حب الطفولة>

بارت 18

#حب طفولة
#الكاتبة_نبأ.

اعتني بنفسك جيداً ؛لا تقترب من اي شخص يكسرك أو يؤذيك
ولا تنسى بأنك تعني لي الكثير!🌸...Y♥️Y
************************
كعدت الصبح خمول وكسل واشتاقيت ليوسف لمن يكعدني الصبح وع كلامه وغزله
لكيت الابتوب مالتي يمي
اتصلت ع يوسف ما يرد اكيد نايم لان الساعه 7 الصبح وخطيه تلكينه مثلج هلكان ونام
بس ما يهم خلي نزعجه شويه
ضليت ادك وادك مليت تقريب ب27 مره دكيت
عفت الابتوب مفتوح وكمت
رحت غسلت وبدلت مشطت شعري اباوع بعيوني مورمات
دا طلع من الغرفه ودك اللابتوب
رحت شفت يوووسف يتصللل يا فرحتي بهذيج اللحظه
انفتحت الكاميرا شفته من بعيد ينشف بشعره ولابس تراك اسود
صيحت عليه واندار علي قلبي يدك بسرعه وعيوني دمعت
يوسف: تدرين هسه طلعت الشمس جانت ظلمه وقمرها منتظرها
ياقوت: وشمسك جانت تنتظر حتى تكعد
يوسف: اعتذر يا شمستي لان جنت أسبح
ياقوت: ي عادي
يوسف: شبيها عيونج هسه يلا انتبهت
ياقوت: لان بجيت هواي
صفك ايده وندار
يوسف: عوفي هل موضوع
ياقوت: اندار علي خليني اشبع من شوفتك تعودت كل صباح اصبح بوجهك وصوتك
اندار علي ومسح دموعه
يوسف: احنه لازم ما نضل هيج نتأثر بسرعه صيري قويه اذا نضل هيج انتي تعذبيني واني اعذبج
ياقوت(تنهدت): طبعاً حياتي بس فتره يلا أتعود اتحملني
يوسف: ي شلونج شكو ماكو
ياقوت: رجعت سلمت عليهم ونمت وهسه كعدت دكيت عليك
يوسف:همين مثلج سلمت ع اخويه ابراهيم وأصدقائي جانو موجودين شكد رادوني اكعد وياهم بس نفسيتي زفت البارحه
ياقوت: مثلك
شفته يأكل كلت خلي اغثه
ياقوت: هييي هيييي يأكل وما عازمني سم سم
يوسف: لا يا بت جميل ولج هو شماكل ولد عزابي وكلشي يعرف بس يتعاجز
ياقوت:ديله أنجب بالعافيه ههههههه
بقينه نسولف عادي ونضحك صارت ب9يعني ساعتين جارينها سوالف
لحد ما سمعت طكطكه جوه وكلها كعدت وهو راح للجامعه نزلت جوه
تلكتني جواهر
جواهر: صباح الخير ياقوت
ياقوت(سبحت نفس وابتسمت): صباااح الورد جوهرتي
جواهر: هاااا شهل تفائل مبين ترا ههههه
ياقوت: عابتلج حتى ع هاي محسوده ي كاعده من السبعه للتسعه احنه نحجي وهسه سديته
جواهر: عصافير الحب من الصبح يغردون
ياقوت: ههههههه يلا تعاي ننضف لان صاير بركان من الوصخ البيت

نضفنه وكملنه هلكت انهد حيلي سبحت وبدلت صارت دنيا الليل
اتصل اتصل ما يجاوب كلت يمكن راجع ونايم
صارت ب12 طكيت بعد كلبت الدنيا حركتها حرك
رحت لاخواني ورحت دكيت ع كلشي
اخير شي تذكرت ابراهيم
خابرت عليه وأول ما اتصلت رد علي
حجيت بلهفه
ياقوت: هلا ابراهيم يوسف يمك حباب وينه
ابراهيم: ههههه كولي شلونك شخبارك اسألي اول شي لو الحب مآثر عليكم
ياقوت: يمعود هسه وكت هل حجي يوسف وين
ابراهيم: هذا يمي كاعدين احنه وجماعته
ياقوت: نطيني اياه
يوسف: هلا بالحب
روحي ردت من سمعت صوته ورزلته
ياقوت: اشتعل الحب من وراك تف عليك ويحجي بكل برود ما عبالك اكو قلب محترك وكلب الدنيا عليه وهو كاعد متونس وو...قاطعني
يوسف: ههههه ضحكتيني
ياقوت: لك ع شنو تضحك ع حركان القلب اخابر عليك ماكو ما خليت احد ما سألته ليكول ام مضيعه طفلها
يوسف: ونبي اسف بس من طلعت الصبح ورحت للجامعه ما جنت شاحنه وطلعت وطفه اجو أصدقائي وطلعت وياهم وداعت ياقوت جنتي ببالي وكلساع اكول الهم خلي نرجع وما يقبلون
ياقوت: امممممم وك المهم اطمنت عليك المره الجايه ما تسويها
يوسف: حاضر ماما ياقوت ههههه
ياقوت: ههههههه فدوة حياتي تصبح ع خير
يوسف: وانتي من أهله عمري
نمت ورحت ثاني يوم للاعداديه أسجل
سجلت ورجعت والأحد أداوم بما انو اليوم خميس

*تسريع للاحداث*
داومت واجتهدت وجنت كل خميس اطلع بل متميزين اي امتحان عندي اي شي يوسف يقريني وبقت علاقتنه بس ما تخلو من مريم ومشاكلها وأمه وخالتي مصرين يفرقونه
بس حينه اقوه من كلشي
صارت نصف السنه وخلصت ورآها
رحت لبيت جدي بالعطله
اول ما دخلت مريم صارت بوجهي تخزر وخالتي سلمت من ورا خشمها
سلمت ع خوالي الي جانت علاقتي بيهم كولش قويه بنات خالتي هناك صديقات الطفوله وأحله لمه
صار ثالث يوم العطله
جنت فوك بالغرفه مال يوسف وسمعت صريخ جوا انقبض قلبي خفت لا علاء بيه شي
نزلت وسويت الدرج بايتين
مريم مملخه روحها بالي راح يم يوسف وصرت اشهك وابجي واباوع بالوجوه
خالتي انتصار احن وحده علي رحت عليها بكل لهفه وتوتر سألتها شكووو
جان تكولي ابو مريم مسوي حادث وميت
لا اني فرحانه ولا اني حزينه رحت لبست اسود وكعدت يمهم
اجت نور بت خالتي من فوك تلفوني يدك
جان يوسف يتصل
شلته
ياقوت: الووو حبيبي
يوسف: هلا حياتي ولج شنو هل صريخ الي يمج سمعت عمي ابوعدي ميت صحيح
ياقوت: ي صح الى رحمه الله
يوسف: استغفر الله الله يرحمه اني الفجر جاي ما اريد اي احد يدري كائن من يكون حتى امي
ياقوت: صدووووك لعد منتظرتك
يوسف: واني هم روحي ديري بالج ع نفسج

رحت نزلت ام مريم رايده تنتحر ولازمه سجين وكلها ملتمين عليها ومريم مكطعه روحها
طفرت من مكاني اخذت مريم وياي وحضنتها وصبرت عليها
مدري شلون حنّيت عليها وهيه مشاكلي من راسها بس رغم كلشي تضل مكسوره

راحو ناس وتجي ناس
اخير شي خلصت بالليل نضفنه   اني والبنات ام مريم بالمستشفى وبيها جلطه وحالتها حاله لان هيه وأبو عدي متزوجين عن حب اوف الله يساعدها
خلصنه تنضيف وكلمه راح لهله بقه جدو وخوالي ومريم فوك رحت يمها كاعدين بغرفه يوسف ووياي صينيه عشه
ياقوت: مريومه ما يصير تضلين هيج يا عيني آكلي لكمه من الصبح ما ماكله ومايصير هذا جزع وكل الي صار هو قدر وأمر رب العالمين مراح نحصل شي ...
اجت حضنتني
مريم: ياقوت ليش تتصرفين وياي هيج رغم اني سويتلج هواي مشاكل
ياقوت: اني ما انسى الي سويتيه بس هل شي علمود ما تضلين وحدج وتعاي نأكل اني وياج وعوفي هل حجي
اكلنه وخلصنه
صارت ب4 الفجر وبعدها مريم كاعده ردتها بس تنام لان يوسف راح يجي
صارت ب4:30 دزلي مسج وكال اني بالباب
نزلت ونزلت وراي مريم اتنرفزت كعدت شوي ودخل يوسف

شفته وما صدكت تقرت عيني بيه رجلي شالتني اله
بس شنو شفت غيري حاضنه
مريم!!
هو ما حاضنها بس هيه ويباوعلي بشوق ردت ٱڑۆُحًْ اوخرها اشرلي بمعنى لاتهتمين
وره ما بجت وهو بجه وياها اشرلي
ركضت عليه حضنته بقوه وشالني وفرني وضل يبوس بيه
نزلني وبقه حاضني ويبجي ويشهك اكيد مكسور لان هذا عمه جان ساندنه والوحيد واكف ويانه
طلع البيت كله وبقو صافنين
اجت امه وحضنته وسلمت عليه
دخل جوا كعد يمهم ترخص منهم وكام صعد لغرفته مريم اللزكه وراه وراه شفتها صعدت وصعدت ورآها اعرفها تريد تستغل الفرصه
يوسف: ياقوت ..مريم رجاءاً ما اريد احد اريد اناممم
يحجي ويباوعلي عرفت قصده
مريم راحت نامت بغرفه أمها واني نمت نوووم عميق بالمخزن جان مكاني المفضل من طفولتي

كعدت ع ايد ناعمه تتلمس بوجهي وتمسح على شعري

يٌتبع......
هلاوووو
نزل البارت الجديد وباجر اذا اكدر همين انزل
شنـِْ♡̷̴̬̩̃̊ـِْۈۋۈ رايكم يا حلوين
لا تنسون التصويت واعذروني ع التقصير
احبكم انييي شكرا ع التفاعل♥️💜......