حب الطفولة>

بارت 20

الكاتبة_نبأ
•#حب_طفولة
فرقتنا الاقدار وأصبحت جسداً مهدوماً
.................................
*ابراهيم *
سمعنه صوت طلق بالطرمه طلع البيت كله
شفنه يوسف وياقوت واحد موجه المسدس ع الثاني
نَصِيْح عليهم
صعدت لكيت باب السطح مقفول اخير شي سمعنه صوت الطلق
عرفت هاي النهايه وسمعت العياط
دفرت الباب
دم واصل لرجلي
ياقوت واكعه ع يوسف
شلت يوسف وخالي شال ياقوت
ومريم صارت مثل المخبله
البيت صار عياط وصياح وما ينعرف جان يوووم اسود ومرعب
سقت السياره بسرعه
وصلنه دخلناهم لغرفه العمليات
يوسف دخلوه للإنعاش وكلنه انهبطنه متنه من الخوف
ياقوت مصوبه جوا القلب وناقذته قلاده جان بيها صورتها هيه ويوسف ومضروبه برأسها اثر الوكعه
نقلوها للعنايه المشدده
ويوسف لحظات وطلع الدكتور
التمينه عليه
الدكتور: الطلقه مخترقه قلبه وو... البقيه بحياتكم
بابا وكع وتخربط
واني رجلي ما شالتني
اجن خالاتي وكلبن المستشفى
دخلنه ع يوسف ودعناه
سوينه إجراءات الوفاة ورحنه للنجف
ضليت احجي ع اهلي و كله من وراهم خسرو ابنهم وجبروه
خلصنه الدفنه ورجعنه
اجواء الماساة والبجي رغم هاي الفتره هواي توفو من عدنه بس من صدك
انكسرنه من يوسف
مريم صارت مخبله وصفت بالشماعيه
ابويه صار بيه جلطه وسكر وذبحه
مر أسبوع ع وفاه يوسف والبيت كئيب وصار الحمل علي
وياقوت الي هسه بغيبوبه ويمها خالاتي واختها
وما كلنه لاهلها كافي عليهم علاء
ثاني يوم خابرنه الدكتور وكال صحت تعالو

*ياقوت*
فتحت عيوني بالمستشفى وشبعانه نوم بس وجع برأسي وبصدري شصاير؟
شفت كلها التمت علي يحضنوني ويبجون
واني كلشي ما مفتهمه
ياقوت: اني شجابني هنا مو جنت بلبنان يم امي؟

كلهم صفنت علي وما اعرف شبيهم
صاحو الدكتور
الدكتور : اثر الضربه ع راسها أدت الى فقدان جزء من الذاكرة لا تتعبوها
وخلوها ع راحتها

خطر ببالي يوسف
ياقوت: يوسف وين ؟
كلها ضلت تبجي
اجه ابراهيم شاورهم ويبسبسون
ابراهيم: يوسف رجع للأردن وانتي صار وياج حادث وجبناج هنانه
ياقوت: خابرلي عليه اكيد باله يمي
شفت عيونه مدمعه
ابراهيم: مشغول ما يكدر يحجي حاليا
ياقوت: اريد امي وينهاااا علاء شلونه
ابراهيم: امج بلبنان وعلاء الحمدلله بخير وان شاء الله يجون باجر
الدكتور: تكدرون أطلعوها بس لا تضغطون عليها وبعدوها عن القلق

طلعت ورحت لبيتنه دخلت لغرفتي
اجت جواهر لابسه اسود استغربت
جواهر: شلونج ياقوت يبعد اختج
ياقوت: الحمدلله احسن بس راسي يوجعني وانتي ليش لابسه اسود
جواهر: حبيبتي انتي هسه ما تتذكرين شي خالتي ام يوسف وأم مريم وأبو مريم كلهم ماتو
حطيت ايدي ع حلكي
ياقوت: مريم هسه خطيه بيا وضع ويوسف يحب امه بس هيه ما تحبه خطيه اكيد مكسور لازم احجي وياه حبابه
جواهر: مريم بالشماعيه ويوسف مشغول هل فتره ما يكدر يحجي وي اي احد
ياقوت: شنووووووووو صارت مخبله
جواهر: من توفت امها صارت هيج
من كالت هيج راسي ضَل يوجعني اكثر واحس جاي يفتر علي شي براسي
نمت وما حسّيت بشي
إجاني يوسف بالحلم
يبتسملي وهو شكد حلو شكله كمت أتقرب منه ردت احضنه واختفه
فزيت عركانه وقلبي يدك
كمت غسلت وجهي باوعت للساعه ب3هاي شكد نمت ليله ونص
سمعت صوت ماما وعلاء وبابا جوه
نزلت بلهفه
شافتني وحضنتني وعلاء اووووف صاير اسود وضعيف بس يبقى حلو حبيب اخته
حضني وضليت اشم بيه مشتاقتله بكد رحمه اللله وبابا روحي من الدنيا المدللة مالته حضنته وعبالك سنين مشايفتهم
كعدنه وذيج السوالف والضحك
تغدينه سوه
ضلو يلعبوني ويحجون وياي ويضحكوني واني بالي كله يم يوسف وكل ما ارمش هو كبالي يمكن لان مشتاقتله

باليل وره التعب نمت يم علاء وامي حضنتها وغفيت

كعدنه الصبح وهذاك الريوك والكيمر والكعده الحلوه
شكد ارتاحيت ومشتاقه لهل ايّام
ضليت انظف وياهم
ورآها دخلت أسبح بس اتلمست رقبتي ياااااا وين قلادتي
طلعت رحت لجواهر
وحجيت بعصبيه
ياقوت: قلااااادتتتتتي ووووين
جواهر صار وجهه يضرب الوان
وامي صافنه واني النار شاعله بيه
ياقوت: ماااااا تحججججون وينهاااا
وي صياحي اندك الجرس
راحو الجهال فتحو الباب ودخل خالو نجم ابو يوسف لابس اسود ولحيته وضعفان
شافني حضني وضل يثغب ينعى ويشم بيه
نجم: اخخخخخخ بويه يوسف رحت وعفت ياقوت وبقه عطرك بيها
باوعتله وانقبضت روحي وصفنت
باوعتلهم كلهم يبجون
صيحت بعلو صوتي
ياقوت: لا تجذبون عليييي يوووووسف ووووين
نجم: ليش ما كايليلها لازم تعرف انو يوسف مات وعافها
كال هيج وسودت الدنيا بعيني وكعت وبقيت صافنه مصدومه
امي تحاجي بيه واني بغير عالم
كمت صعدت اول بايه وما حسّيت بالدنيا

كعدت ع ضربات بوجهي ويرشون
وأحس تذكرت كلشي
ع غفله ضليت ابجي واعيط
صيحت صياح وصل لسابع جار واضرب بوجهي
ضليت هيج وياهو الي يجي يمي اكتله
كمت تقربت من امي وكعت وثنيت بالكاع
ياقوت:يمممممه اني قتلته يممممممه ظلمووونه وقتلنه نفسنه يممممهه
يوسف راح وعافني يممممه
ضليت احجي واحجي احس شي جوا راسي طك

كعدت لكيت روحي بالمستشفى وراسي يوجعني وعيوني
والي عرفته صاير عندي انهيار عصبي وشريان بقلبي مقطوع ومسويلي عمليه

مريت فتره بالمستشفى واني ما احجي وي احد مجرد اون وعيوني تصب
يحاجوني يضحكوني ماكو عندي رده فعل

صرت جسد بلا روح بغرفتي كاعده طووول أيامي
والغرفة ضلمتها
امي تحاول وياي تريدني اكل لكن لا جدوى!
المدرسه يدزون علي
اخير شي انفصلت
مر شهر واني عايشه ع المغذي
ساعه اوكع ساعه اتخربط
انسانه خرسه و مجرد عظم
ضعفت حيل من اباوع ع روحي بالمرايا وجسمي بالكوه يشيلني
عباره عن عجوز بعمر الورد ووجه اصفر وذبلان
شكد ودوني دكاتره نفسيين حاولو وياي ما ينفع

ضليت ع هل حال اربع أشهر مجرد بغرفتي وضلمه واون وابجي
قرر بابا يوديني للأردن
وكل ما اسمع اسم الاْردن أضل ابجي بدون صوت

امي وجواهر حضرو جنطتي
وراح يروحون وياي ماما وبابا الي طول عمرهم مبتلين بينه وعلاء فوكاهم ضَل كرار يراجع بيه من بيروت للعراق ومن العراق لبيروت

بالليل اجت جواهر
تحجي وياي وما اجاوب بس اباوع ع السقف
الكتمان ماليني بس بداخلي نار وكسر وحزن

جواهر كاعده يمي
شفتها فتحت تلفونها
طلعت صوره وشوفتني إياها جانت صوره يوسف

ضليت اسحب نفس واذبه مثل الواحد الي يريد يبجي
ضلت تمسح ع ظهري
راحت صاحت امي وكالت ياقوت سوت رده فعل من شوفتها الصوره
وفرحانين همه بس اني اني شنو؟

نمت وبأمل انو اسافر باجر

يُتبع......

هلاوووح حبايبي الحلوين
ﺁﺇﺃﺱــsorryـــفه لان تأخرت بَـßÊـسّ صار عندي ضرف وسويت حجه التفاعل حتى لا تزعلون
ما بقه بس ثلاث بارات وتخلص
انتضروني😍💜......
وياكم
الكاتبه نبأ
احبكم♥️