حب الطفولة>

بارت 22

#الكاتبة_نبأ
#•حب_طفولة
نبدي قصة العاشقين
...................................................
•°آآنــٌٍــه ضعــٰت كٌـــلــشّٓ مــ.ـنُٓ لــــكٌِيـــتكٰٓ...♥️
——————————————
واحنه جنه دا نتغده
بقينه نتناقش ع اهله
وعرف بالي سووه وضل يتذكر كلشي
واسترجع ذاكرته
يوسف: اكولج مريم وين صفه بيها الدهر
ياقوت: بالشماعيه صارت مخبله
يوسف: لا صدوووك شهل خبر هذا بس تدرين هاي حوبتنه
ياقوت: اوووف
لزم ايدي وباوعت بعيونه
يوسف: خلي نتزوج
ياقوت: ما عندي مانع شوكت ما تريد نتزوج
يوسف: لعد خلي نحجي وي عمو وخالتي ونرتب وها صدوك الي هسه ابراهيم ما يدري وهو هنا حالياً بالأردن
ياقوت: تمام كوللهم واذا وافقو نحدد اني وياك يوم ونرتب ونمشي بيها
يوسف: حلالي يا حلالي شوكت تصيرين بأسمي راح أكون اسعد إنسان بالدنيا
ياقوت: ان شاء الله حياتي
ابتسمتله ولزمت ايده وكمت
ياقوت: شغل أغنيه سلو وخلصي نركص
رفع حاجبه بتعجب وضحك
يوسف: تدلل اميرتي
طلع الاغنية اجه ثنه رجل ووكف رجل وقدملي ايده
يوسف: يا ايتها الأميره ياقوت هل تقبلين ان ترقصين معي
بقيت اباوع وابتسم
يوسف: تقبلييين ترقصين وياي مو راح تتكسر رجلي
ياقوت: ههههه اسفه يلا كوم
طفئت الاضويه وبقه بس الضوه الجانبي صارت الصاله شبه ظلمه
لزم ايدي وايد محوط بيها خصري
بقينه نركص سلو و نتبادل النظرات
حضنته حطيت راسي ع كتفه ونبضاته راح تطلع من مكانها واحس بحرارته
رجعت باوعت عليه وشلون يتمعن بملامحي
مشه ايده من خصري لراسي ولزمه وقربني منه وباسني

سمعنه باب الشقه نفتح
بابا وماما بقو صافنين
تقربت امي وضحكت
نجلاء: شبيكم اخترعتو
يوسف: شمدريني عبالي راح تصير عركة بس
لعلمكم ترا احنه عاقدين من قبل وباقي الي هسه يعني الي دنسويه حلال واحنه اصلا. ما مسوين شي ونريد نحجي وياكم بموضوع الزواج
نجلاء: هااااا يعني اكو تطورات موووو ي سهله عيني جميل تعال اسمع ولدك يريدون يتزوجون ههههه كبرو
جميل: ي ليش لا اصلاً مو بس انطيه ايدها لا رجلها وراسها وكلشي ههههه
يوسف راح باس راس بابا وحضن ماما
واجه لزم ايدي وابتسملي
يوسف: يَعّنُـــي هسه شوكت نحدد
ياقوت: اجهز بسرعه ما عندي شي
يوسف: يكفيج ثلاث إيام
ياقوت: يييي وووك ... ماما امشي من هسه نشتري
نجلاء: هوووب هوووب بنيتي هستوني اجيت تعبانه خلي اتغده ونطلع

بين ما تغدت امي وخلصت بدلت
قبل لا نطلع شاورت يوسف
ياقوت: عود لمن تروح تجيب قاط جيبه اسود وذهبي تمام
اشري اوك
وطلعت جان ببالي فستان حنه يكون اسود وذهبي
وع باجر اشتري فستان العرس اني ويوسف
ضلينه نفتر بالسوك
هنا عدهم اشياء همين حلوة بس مو مثلنه احنه عراقيين نبقه الأصل بالذوق
بين ما فترينه ووكعت رجلي وأخيراً اشتريت
امي كالت اشتري اكثر من اثنين لان لازم تبدلين كلساع
ولا تنسين اصدقاء يوسف منا وإبراهيم ومرته لازم تكشخين
اقنعتني
واشتريت واحد للكوشه اسود وذهبي والثاني ماروني مخصر وبيه تول لمع من الخصر والثالث قصير بنفسجي سلفي وكله لؤلؤ وكرستال وتاج وتخم كرستال ما احب الذهب
و جهاز ومكياج وكلشي
رجعت محمله غراض
رتبتهم وانتضرت يوسف يجي
اجه وجنت بالمطبخ حضني من ورا وفزيت
يوسف: اني كمزت مو انتي
ياقوت: شمدريني فززتني
يوسف: وين جان بالج
حوطت ايدي ع رقبته وتدلعت
ياقوت: غير بيك
يوسف: والله لو ما معرسين جان طكيتج
ياقوت: يااااا هههههههه انتضر بعد يومين واعيب عليه
يوسف: ي عيني ي اشتريت قاط يجنن اكيد راح اكسر عليج ويرفع بحواجبه
ياقوت: ي كلش خل نشوف
ضحك وطلع
احنه حاجزين قاعه وطلبت هواي اشياء اني رتبتها

صارت الشمس تغيب والمنظر حلو جنت واكفه بالبالكون
اجه يوسف. شايل وياه كلاصين عصير
نطاني واحد ولزم ايدي وبقينه نباوع
ثنينه نعشق هيج جو وخاصتا. بغروب الشمس
اجت ماما
نجلاء: عصافير الحب هنا واني أدور عبالي خطفتها
يوسف : له له له نجلللوووو كلشي ولا ياقوت
ضربته ع كتفه وضحكت
نجلاء: احترم ولَك ههههه
ياقوت: ماما شلونه علاء
نجلاء: احسن بخير وراح المرض منه وحاليا يستعيد عافيته حتى دزولي صور منشنش
ياقوت : درو بيوسف ؟
نجلاء : لا بس تتزوجون نبقه هنا كم يوم ونروح نخليها مفاجأه
يوسف: اصلا. منو بقالي هناك اختي وبامانتكم بابا أخليه يجي هنا ونعيش كلنه
ياقوت: قصدك اذا نتزوج نبقه هنا
يوسف: ياقوت شغلي هنا و بيتي وسيارتي وتعودت وهناك ما بقالي احد واذا تردين من نتزوج أضل بين شهر وشهر اوديج لاهلج
ياقوت: وك تمام
سمعنه صوت الاذان ودخلنه
صلينه وخلصنه
باوعت لوجهي بالمرايا باجر وراي حنه
كعدت اسوي ماسكات وحفيت وجهي وحواجبي حددتهم
وهمه اصلا. ثخان وعراض حلوات
سبحت نمت
وكعدت ع صوت يوسف الخبل
وهو يكعدني ويهوس و يصفك مبين فرحان
يوسف: الليله حنته وباجر يزفونه .. هاي الرادها وهاي التمناها شايف خير ومستاهلها
اباوع واضحك عليه
يوسف: ييي ضحكي ضحكي ولج اليوم حنه وباجر نفتك فرحان والدنيا ما واسعتني
كمت ع حيلي
خزرت بوجهه وعبست
يوسف:شبيج يول ما فرحانه
درت وجهي لزمني من كتفي
ودارني
يوسف: اكو مشكله
باوعتله وضحكت ضحكه سابع جار سمعها
يوسف: ي تقشمرين علي هههههه اني الج
واجه فوكاي يدغدغ بيه
ياقوت: هههه اخ يوسف حموت وخر
وخر واحنه ميتين ضحك
اجت امي
نجلاء: يلا ياقوت تحضري دنروح للصالون وانت يلا ع الحلاق بلا رومانصياتكم ع كولتكم من هل صبح ورانه هواي شغلات
ياقوت: تمام ماما ... وانت هيوووو يلا مثل ما سمعت ع الحلاق يلا
يوسف: تطرديني
ياقوت: ي اطردك بس مو من قلبي من الغرفه
يوسف: شلون راح تخليني
ياقوت: هوووب لا تصير وكيح يلا لدربك
بدلت وتريكت ورحنه اني وامي
خليت ظلال اسود وحمره ماروني ما خليت عدسات عيوني هنه يخبلن وملونات
سويت تسريحه بس رفعت جزء منه والثاني نازل وتاج
طلعت أميره واجنن
اتصل يوسف وكال راح اجي اخذج
اجه وضل يباوعلي
يوسف: هذا الي
ياقوت: ي الك
يوسف: اذا اليوم هيج تطلعين باجر شلون
ضحكت ودنكت راسي
رفعه بايده وباسني براسي
رحنه للشقه لبسنه
اني رتبتله القاط وسويتله الرباط
يعني حتى حنتنه تختلف هههه
اجت سياره مزورقه واخذتنه
جنت لابسه الفستان الذهبي والاسود وهو همين لابس نفس الألوان
دخلنه للقاعه واحد لازم ايد اللخ
جانت البوابه كلها ورد واضويه
شمرو علينه ورد وجكليت وهلاهل
جان اكو بساط احمر يودي للكوشه مشينه عليه وجان ع جانبه شعالات والاغاني الجو يجنن
اجو باركولنه
واخذنه صور
رقصنه سلو بس احنه
سوينه جوبي جماعيه
والأفراح تارسه المكان
حنالي ايدي ولبسني الذهب
صديقاته بالكليه جانو موجودات بس ابقه اني كاسره عليهم
مرت ابراهيم هيه اردنيه و تجنن عنده ثنين ولد توام يوسف وسيف

رجعنه هلكانين سبحت رأساً
تمدتت وأفكر وباجر العرس
واني أفكر ابتسمت ونمت

يُتبع......
للحكايه بقايه
————-
هيلاووو شلونكم يحلوين
باقي بارت واحد ونخلص منهم اقصد ونودعهم ههههههه
لا تنسون التصويت
وشكراً ع التفاعل الاخير الحلو مثلكم

احبكم عسولاتي باي💙......