الكاتبه_نبأ
حب الطفولة
بارت مفاجئ صح ههههه تااابعو 👇🏻
...........................
عيناك نازلتا القلوب فكلها إما جريح أو مصاب المقتل.🙈♥️
.................................
ياقوت*
كعدت الصبح على لمسات بوجهي
فتحت عيوني يوسف كاعد بصفي
يوسف: صباح الخير يحلو وغمزلي
ياقوت: صباح الورد حياتي
يوسف: شنو كلتي؟بلا عيديها
ياقوت: اهووو يوسف استحي
يوسف: بروح جدج عيديها
ياقوت: حياااااتي
يوسف: كومي يلا قبل لا أسويها بيج
ياقوت: دهر ولَك عزا كمت كمت ونبي بس ولي
يوسف: اكول اليوم عيد ميلاد منو؟
ياقوت: باوعت التلفون اليوم 26بالشهر ياااااايييي اليوم عيد ميلادي
يوسف: ي عيد ميلادج يعني اليوم نلعب جوله
ياقوت: ي طبعاً هذا اول عيد ميلاد الي هنا
يوسف: امشي نأكل لان متت من الجوع واني انتظرج
غسلت ورحنه للمطبخ
بست راس ماما باوعت باستغراب
نجلاء: ولكم اليوم شكو الوجوه مبتسمه عبالك متزوجين واليوم صباحيه العرس
اني ويوسف واحد باوع ع الثاني وضحكنه
نجلاء: شنو تضحكون ع كلامي احجو شكو صدوك جذب
يوسف: خالتوووو مو كتلج البارحه تصالحنه ي هاي هيه هذا السبب
ياقوت: ي ماما واني فرحانه لان انتقمت منه بالمقلب مال البارحه وخزرته بضحك
نجلاء: ياااا ههههههه اثنينكم مخابيل ... اني حروح لعلاء
ياقوت: اني اريد ٱڑۆح صار أسبوع مشايفته
يوسف: نروح اني وياج نأكل ونبدل ونروح ع راحتنه
نجلاء: سمعتي يلا اني ٱڑۆُح وسيف وعلي هناك يم أخوهم اليوم يباتون وكرار اليوم من الصبح رجع للعراق علمود مرته
ياقوت: رجع اشو مكال النه
نجلاء: هو من الصبح حتى اني ما ادري بيه
ياقوت: الله كريم سلميلي ع علاء وكوليله ياقوت هسه تجي
نجلاء: ان شاء الله باي
سوينه ريوك اني ويوسف ما قصرنه بالهوسه واكيد لازم اكو خبال
كملنه ورحت أبدل
لبست فستان قماش قصير جوه للركبه احمر كلوش و بنطرون بوري اسود وشال اسود
كملت اجه يوسف لابس كله اسود ومسوي شعره
ياقوت(رفعت حاجبي):اكوووولك استاذ يوسف انت مو تعرفني احب الأسود وانت هسه لابس وطالع تجنن والبنات يباوعون عليك عابتلك
يوسف(ابتسمت): تغااارين مو
ياقوت: اغار وبدي احطك بغرفه واسجنك وما أخليك تطلع باب الشارع
يوسف: له له له خطيره انتي
ياقوت: ما شايف شي
يوسف: عساس انتي مقصره واني هم احب الأحمر وانتي لابسه ما فكرتي بيه ترا اغار عليج بزيادة اكثر منج
ياقوت: نننننننه
يوسف: تعيبين علي مو اني الج
ركض وراي وصرت اتختل اخير شي صار نحصرت وجان وراي حايط بعد ما كدرت اطلع حط ايده منا ومنا وبقه يباوع علي ويتأمل بملامحي باوع ع شفايفي تقرب غمضت عيني طخت شفتي بشفته وشردت من جواه
ياقوت: لو شيصير ما أخليك وعيبت عليه
يوسف: تتحديني بت جميل مو
ياقوت: طبعاااااً وهسه امشي كدامي لان تاخرنه
يوسف(ابتسمت): بسيطه ياقوتي المخبله
وصلنه لعلاء
وكالعادة اختنك لمن اشوفه وهل مره ضعفاننن كلش وصاير اسود يوسف شافني اختنكت لزمني من ايدي طلعني برا ضليت ابجي حط ايده ع كتفي
يوسف: ياقوت ادري الموقف صعب بس ديري بالج تبجين كدامه يستهضم
مسح دموعي
يوسف: تعاي نبشره بالخبر الجديد وغمزلي وخلاني اضحك
دخلت جوه امي وبابا واخواني جانو همين كاعدين
كعدنه يمهم
يوسف: خاله ..علاء .. عمو اني احبها لياقوت وياقوت تحبّني واخاف الله بيها وأنتو تعرفون هل شي كلش زين وعدكم ثقه بيه بس موضوع الزواج خليناه لحد ما تخلص ياقوت السادس واني اخلص السنه الاخيرة بالجامعه ورآها نتزوج وختمنه ع هل شي اني عندي وعود رجال وبالمعنى الأعمق وعود عاشگ اذا انتو موافقيني رأيكم يهمني واكيد ياقوت بتكم وتهمكم راحتها قرارنا اني وياها كلت الكم اياه بقه قرار الأطراف الثلاثه الي همه اهلي وأنتو انتو شنو قراركم ع كلامي؟
أنت تقرأ
حب الطفولة>
Romanceقصة تبدء من أغصان الطفولة تتحدث حول ياقوت ويوسف اقرباء واصدقاء من الطفولة هل سيقعان في الحب؟هل سينجح حبهما؟هل ستكون الصعوبات أقوى من حبهم؟ كل هذه الأحداث تبدء من هنا قصة مشوقه وعاطفية وكوميديه بنفس الوكت💕 #الكاتبه_نبأ
