حب الطفولة>

بارت 12

بارت ع السريع لان عندي مدرسه والله
اسفه لان مدّا انشر

كعدت ع صوت امي وهيه تنده بينه ساعه ب2الظهر
فتحت عيني وفركتها ويوسف كعد باوع التفت هيج وهيج
يوسف : ياقوت شجابج هنا مو زين عليج
ياقوت...تجاني عليه و وداني ع فراشي
بهاي اللحظات دخلت الدكتورة
فحصتني وكالتلي
الدكتوره: ان شاء الله ما فيكي شي واليوم بتطلعي وكمان بدّي قلك نيالك ع زوجك ...وأشرت ع يوسف
امي ضحكت
يوسف صارت عيونه بعيوني ووجه طماطة
دكتوره:شبكن خجلانين انت زوجا ما؟
ياقوت: لا ابن خالتي
الدكتوره: اها هيك قولي من البدايه ههههه ع كلن الله يحفظكم حياتي ساعه ٥اخلص إجراءات الخروج وبعدها بالسلامه

طلعت ومتنه ضحك ويوسف ابتسملي وماما راحت
يوسف جاب لفات صاج يبوووو هنانه الصاج يجنن عدهم
اكلنه وخلصنه
جان اكو هواي حلويات يمي
اجه كعد وطلعنه بأيبادي فلم
وناكل بوشار ونباوع مركزين😹😹
لا واحلى شي لمن طلعت لقطه اخر الفلم دائماً تصير مال الشسمه🌝
غلق الايباد وكال يبووو شعلينه هسه همه كفار هههههههه
ياقوت: ي هسه صارو كفار واحنه صار النه ساعتين نباوع
يوسف: خلي احجي ع امي لمن عفتها
امي لمن اجيت لهنا متخبل من وراج عابتلج لكيتها داكة علي ٣٣مره و البارحه حجيت وياها كالت ونعم منك ومن بر الوالدين ما كلت امي شلون تمشي وحدها لو الاخت ماخذه عقلك اني كلت الها حجيت وياها اعتذرت وصالحتها وكالت بس ترجع عندي وياك موضوع وسديته
ياقوت(يسولف يسولف واني اباوع عليه شلون يحجي صوته كلامه أسلوبه وف يجنن)
يوسف:هيووو ياقوت شنو رايج؟
ياقوت : هاا ي من حقها هيه همين خطيه ...بيش الساعه شنو السالفه اريد اطلع متت
يوسف:ساعه ب5:10pm ...هففف يلا حروح استلم اوراقج ونطلع اذا ما اونسج وغمزلي
ياقوت:وكك منتظرتك
خليت ايدي سوه مثل القضبه وحطيهم ع رقبتي ورفعت راسي وضليت ادعي ربي لايحرمني منه ويجمعني بيه بالحلال وربي اموت عليه مستحيل اتخيل حياتي بلاه
ورآها اجه يوسف
يوسف:يلا ياقوتي كومي بدلي مبروك راح تطلعين
من فرحتي كمت وبدلت ما حسّيت يايدي ابد
بدلت وخلصت
ياقوت:يوسف خلي نطلع
يوسف: ياقوت انتي تعبانه ولازم ترتاحين وعلاء راح يطلع من المستشفى باجر
وانتي بَـس تصيرين باحسن حال من عيوني تعرفين اني ما اقصر وياج عيناي وابتسملي وضحك
ضحكتله وكلته ...يلا امشي

دخلنه للشقه سلمت ع اخواني وسألوني ع وضعي ورآها دخلت لغرفتي وتذكرت ايّام الحادث غمضت عيني واجه يوسف من وراي حط ايده ع ظهري ومسح علي
يوسف: دخلي بدلي وملابسج وارتاحي وما يصير تسبحين لحد ما تفتحين الاخياطات

دخلت بكل هدوء شفت موبايلي من يومه ما متحرك اوف هسه الكة صديقاتي مهجومين علي بس مجان الي نفس افتحه
بدلت هل مره لبست كلبيه بهاريه كيوت وحلوة لونها نيلي لان الجو رطب وبين بروده

شفت يوسف طلع مستعجل عبالك صاير شي
وره شويه شفت امي وابويه كاعدين بالصاله ويتبسبسون
دخلت باستغراب وباوعولي
ياقوت:شكووو شبيكم
جميل:بابا ياقوت تعاي هنا عدنا موضوع وياج
تنهدت وكعدت
جميل: يوسف يريد يخطبج
ياقوت(هنانه احس نفسي صخنت وقلبي يكتب الف عصرت ايدي وحده بوحده حيل ضليت أفكر متت مدري شبيه )
نجلاء:ماما ياقوت احنه ما نضغط عليج بس هو راد تصيرين حلاله
ياقوت:كال الكم يحبني
اثنينهم...لا ما كال
ياقوت: يجي واحجي وياه
اني بعدني اريد اكمل السادس واخلص وعمار منا بعده شويه ببالي وصح عندي مشاعر تجاهه قويه وهو اول حب بحياتي

يتبعُ......
__________
هلا حبايبي الحلوين الطيبين فديت هل عيون الي تباوع وأتمنى تعذرني لان ادري مقصره  وياكم لان والاه مدّا الحك هاي السنه بكلوريا و شغل البيت كلهم شاغليني بَـßÊـسّ دا احاول اجمع وكت واكتب الكم
احبكم وسامحوني♥️......لا تنسون التصوووووووويت التصووويت