حب الطفولة>

بارت 19

الكاتبة_نبأ
#حب طفولة
..............................
كعدت ع ايد دافيه وتتلمس بوجهي وتسمح على شعري
فتحت عيني يوسف متمدد يمي ابتسمت
اخذت ايده وبستها
ضليت أمشط شعره بأصابعي واباوع لملامحه وهو مبتسم ويباوع علي
بست خده وكصته وبوست وجه كله حطيت كصتي ع كصته انفاسنه صارت وحده
تقربت أبوس شفايفه طخيتهم
وندكت الباب
سويت روحي نايمه ويوسف ختل
دخلت مريم
كعدتني واني اصلاً كاعده
ياقوت: مريومه جايه والله جايه
مريم: ي ادري بس يوسف ما هوه بغرفته وينه
ياقوت(اتنرفزت وردت أصيح عليها بس انقهرت): ما ااعرف
راحت وطلع يوسف
يوسف: استغفر الله لازم تخرب
كمت من مكاني
ياقوت: مشتاقتلك بس الظاهر ما مقسوم ننجمع
يوسف: لا تكولين هيج يجي يوم وتيصيرين حلالي
ياقوت: امشي ننزل بس ها انزل قبلك احسن
يوسف: امري للله
غسلت وجهي وبدلت ونزلت والنَّاس مليانه لان اليوم السابع
وره شويه نزل يوسف كلها نتبهت انو جان يباوعلي ومريم تخزر بيه
اجه كعد بصفي
همستله:_ ولك ما تشوف مريم كاعده شلون تجي تكعد بصفي
يوسف: لخاطر ربج كلها تدري ما أريد مريم و اريدج
ياقوت: لشوكت أتحمل خبالك و...
قاطعتنه خالتي
شيماء: ولللكممم شبيكم تبسبسون تخافون نسمعكم كره عين أمك يوسف تاليتك تبسبس وي ست الحسن
يوسف كأم ع حيله ولازم ايدي
يوسف: ماما لشوكت تضلين ما تقتنعين نفسج انو اني لياقوت وياقوت اللي وما أسمحلج ابد تقللين من قيمتنه هاي اذا عندي قيمه عندج

ضلو يتناكرون ومريم تبجي والنَّاس تباوع شكد عيب
لحد ما اجه ابو يوسف
نجم: ولج شيماء شكتلج اني عوفي الولد بكيفه لو ما عاداتنه هاي جان عشنه بخيررر
شيماء: تدافع لابنك مو ابني هذا الي يكسر كلمه امه وياخذ بواكه الزلم

هنانه صفنت بوجه يوسف ويوسف صفن بوجهي ومستغربين
شيماء: لا يكون ما تعرفين طبببعااا حقها نجلووو امج ما تسولف لمن اخذت ابوج مني
يوسف: يوووم شنو قصدج
شيماء: حبيت ابوها قبل أمها بس امها اخذته
ياقوت: عيب عليج مره شكبرج تحجين هل حجي مال مراهقين ولو ما انتي محترمه جان ما حجيتي هيج
اخذت يوسف وصعدت فوك
وصاحت وراي ...البنيه تطلع ع امهااا
ما اهتميت وكعدنه بالمخزن اختنكت حطيت راسي ع كتفه وبجيت
ياقوت: يوسف يعني هل حجي صح؟
يوسف: حتى لو يكون صح ابوج مجان مهتم لامي وجان يحب امج واخذاها ومعناها ابوج رجال ابن رجال وواخذهاا
ياقوت: اقنعتني
يوسف: نروح لبيت اهلج يومين لحد ما تكف الفاتحه ونرجع
ياقوت: والله بعد احسن واني هم مشتاقه الهم
بدلت ونزلت لازمه ايد يوسف
شيماء: اخذها وبعد لا تجيبها
يوسف: غصبن ما ع راسج لان هذا بيتي وبنيته طابوكه طابوكة
فشلت وراحت لغرفتها
مريم شافتنه وتخزر وتفر بايدها
رحنه للبيت تلكتني جواهر وآيات
سلمت ودخلت
حجينه وي علاء وامي بالتلفون
وكعدنه يمهم وسوالفنه والضحك والذكريات الطفوله كلها رجعنه بيها
وكل ما يوسف يباوعلي يقاطعونه ويكولون اله هاااا هاااا
ونضحك
نسيت نفسي وياهم
اخير شي رجعنه ب12 بالليل
دخلنه لكينه جدو بالطرمه كاعد
تربعنه يمه
يوسف: الله بالخير حجي
جدو: الله بالخير رفعه راسي ... الله بالخير كمرنه ياقوت
ياقوت: هلا جدو
ضلينه نسولف ع مشاكلنه وينصحنه
صعدنه فوك يصوصي ما بيه احد
دخلنه للمخزن (هو مرتب وكلشي بيه غرفه عاديه بس مجرد بيه هواي غراض)
يوسف: اليوم يومنه
ياقوت: تعبانه لاتصير وكيح
يوسف:مو بكيفج مشتاقلج
تقرب وحصرني بالحايط
بقينه ناخذ نضرات
اخذ ايدي ع قلبه يدك بسرعه صراحه احساس حلو
حوطني من خصري وقربني
باسني 
شالني واندكت الباب
نزلني وطلعت مريم
جانت تبجي وعيونها مورمه وتشهك
مريم: يصير انام يمكم احس نفسي وحيده وامي ما موجوده
ياقوت: مريومه قلبي عادي تعاي
يوسف خزرني وخزرته
اجت فرشت النه كلنه
اني وياها بزاويه ويوسف بزاويه
نمنه ويوسف يباوع علي ويرفعلي حواجبه
طلعت موبايلي وكمنه نتراسل لحد اخير شي كالي
يوسف: راح ٱڑۆُحًْ اشرب مي وتعاي وراي
راح وره شوي شفت مريم نايمه وكمت
نزلت ما احس الا سحبني وحاط شفايفه ع شفايفي ضَل يبوس بيه
بحيث طلع الأشهر كلها
يبوس بيه وانفتح ضوه المطبخ وخرنه
درت لكيت مريم!مصدومه وتباوع
صعدت فوك وسمعنه ركعه باب
ياقوت: بربك ونبي خطيه جرحت مشاعرها
يوسف: كلشي ما يهمني امشي نصعد ومعلينه بيها
صعدنه ونمنه
الصبح سمعت عياط ويوسف يصيح
نزلت وطفرت وشفت مريم مملخه روحها
ياقوت: شكووووو
يوسف: ام مريم بين الحياه والموت وبالانعاش ولازم ٱڑۆُح
حضني وأخذ مريم وراح
ضليت اكل بروحي لان راحت وياه
رحت كعدت يم جدو
وره ساعه
سمعنه الصريخ ودخلت عمه احمد تكول اختي راحت !!
اصطكيت بمكاني يعني مريم صارت يتيمه فد مره ❉
دخلو يوسف ومريم
مريم شمرت روحها وتملخ وتصيح
صار عدها انهيار عصبي ووكعت
اجه عدي اخوها اخذاها
يوسف جرني من ايدي حيل وعيونه حمره
لزمني من زندي بقوه والخوف ماليني
يوسف(بنتر): ياقوووت عمتي خلت مريم امانتي!!ء
يعني لازم اعقد عليها غصبن علي

عيوني جرن من وحدهن
مسح دموعي
يوسف: بس انتي اول شي ..بدلي وامشي نعقد وما طول صرتي 18 ما يحتاج يجي ابوج

نزلنه والعيون علينه
عقدنه ع السريع ورجعنه

لكينه مريم موجوده وتبجي والمأساة عليها اكثر وأتمنى ما تعرف انو عقدنه تدمر اكثر
مجان اكو احد غريب بس خالاتي وعمات يوسف
يعني يوسف كعد يمهم عادي
شفت مريم بحاله مزريه همست ليوسف
ياقوت: يوسف روح يمها وصبر عليها
يوسف: شدتحجين انتي مالي نفس اطخ غيرج
ياقوت: مو وكت هل كلام ما تشوفها حالها يقهر
يوسف: طول عمرج قلبج حنين ورجيج
راح يمها وياريت ما راح اتندمت لان غرت و هيه شافتها فرصه وحضنته
صعدت فوك بدلت
فرحانه لان صرت بالشرع والقانون مرته و حزينه لان مريم راح تصير ضرتي وراح تضل ملاحكتني والأكثر امه ما تعرف عقدنه وابوه هم

نمت وكعدت المغرب صليت خلصت فتح يوسف لباب ولزم ايدي ونزلني
يوسف: يمههه هاي مرتي وكدام هاي الناس كلها والشاهدين
شفت امه صارت عيونها بكصتها ووكعت ومريم صعدت فوك
ابراهيم ويوسف اخذوها
صعدت ما حسّيت الا احد لازمني من رقبتي
مريم: ولج يا عااار اخذتي ابن عمي
اني أطول منها لهذا كدرت اوخرها بسرعه
ياقوت: مريم كافي تسحلين بكرامتج ما يريدج
مريم: حتى لو ما يريدني غصبن عليه ياخذني لان امي وأبوي موصينه علي وخالتي هسه اذا صار اله شي همين راح تزود عليه وتصير من ثلاث أطراف وياخذني

صفنت عليها ودرت وجهي ورحت للمخزن
وره شويه نزلت سمعت خالتي راحت !!!
راح بالي يم يوسف شنو حاله زين مريم ماكو وينها
ضليت الوب افتر منا ومنا لحد ما صارت هوسه وطلعت بالحديقه
انفتحت الباب واجه لازم ايد مريم وجاي؟!!!!!!
اختنكت وشفت نضراته كلها حزن وندم
اجه علي ومنزل راسه
يوسف: ياقوت عقدت ع مريم
حراره طلعت مني وركضت صعدت فوك وابجي
اجه علي وكعد يمي
يوسف: عدنا قرارين يا اما نستسلم للامر والواقع يا اما ننتحر
فتحت عيوني بكبرها
ياقوت: شنوووووووو
يوسف: ي ياقوت ننتحر وننهي حياتنه يا اما طول عمري مشكل بمريم واعوفج لان امي وصيتها قبل لا تموت اطلكج وابقه ع مريم وأخذها للأردن وياي ونعيش هناك وانساج

صاك النفس بيه
ورحت طلعت مسدس جان مال بابا بس نطاني اياه وسجلاه بأسمي
ياقوت: يلا
راح طلع مسدسه
حضنته وبسته وصعدنه ع السطح
جانت الساعه ب1 باليل
يوسف رمه طلقه جوا بالطرمه وكلها طلعت
يوسف: وجهي المسدس علي واني عليج
وجهت المسدس عليه وغمضت عيني
لحظات وحسيت بروده بعضامي

يتبعٌ............