغم هو مشرف فقط والشغل كوله بيد العمال ونهاية كل اسبوع يروح ديلر يدقق الحسابات وينظم شغل اسبوع كامل ليگدام ويرجع لبغداد بس عمي مجان راضي ..
اعرف ليش عمو مو راضي واعرف ليش ديلر مصر ..
يمكن ديلر فقد الامل مني ..
هالمرة ديلر مصر وقدم نقل لجامعه الانبار قبل عطله نصف السنه جنه نمتحن كورسات ..
خلصنه امتحانات وبدت عطلة نصف السنه ..
بيت عمو ثامر ولدهم معطلين وفروحه مو بالمدرسه فحزمت امتعتي وهمه قرروا يوصلوني للبيت. ويبقون يم بيت عمو عبد الهادي شكم يوم .
وهذا الي صار .. طلعنه من الصبح وصلنه قريب الظهر معزومين عد بيت عمو عبد الهادي ع الغده وبالنسبه الي تم تحذيري من قبل عمو مسبقا بأن التهرُب ممنوع ..
اول موصلنه خليتهم ينزلوني بباب بيتنه اول لان كولش مشتاقه لبيبي وكتلهم اجيب بيبي واجيكم بس اسلم ع بيبي ..
دخلت وجانت كاعده بالمطبخ وهي تدري بجيتي ومنتظرتني ..
تلگتني بالاحضان دموعهه جرت وع واهسهه دموعي جرت تحاضنه وظليت فترة هواي بحضنهه ..
3اشهر واكثر مشايفتهه واول مرة نفترق هلگد وقت ..
گتلهه بيبي عيب من عمو لسه ماسلمت عليه لازم نروح بسرعه ..
غمزتلي .. عيب من عمج لو مشتاقه لاستاذ مقدام ..
ههههههه بيبي اشو تعرفين البير وغطاه وكل السوالف يمج بعد حتى ميباوع بوجهي ..
من عمايلج عنوديه ومتسمعين كلام ..
منا وهيج راح اسمع الكلام بس علميني شسوي ..
اي اي .. روحي سبحي وبدلي حته نروح ..
لا اروح بملابسي بس خلي الف شالي عدل ..
يله بسرعه ..
رحت صعدت طبيت لغرفتي اباوعلهه بلهفه حتى لغرفتي مشتاقه وحته غراضي مانزلتهن من سيارة عمود ثامر من كتله يذبني هنا ..
رحت ع المرايه عدلت كحلي وخليت مرطب ولفيت الشال عدل ونزلت لكيت بيبي لابسه ومكمله ..
طلعنه نتمشى رغم الشمس طالعه بس الجو بارد بدايه شهر الثاني ..
بعد بيت عمو هادي 3شوارع عن بيتنه ..
تمشينالهن ووصلنه دگينه الباب ..
سمعت صوته يگول منو ..
فتح الباب وهو يهلي ويمرحب بيبي .. وجهه مبتسم .. هو البارحه راجع لاهله يعني قبلنه بيوم والظاهر ممسلم ع بيبي ..
ياهلا بريحه الطيبين هلا بالحنين ..
ضحكت بداخلي بيبي اللوگيه ..
هلا بيج بيبي زارتنه البركه ..
حضنهه وباسهه من راسهه واني اراقب كل تفصيله بي اللحيه الطاکهه الشيب والفك المحدد البارز لان ضعفان وجهه الحواجب الغليظه المعقوده وهي تتفحصني بنظرات خاطفه ..
كل تفصيله بي شفتهه بعيون متيمه بحركاته ..
جنت متواريه ورة بيبي ومن صار السرة اليه بالسلام سلمت ببرود لان هذا الاگدر عليه ..
يمكن هو يشوفه برود مني بس السلام كان نظرات عيوني الي حضنت نظراته المشتاقه واديه الي احتواهه حضنه .. بخيالي صورت هالسلام الحار بين عاشقين يكابرون بغباء بس بالحقيقه اكتفيت ب ..
هلاوو شلونك ..
همس ولو بيدي ابلع الكلام لان احس بالذنب بعد الي سويته اخير مرة ..
رد .. هلا بيج ..
جان حاط ايديه بجيوبه وطلع ايد وباشارة منه گالنه تفضلوا تفضلوا ..
دخلنه واشوف عمو منتظرني بباب المدخل بعد طولي طوله شگد مشتاقتله ..
ركضت اله وحضنته حضني وشمني دمعت عيونه ..
اووف ياريحه الغالي ..
عمو شلونك وشلون صحتك والله كوماات مشتاقتلك ..
ههههه ولج شني هاي كوماات جديده متعلمتهه من اهل بغداد ..
ههههه اي من بنت اخوك المشيطنه ..
صدوك فروحه بنت عمو ثامر تگول توماات احبس عود كومات احبج ..
شلون صارت صحتك ..
الحمدلله صرت احسن بشوفتكم ورفع عينه اليه ولمقدام ..
سلم ع بيبي ..
هلا بأم سراج .. تفضلوا و
تكمله البارت 18
