حب الطفولة>

بارت 13

الكاتبه_نبأ
حب الطفولة

عندما تتيه بين عقلك وقلبك !!!

رحت لغرفتي وضليت أفكر
اني ما اريد هسه أخطب وعلاء بهيج وضع وهمين اني مو جاهزة و مشاعري كامله وادري بيها بس احس شي نقص ما اعرف
واني دا أفكر جان مفتوح باب غرفتي ويوسف فات من الممر
رحت وراه هو دخل واني اجيت دخلت وراه وقفلت الباب

يوسف:ياقوت؟!شكو؟
ياقوت: ي شكو مو شكو ما تعرف يعني عملتك ...قاطعني
يوسف: ياااااقوتتتت باعي ردت اخطبج حتى اطلعج من الجو الي انتي بيه ومو حباً بيج إنما مثل ما كتلج الي بقلبي الج حب (صفنت شويه وكملت )حب اصدقاء لا اكثر ولا اقل ولا تفكيرهيج ابد واذا ما تريدين هل شي راجع الج ...درت ظهري ودمعت عيوني

ياقوت(صارت الدمعه بعيوني وحجيت بصوت مخنوك ):ما اريد ولا راح اريد ومثل ما كلت حب اصدقاء ماكو شي وخلينه هيج احسن
طلعت من الغرفه واني مفرفحه دخلت لغرفتي وقفلتها وبجيت بدون صوت
اني الغبيه عبالي يحبني طلعت غلطانه بس كافي لهنا وبس صار مرتين هيج يحجي لازم تتغير مشاعري تجاهه وإلا هيج راح أصير بمتاهه ...فرشت سجادتي وسجدت وضليت ابجي وادعي ربي يمشيني ع الطريق الصح ورآها غسلت وجهي ونمت

*يوسف*
وره ما حجيت وي خالتي وعمو و كالو القرار لياقوت واحنه ما نجبرها بس احنه نعرف انت ومريم محجوزين من صغركم ما اعتقد هيج راح يقبل ابوك أو أمك
اني من حجو هيج طلعت اشم هوه رحت ع البحر كعدت ضليت أفكر واكل بروحي اكل
صارت ب5وبده الغروب جان منظر حلو و شفت الرمل وتذكرت لمن ركضنه اني وياقوت ..بين ابتسامه وبين دمعه غيمت ورجعت دخلت لغرفتي واجت ياقوت
دك قلبي وجنت متوتر ومعاني وجهه ما تبشر بخير ابد عرفتها راح تحجي بالموضوع
وصح حجينه بس هذا الحجي مو الي بداخلي ابد ضميته لان احس روحي مخربط حجيت وياها هيج ودرت ظهري ما تحملت ودمعت عيني وهيه طلعت قفلت الباب ورآها صارت الصلاه وصليت وضليت ادعي و صح بجيت بس وره شويه اتصلت علي مريم وضلينه نحجي وهيه لازكتلي حبيبي وحبيبي لحد ما خلصنه ونمت

نرجع لياقوت*
كعدت ع دقه باب رحت فتحته بخمول
نجلاء: ياقوت شنو السالفه متي صارلج شكد نايمه
فكرت وجهي ...ليش بيش الساعه
نجلاء: ب10وانتي وابن خالتج نمتو فد نومه
ياقوت: اهوووو ماما كافي خليني اكمل نومتي
نجلاء: تعاي آكلي ع الاقل وروحي كعدي يوسف
ياقوت(كلش نرفزتني حجيت بنتر):ماما انتي روحي كعديه اذا تريدين اني ما اريد
نجلاء:شبيكم انتو اني رحت دقيت عليه الباب وهمين كال ما اريد ومعصب شبيكم يمه متعاركين اذكرو الله
ياقوت: ماما روحي معلي اني نعسانه وسديت الباب

رحت ع فراشي شهكت وبجيت فتحت موبايلي رحت ع الانستا لكيت عمار الرسايل القديمة وفاطمه نطيتهم بلوكات و ضليت احجي وي صديقتي ايه وحجيت الها كلشي وواستني وحجينه حجي حبايب صارت ب1 وراحت ضليت اتكلب بفراشي وأخذت بحجي ايه انو شوفي مشاعرج وتجرأي وروحي كوليله خلي نخطب احسن من ما تاخذه وحده وتتندمين
ضليت أفكر و رحت اله
لكيت باب غرفته مفتوح ودخلت
لكيته نايم
تربعت ع ركبي وحطيت ايدي ع خدي وضليت اباوع عليه وأتأمل ملامحه ردت أحط ايدي ع شعره وسحبتها وكمت اخذت نفس وصلت للباب وصاحني

يوسف: اوكفي ياقوت
باوعتله وحطيت ايدي سوه وتقدمت
يوسف: شبيج؟عيونج مورمه؟جنتي تبجين؟
دنكت راسي وغرغرت عيوني بالدموع
رفع راسي بايده
يوسف:احجي ياقوت بيج شي؟
ياقوت(حجيت بارتباك ):موو..ااافـ..ـقه
بقينه واحد يباوع بعيون الثاني دنك راسه وأخذ نفس وباوع علي
يوسف:موافق
ضحكت وحضنته
يوسف(هل مره تجرءت وكلت الها):ياقوت تحبيني ووافقتي لو شنو؟
ياقوت(ارتبكت وصخنت بلعت ريك):اااا...مثل ما كلت اني عايشه بجو كئابه وحب صداقه و انت رايد هل شي وبمرور الزمن يتحول لحب حقيقي ووافقت

يوسف:باجر نروح نعقد
ياقوت:تمام
يوسف(بستها بخدها):تصبحين ع خير

طلعت ورحت نمت والدنيا ما واسعتني ما اصدك تجرءت ووافقت

صحيت الصبح ع صوته ويتلمس بوجهي فتحت عيني
يوسف:صبااااح الظهر بعد وكت
ياقوت:استغفر الله واحد ما يكعد ع كلمه حلوة بعدين كيفي شكد ما اريد انام انام قابل انت دافع فاتوره نومي!
يوسف:هههههههههه والله عليج سوالف دكومي آكلي ونروح نعقد
ياقوت(طفرت ):هاااااا ي والله لك لك شلون نسيت زين زين اهلي درو
يوسف:يمعوده شبيج ع كيفج يي يدرون كلت الهم وفرحو
ياقوت: وك اطلع خلي أبدل واجي
فتحت الكنتور حرت شلبس
اخير شي لبست فستان نازك كلوش من جوا زيتوني ردن مخصر وفوكاه بوليرا تور وكعب صغير ابيض و شويه اكسسوارات ومكياج خفيف ولفيت الشال حلو وجنطة صغيره

طلعت للصاله ضَل يباوع علي من فوك ليجوة
يوسف(قلبي صارت دكاته الف): اذا بالعقد هيج لعد اذا عرس شلون
ياقوت:ههههههه هاي شي بسيط وانت ما شاء الله شلابس يمعود كاسر علي
(جان لابس قميص ابيض وفوكاه هذا الي يصير جوا القاط نسيته بس بدون ستره ورباط نيلي وبنطرون اسود ومسوي شعره و العطر يبوو طالع يفلش وهو منا يمتلك جمال شكاكي🤦🏻‍♀️💗)

نجلاء: اللهم صَل ع محمد وال محمد ربي يحفظكم يمه ويبعد عنكم كل شر
بابا حضن يوسف وباركلنا

يوسف:يلا ياقوت امشينا (مدلي ايده)
حطيت ايدي بايده ومشينا
عقدته وخلصنه واثنينه الدنيا ما واسعتنا كل واحد ضحكته شاكه حلكه
رجعنا لكينه امي مسويه كيكه وعلاء كاعد واخواني كولهم باركولنه وكعدنه نأكل وسوينه حفله صغيره

صارت ب12باليل دخلت لغرفته جفت جان يحجي بالتلفون بس شافني
يوسف:هاا يلا اۆﮑ باي باي ......هلو ياقوت تعاي اكعدي هنا اني حروح للحمام

رحت كعدت عاف موبايله مفتوح و لزمته وشفته جان يحجي وي مريم وشفت المحادثه جانو يحجوووووون علي!!!!وكايل الها اني كاعد العب عليها وانتي الاصل؟وهيه تكوله حبيبي؟شنو الموضوع؟وسداه بس اجيت؟ضلت حسبه تجيبني وحسبه توديني

طلع من الحمام وشافني وجهي احمر وعيوني تجدح
يوسف:ياقوت؟شنو شفتي؟

يتبعٌ............

هلاوووو جميليني الحلوين الكيوت😍
ﺁﺇﺃﺱــsorryـــفه لان كاعده أطول عليكم بس يشهد الله أداوم من ٧_٣ ومدا الحك بين دراسه وبين شغل وبين دوام و اي فراغ يصير عندي اكتب الكم وهاي اني عفت الدراسه واجيت كتبت البارت كله لعيونكم ونبي واعذروني اذا اقصر

لاتنسون التصويت والتعليقات
طبعاً اكو بنيه احب أشكرها 💗 علقت هواي وصوتت شًـﮗړًآ الج حياتي هذا الشي يفرحني ويخليني استمر
شًـﮗړًآ الكم
تصبحون ع خير♥️والاحداث الجايه تجنن