حب الطفولة
الكاتبه_نبأ
*نجلاء*
الساعه ب8الصبح
طبعا جنت بايته يم علاء وتعبانه كلت خليني ٱڑۆُح للشقه أسبح وأبدل
دخلت للشقه ردت اتاكد من ياقوت مشغله السبلت خاف مكشفه واغطيها
اشو اريد افتح بالباب مقفول يا ربي دخيلك صاير شي
ضليت ادك بالباب وأصيح ياقوت ماما ياقوت طولت وضل بالي أنوب صحت الولد الي يوكف بالعماره والمدير مالته ثنينهم المدير طلع المفاتيح وفتح الغرفه
شفت ياقوت بالكاع وغركانه دم
لطمت ع وجهي صرخت بعلو صوتي ...يمههههه يمه ياااقوت يمه
شالها الولد وحطيت شال ع راسها وأخذناها للمستشفى
خابرت يوسف وكتله
دخلتها لغرفه العمليات بالخفيه لان ما اريد ابوها يدري ما عايزه مصايب ع الاقل اني متعودة هففف يا ياقوت
طلع الدكتور كالي محتاجه دم كتله وك ...وف شلون هسه اني بيه سكر عندي مرض مزمن ما اكدر واني احجي وي نفسي اجه يوسف مثل المخبل و يلهث من الركض
*يوسف*
طلعت من ياقوت واني مختنك احس أنكطع الهوى رحت لامي ووصلت فتحت الباب كالتلي وين جنت هلكد متكلي شجنت تسوي يم ست الحسن ووووووضلت تحجي تحجي لحد ما انفجرت عليها كاااافي يوم والله كاره روحي كافي لخاطر محمد ورحت ذبيت روحي ع الجربايه حضنت المخده احس نفسي اريد ابجي بس ما اكدر طلعت صوره ياقوت وضليت اباوع عليها واني اباوع قلبي صار بيه رجفه واختنكت كمت طلعت بالبلكونه مختنك مدري شبيه ضليت هيج للصبح صار الفجر رحت ع فراشي غمضت عيني بس اريد انام ضليت اتكلب لحد ما نمت ولل6 كعدتني امي بالكوة دخلت سبحت وكملت وطلعت وصلنه للمطار بعدنه بالانتظار وخابرتني خالتي نجلاء خليت ايدي ع قلبي عبالك حسّيت اكو شي ...الو من كالتلي (فتحت عيني بكبرها )و نسيت امي ونسيت كلشي رحت ركض وادفع بالناس كمت ما اشوف بطريقي بس رجلي تسبقني اركض واركض وكلساع اثعثر واوكع وتدمرت ملابسي بس أكوم ع حيلي وأكمل الطريق احس الطريق صار شطوله وقلبي ما احس بيه من الوجع ودموعي وياي تركض لحد ما دخلت للمستشفى وشفت خالتي......
نجلاء: يمه وليدي يوسف ياقوت يوسف يمه
يوسف(بصوت عالي):وين ياقوت
نجلاء: ع كيفك يمه هياتها بغرفه العمليات
يوسف(كعدت يمها وع اعصابي): ممكن تكوليلي شصاير
نجلاء: منتحره
يوسف ( بصدمه):شنو منتحره ؟! فهميني شنو ياقوت يعني (بقيت اتلعثم ومادري شسوي)
وكفت ع حيلي مشيت شويه دخت رجلي ما شالتني ووكعت بالكاع اجت خالتي كومتني وتربعت أنوب
اجه الدكتور كال صارفه دم ونريد منو يتبرع
رحت حللت وطلع دمي مطابق ١٠٠% لدمها وتبرعت بطلين
صارت ب9وبعدها ما صاحيه خفت عليها ورحت يمها
وحالتي راحت لعلاء
كعدت يمها ع الجربايه ووجها تعبان مو ياقوت الي شفتها البارحه
لزمت أيدها بوستها سحبت ايدها وياي ورحت كعدت يم راسها حطيت راسي ع كتفها وبجيت وشهكت
جان حسّيت اكو احد يحاول يوخرني ويون باوعت هاي ياقوت فاتحه عيونها وتباوع علي
حضنتها حيل مثل الطفل وابجي
ياقوت (بصوت خافت):يوسف وخررر اااخ
أنت تقرأ
حب الطفولة>
Romantizmقصة تبدء من أغصان الطفولة تتحدث حول ياقوت ويوسف اقرباء واصدقاء من الطفولة هل سيقعان في الحب؟هل سينجح حبهما؟هل ستكون الصعوبات أقوى من حبهم؟ كل هذه الأحداث تبدء من هنا قصة مشوقه وعاطفية وكوميديه بنفس الوكت💕 #الكاتبه_نبأ
