بارت 17
#الكاتبه_نبأ🌸
حب الطفولة
...........................
من شفت الاسم باوعت عليه باحتقار وصفن علي
يوسف: هاج احجي وياها اذا تريدين
اخذت منه وفتحت الخط وسبيكر انتظرت تحجي
مريم📞: انت ليش ما تجاوب افتهمنه تحب ياقوت بس اني هم احبك وأولى عليك منها لان بت عمك واصلاً هيه لو ما وحده عار جان ما خانت اَهلها وتحجي وياك وتحبها بس العتب عليك وعليها و...قاطعتها
ياقوت📞: خلصتي؟
مريم📞: ياقوت؟يوسف وين وشدتسوين يمه ؟
ياقوت📞: معليج وبعد لا تتصلين واني ويوسف خطبنه غصبن ع راسج وأكسرها لايدج اذا اتصلتي بعد
مريم📞:لج بربوك ان...
سديت الخط بوجها ونطيتها بلوك
قرفصت روحي بالكاع ودموعي نزلت ويوسف يباوع علي وحسيته ندمان
اجه يمي لزمني من اكتافي
يوسف:حبيبي انتي سويتي الصح ووعد مني ما اخليها تتقرب منج ما دام راسي يشم الهوا انتي الي يعني الي ومستحيل أفكر بغيرج ولا مريم ولا غيرها الي تبعدني منج
ياقوت: عندي ثقه بيك ميحتاج تبرر وترا حتى اني بس كدامك مره كدام الي تجيسك لو تتقربلك قسم بذات الله يطلع الرجال الي جواي
يوسف: قصدج يطلع جبار ههههههه
ياقوت: هههههههه ضحكتني واني ضايجه
يوسف: ولج بيش الساعه ...ياا ب2 ولج هسه تشوفج خالتي تموتنه اني وياج امشي نامي
ياقوت: وووك تصبح ع خير
حضنته ورحت نمت
الصبح كعدت وكعدني هل مره لكيته متمدد يمي ويباوعلي
ياقوت: شبيك صافن علي عبالك اول مره تشوفني؟
يوسف:كل مره اشوفج بيها يتجدد حبي الج كل لحظه كل ثانيه كل ما ارمش ما اشوف غيرج انتي رقم واحد بقلبي رقم واحد ببالي لو شكد ما اشرح واعبر يعتبر جزء بسيط من الحب بداخلي
ابتسمت وكلامه دخل قلبي دنكت راسي
ياقوت: خجلتني
يوسف: مبين لان وجهج صار طماطه وين لاكيه واحد يتغزل بيج من الصبح
ياقوت:ههههههه
يوسف : يارب طول عمرج فرحانه وسعيده دوم وما اصدك اليوم الي يجي وأصبح بوجهج
ياقوت: يبووو كافي ونبي ماعرف أرد عليك تحب تخجلني كوم قبل لا تجي امي وتلتهم غلط ما بيه حيل
يوسف: محدً هنانه بس اخوانج
ياقوت: ميخالف همين نفس الشي وفتهمون غلط
كمنه غسلت وجهي واحنه دناكل دك تلفون يوسف شفته هاي خالتي
ياقوت: جاوب وافتح سبيكر خلي نشوف شعدها
فتح الخط وانفجرت بوجهنه
شيماء(امه): لكككككك حرامات تربايتي بيككك ضيعت تعبي وتروح تركض وره بت خالتك يا عار يا ما محترم تعوف بت عمك الي جنها ورد وتروح تخطبلي ست ياقوت
شكول لعمك ولمرته اكول الهم بتكم خلوها للغريب وابني ما يريدها وَيَا...قاطعها
يوسف: اول شي اكو أدب للكلام واكو حوار ومناقشه وتسالين علي وتسلمين ثانياً يا امي
يا ست شيماء المحترمه تعرفيني شكد احترمج ميحتاج هل خريط هذا ومريم عوفيها تروح لحال سبيلها اني رجال ومن حقي اختار الي احبها واعيش وياها اني مو مره وتجبروني عليها افتهمممتي
شيماء: لو تنطبك السمه ع الكاع ما أخليك تتزوج ياقوت وتشوف بعينك
يوسف: يمممممه ما يهمني كلامج عسى ما اعوفكم ولا اعوفها
شيماء: حلووووو لعبت بعقلك بت نجللوووو اندمكم
يوسف: ههه لعلمج عقدنه وفصخنه وهسه راح نرجع نعقد غصبن ع راسج وما طول ابويه واكف وياي واخواني ما اريد بعد خدمه منج
شيماء : ابوك وانت تحبون هايه و...قاطعها
يوسف: كاااافي يوم ال هايه عدها اسم واسمها ياقوت كافي تجرين بالحجي و اني ما اريد أتناقش وياج واضيع وكت مع السلامه
أنت تقرأ
حب الطفولة>
Romanceقصة تبدء من أغصان الطفولة تتحدث حول ياقوت ويوسف اقرباء واصدقاء من الطفولة هل سيقعان في الحب؟هل سينجح حبهما؟هل ستكون الصعوبات أقوى من حبهم؟ كل هذه الأحداث تبدء من هنا قصة مشوقه وعاطفية وكوميديه بنفس الوكت💕 #الكاتبه_نبأ
