#الكاتبة_نبأ
•حب_طفولة
وهل للقدر تواضعا ليجعلنا نلتقي؟!
................................................
——————————
كعدت الصبح اجت جواهر لبستني
وكعدتني ع الكرسي المتحرك
لان من كثر ما نمت بغرفتي صارت عضلاتي ضعيفه
يا هو الي يشوفني يباوعلي بنظره شفقه
وهل شي يضوجني
من دخلنه للمطار حسّيت ردت روحي ما اعرف ليش
خلصنه الإجراءات
صعدنه بالطياره
كعدت وضليت اباوع من الشباك
سمعت صوت المضيفة
: السلام عليكم ركاب الخطوط الجويه الاردنيه يرجى ربط الأحزمة ...(ضلت تحجي ع الارشادات)... نتمنى لكم رحله سعيده طيار الطائره يوسف نجم
قلبي نغزني هذا اسم يوسف معقوله اتوهم
كمت ع حيلي اهلي تفاجاو
نجلاء: يمه شكو
ضليت اشر ع قلبي وع الباب
ما افتهمتني
اشرتلها بمعنى خلي أفوت
وخرت من طريقي
ورحت ورجلي تروح قبلي تحركت الطياره ووكعت
رادو يشيلوني بس اني شلت نفسي
أهل متفاجأين و بنظراتهم استغراب
رحت ع باب الطيار ومن صدك صار قلبي يدك والعطر نفسه
المضيفه ما خلتني أفوت ورجعتني لمكاني
ضليت للرحله كلها الوب وادمدم وافر بأصابعي
امي تبجي ع حالي وابويه يستغفر ويدعي
واني بغير عالم ضلت تسلسلات ذكرياتي من الطفوله الى حط هسه كلها تذكرتها
قطعت سلسله افكاري المضيفه قدمت اكل
ما اكلت و اخذت غفوه لحد ما وصلنه
ما اصدك شوكت انزل من الطياره
نزلت واني اباوع ع شباك الطيار اريد المحه ماكو اريد اوخر الشك الي بداخلي
ضليت ابلع ريك و اخذ انفاس
خلصنه المدرج مال الطياره
اشرت الاهلي يبقون شويه
انتضرت الطيار ينزل
ومن صدك نزل
وهذاك الكتاف العريض والجسم المعضل
والبشره البيضه والنظارات واللحيه الذهبيه
واللبس الأبيض الحلو والرتبه
صعد الطيار ع المدرج
واني جنت منتجيه ع الحايط
لاف الطيار وجام يطلع شكي بمحله
ضليت صافنه وهو يمشي اريد اكوله اوكف ما تطلع
هو ما انتبهلي ركضت وراه لزمت كتفه
درته علي
ياقوت: يوسف يوسف
نزع النظارات وهذيج العيون الي اعرفهم متاهتي الزرقاء
بس نظراته نظرات استغراب
اني ما صدكت هذا يوسف وحضتنه وضليت ابجي
امي صافنه شديصير اصلاً
لحظات ودفعني
يوسف: اختي وخري منا ولا زغرن بيج ترا ما اعرفج
هنا تراجعت وصارت خطواتي تروح هيج وتروح هيج
ردت اوكع من طولي واجه لزمني
يوسف: صارلج شي
عدلني
يوسف: المره الثانيه انتبهي
ودار وجه ومشه
صيحت وراه بعلو صوتي
ياقوت: يووووووووسف انتتتضر
وكف ركضت عليه لزمت ايده
أجرها وياي ما تنجر واكف بمكانه
يوسف: شكو اكو مشكله
ياقوت: ولَك ولَك يوسف اني ياقوت ما اصدك انت عايش وما ميت
حب طفولتي وحياتي كلها
يوسف اني بت خالتك ياقوت وهاي خالتك الي هي امي (اشر عليها)
أنت تقرأ
حب الطفولة>
Romanceقصة تبدء من أغصان الطفولة تتحدث حول ياقوت ويوسف اقرباء واصدقاء من الطفولة هل سيقعان في الحب؟هل سينجح حبهما؟هل ستكون الصعوبات أقوى من حبهم؟ كل هذه الأحداث تبدء من هنا قصة مشوقه وعاطفية وكوميديه بنفس الوكت💕 #الكاتبه_نبأ
