حب الطفولة>

بارت 7

تعرفت ع واحد اسمه عمار عمره 27سنه
وبالصدفة طلعت بت عمه صديقتي هيه جانت فانز اله

استمرينا بعلاقتنه ومرت الأيام و حبيته وحبني

اجت عطله نص السنه و قررنه نسافر لبيروت حتى نبقى يم ماما وبابا

طبعاً سمعت يوسف رجع للأردن هو يدرس طيران وهاي السنه الاخيرة

اجه بابا من هناك حتى يأخذنه
اخذنه ٲٍنٍـٍّМ̳Ế̳ـٍْي واخواني وأختي راحت لبيتهم وقفلنا البيت

وسافرنا
اوف شكد مشتاقه لامي
اول ما شفتها حضنتها حيل وبجيت
عبالك صارلي قرون ما شايفتها
علاء بالمستشفى ما شفته و اتفقنه باجر نروحله
بدلت وتغدينا و كعدنه نسولف شصار و صار الليل ورتبت ملابسي ونمت

ثاني يوم......
كعدت ب3الظهر متكسره وما بيه حيل أكوم
لكيت رساله من عمار
عمار: صباح الأنوار حبيبتي شلونج اشتاقيتلج
ياقوت: هلاو حبيبي ي البارحه وصلت وتعبانه ما حجيت وياك اسفه واني همين اشتاقيتلك
دزيتها وبعدين كمت لكيت امي تسوي غده لعلاء
ياقوت: هلاو ماما (بوستها )
نجلاء: هلا حبيبتي شفتج نايمه بعمق وكلت خطيه أطعمها بعدين اني ما عندي شي المنظفات موجودات و اني هسه بس يكمل ألغده نروح اني وانتي واخوانج لعلاء
ياقوت: يااااااااااااي شوكت اشوفه مشتاقتله
نجلاء: روحي حظري روحج وكولي لاخوانج

رحت حظرت روحي و طبعاً لازم أخذ رأي عمار لبست قميص للركبه كريمي و جينز اسود وأخذت صور ودزيتهم

عمار : الله حلوات عليج وصاحبتهم احلى فدوة بس وين رايحه
ياقوت: لأخويه اشوفه
عمار: ها خطيه الله يشافيه يا ربي
ياقوت: يلا حياتي حروح
.............................................
ملاحظه: عمار همين اخوه بيه سرطان
...................................................
ولبست شالي كريمي مشجر بأسود
ورحنه

دخلت لعلاء اووووووووف يا ربي شعره ورموشه الحلوات ماكو 😭 وضعفان شصاير بيه
امي شافتني بجيت من شفت علاء هيج كرصتني كالت اشش لا تبجين لا يشوفج ويستهضم
لبسنه صداري وجفوف وكمامه حتى ما يتلوث جو المريض
اني سويت روحي قويه ودخلت

علاء: يا روح علاء مشتاقلج ياقوتي الحلوه
ياقوت:(حضنته)يا خويه يا حبيبي يا قلب ياقوت لو تعرف شكد مشتاقتلك

كعدنه ونسولف وطبعاً الكيبلات و الصفائح كولهم فد مره مبزز كل جسمه بيهم

امي صبت الغده و لازم علاء وحد واحنه وحد لان ما عنده مناعه واكلنه كلنه واخواني فرحانين لان شافو علاء واني هم بس نفس الوكت مقهورين عليه

صارت ب11 بالليل يلا طلعنه من المستشفى خلينه علاء ينام يلا رحنه
مناك طلعنه ع البحر وتمشينه وشميت شويت هوة لان مخنوكة
امي راحت هي واخواني تجيب من الاسواق الي يم البحر حلويات
وبقيت وحدي
بجيت وباعوا ع البحر وصيحت لان موجوعه ومخنوكة فد نوووب
احس لمن صيحت طلع الوجع مني
الناس كلها تباوع علي باستغراب بس ما اهتميت

شفت امي اجت ومسحت دموعي وسويت روحي عادي
انطتني جبس اكلت شويه وكلت الها ضميه بعدين اكله

صارت ب12 امي خابرت ع بابا واجه اخذنه

رجعنه وبدلت وبقيت اسولف وي عمار شويه و نمت

يٌتبع.........