حب الطفولة>

بارت 14...

#الكاتبه_نبا
مسسااااااء العسل على احلى متابعين💗😍
راح ينزل بارتين اليوم بارت وباجر انتظروني ...
#حب الطفولة

ورا ما شفت الرسايل بينه وبين مريم
احس الدنيا خانتني
طلع من الحمام شافني عيوني حمره وفاتحتها وعصبيه ومصدومة بقه يباوع علي وشاف موبايله بيدي

يوسف:ياقوت!شنو شفتي؟
واجه علي سحب الموبايل
يوسف:افتهمتي غلط ياقوت لا تعصبين
اني سحبت ايده ولويتها جريتها ورحت لباب الشقه فتحته ودفعته وأخذت حلقتي وشمرتها بوجهه وصيحت بعلو صوتي واني ابجي
ياقوت: ولي منا ولا تجي بعد يا خاين هاي بدايتنه وهاي النهايه وسديت الباب
وبقيت منتجيه عليه وابجي طبعاً مجان اكو احد بس سيف وعلي نايمين وبابا وامي وكرار بالمستشفى
وره شويه رحت غسلت وجهي اغسل ودموعي تسبقني رحت ع فراشي واشهك
حب حياتي يجذب علي ويغدرني وي عدوتي اخخخ من الطرفين ولكم
لحد ما طلع وجه الصبح واني بس اشهك وابجي اجت ماما من الصبح وشافتني

شهكت
نجلاء:ولج ياقوووت ماما شبيج يمه شكو
غطيت وجهي باللحاف ورجعت ابجي بقوه وخرت مني اللحاف
نجلاء: شكو خوفتيني ياقوت ماما حبيبتي لج شكو شصاير يا امي
لزمت ايدي وشافت الحلقه ماكو كامت راحت لغرفه يوسف ورجعت
نجلاء: ياقووووت!!ابن خالتج وين شصاير بيناتكم معقوله الي فسرته هسه صحيح
ياقوت:ي ماما صحيح وجيري باج تجيبين موضوعه كدامي بعد هذا السافل الخاين انتهى بالنسبة الي ما اريده
نجلاء:زين دحجي شكو
ياقوت(صفكت ايدي وضحكت ضحكه استهزاء):بربج ماما بنتج عمرها سوت شي غلط طول عمري ما اخذ القرار اذا ما أفكر بيه الف مره تريدين تطلعيني غلطانه هاي انسيها
اصلاً وابن اختج خلي تفيده بت عمه يلوكون سوه ثنيناتهم جذابين
نجلاء: اني احجي وياه واعرف شكو
ياقوت: ي شسوين سوي بس اني ما ارجع انسي
نجلاء: نامي ماما والله كريم وراح اكول لابوج هم ونتصرف

ماما طلعت ونمت احس فرغت لامي وارتاحيت

*يوسف*
من شفتها هيج قلبي ضَل يدك واحسه يكولي هاي هيه خسرتها بسبب عملتك
ما كدرت احجي شي لساني نعقد جرتني من ايدي حيل اذتني بأضافرها رغم اني معضل واضخم شويه بس جانت قويه طردتني وصيحت علي وفسخت الخطوبه
ضليت منتجي ع الباب وأسمعها تبجي دمعت عيني ونزلت جوا جان وياي موبايلي والمحفضه وجنت لابس تراك شتوي يعني حالي يطلع بيه رحت للشقه مالتي و ضلت اندب روحي والوم بيه وتندمت كمت ع حيلي واحجي وي نفسي واصيح
يوسف: انت وصلت روحك هنا انت خسرت حب حياتك وياقوتك ضيعتها منك بسبب وحده تافهه لعبت عليها وجذبت بس حتى تنسي روحك شوف غبائك وين وصلك انت غبي
تلفوني دك وشفت مريم تتصل ركعت الموبايل بكل قوتي وانكسر
احس نار بقلبي للصبح ما نمت صارت ب7 الصبح ورحت ع البحر
شافني واحد رجال جبير كاعد بيخت صغير صاحني ورحت يمه
:يا ابني عندي احساس انك مهموم شو داخلك احكيلي؟
يوسف(دمعت عيني حطيت أيدي ع وجهي)وحجيتله كلشي
: انت غلطان بحقها والبنت يلي بتكون بنت خالتك باينه انها بتحبك صدقني ساوي خطه اي شي ورجعها الك حرام عليك انت لعبت بين نارين دمرت نفسك ونفسها

حسّيت كلامه صح شلون ما فكرت أو تجرأت اكول لياقوت اني احبج
رحت كمت وتشكرت منه
رجعت للشقه بدلت ورحت ع جيران ياقوت وسويت وياهم خطه وحجيت كلشي ما قصرو وساعدوني وخابرت خاله نجلاء وعمو وكلت الهم ووافقو
جان بوقتها تاريخ 8/24 يلي بعد يومين عيد ميلاد ياقوت 8/26 واني 8/25 فرق يوم

رحت حظرت الخطه
صار الليل ......
......
ياقوت
كعدت ب6العصر لقيتهم كاعدين و يشربون جاي جان راسي يفتر سلمت عليهم وكعدت

جميل: بابا ياقوت
ياقوت: نعم بابا
جميل: صحيح الكلام الي سمعته
ياقوت(سحبت نفس وتنهدت): ي صح ورجاءا لحد يحجي بالموضوع مثل ما سمعت من امي لا تسألني حباب
عفتهم ورحت للحمام بقيت جوا الدوش هواي وأفكر وابجي
السويته صح لو لا زين اني عندي ثقه بيوسف ما يسوي هيج بس شنو اني شفته بعيني كافي عاد ياقوت اقتنعي يوسف مو الج

امي اجت دكت الباب
نجلاء: ياقوت صارلج شي
ياقوت: لا ماما هياتني راح اطلع
طلعت جبرتني امي أكل أكلت شويه وكعدت بغرفتي احجي وي ايه
خففت علي وأحبها تفتهمني وتنصحني دائماً. رغم احنه تجمعنه بس الشاشه
هيه عايشه بامريكا
سديته منها
ورحت كعدت يمهم
اندكت الباب فتحت عيني قلت هسه كوّن هذا يوسف
بس طلعت خاله ام هاني جيرانه هيه عراقيه بس همين عدها مريض هنا
اجت كعدت يمنه
ام هاني: هلا ام كرار شلونج خيه اني ابني اليوم الخطبه مالته واريدكم تجون وتجيبين ياقوت وياج ياقوت خاله تعاي وغيري جو ويانه حفله شبابيه تلوك لعمرج
نجلاء: ان شاء الله نجي بس ع يا ساعه
ام هاني: ع ساعه 8 ان شاء الله واني اترخص تضل عدكم العافيه

راحت
نجلاء: ماما ياقوت احنه نروح عيب من المره اجت وعزمتنه وانتي همين اطلعي شويه من هل جو وتونسي هل ليله
ياقوت: تمام ماما

صارت ب7:30pm
لبست فستان ماروني طويل من فوك ليجوه لؤلؤ و كرستال ومخصر وبيه اول لمع حطيت مكياج خفيف مسكارا حواجبي من الله مرسومه ورموشي كثيفه حطيت ضلال ماروني وايلاينر واني عيوني كبار ورمادية تجذب و حمره مارونيه وهايلايت قليل واني. عندي بحنجي غمازة صغيره وشفايفي ممتلئه وحلوه من الله سويت شعري كيرلي وبونت كرستال لبست حذاء فلات طلعت اخبلللل
لبست فوكاهن جبه وشال وطلعنه
وصلنه هناك دخلت للقاعه طشو علي ورد وجكليت ما اعرف ليش بس فرحت
ام هاني: يبووو يا جمالج تخبلين صلوات ع محمد عين البارده
ياقوت: من ذوقج خاله حلات عيونج ...بس وين العروس والعريس
ام هاني:هااا ي هسه يجون انتو جايين من وكت
دخلت كعدت شفت واحد داير ظهره بس تخيلي يوسف ودرت راسي اوي هسه اني اتخيل شجابه هنا اصلاً
دخلو العروس والعريس وصفكنه كلش حلوه البنيه هنياله عليها نازكه رحت سلمت عليها خوش بنيه
دا ارجع لمكاني وطفت الكهرباء وصار هدوء خفت صراحه وضليت اصيح
اجه احد من ورا لزمني وخلاني كدامه واشتغلت الكهرباء
شفته لابس قناع وخره وشفته
يووووسف!!!!

يتبعُ......
شنو تتوقعون شراح يصير ؟انتضرو باجر
لا تنسسسسووووون التصوووويتتتت احبكم💚💗