تائه في الانتقام

/2/

#اراد–قتلي* الثاني *
بقلم نورا ησяα(غدرني الزمن )
بيج وكروب قصص ليل وعشگ

بسام :من گلي هيج عماد غمضت عيوني واحس بركان موجر بروحي حاجيت خوالي واجو وياي جم نفر منهم ورجعت سويت الستاركس طياره حتى اوصل ماعول ع طريق الرجعه فكري مشوش

بقينه نخابرهم كالو راح نوصل للمركز لان  من البارحه الاجراات ماشيه رايحين متنازلين عن القضيه ويردون يقتلو بنفسهم ولسه ابنهم باقي بثلاجة الموتى ميدفنو اله بقتل مصطفى

وصلت لبوابة الفاو الازدحام يكتل بقيت على نار اريد يخلص الازدحام ماكو نزلت ردت اتعارك لزموني خوالي وكالو مو وكتهه هسه ورانه طلابه اكبر هديت بس ماهدت روحي شطلعني من البصره لو باقي احسن نار وصعدت براسي

طول الازدحام ساعه كامله عندي جن سنه وفكري يم العزاز. والطريق ساعه ونص من البصره للفاو جنت اتمنى انه خارق او اطير واروح الهم بس المسافه بينه بالكيلو مترات بهالاثناء انقطعت الاتصالات وي الولد
القلق زاد اكثر انفتح الطريق انطلقت بسرعه اريد اوصل احس الطريق صار طويييل كدامي

واخيرا وصلنا للفرع مالنه والولد مايردون ع الاتصالات طبيت بالفرع وصلت لبيتنه قبلها بمسافه اشوف الدنيا مكلوبه يم الباب سيارات وشرطه وجيش وعالم وكفت الستاركس مااتحملهه بعد رحت اركض ركض لاشفت عماد ولامصطفئ طبيت للبيت شفت ابوي كاعد بالطارمه وعكاله وجفيته بحضنه ومدد رجل ورجل ثانيهه ومدنك راسه وناس اشكال واشكال ودشداشة ابوي مدممه حاجيته
بسام :بويه وين اخواني وين مصطفئ شنو صار ؟
ابو بسام :راحو يم ربهم الله يرحمهم كلش مقدر ومكتوب وهالمكتوب النه
بسام :اريد اتنفس ماكو اريد بس اعرف منو منهم مات شنو صار ماادري سكت ابوي وبعد مانطق رحت اركض للبيت ادور اخوتي ماكو اريد واحد يفهمني الصار لزمت ابن عمي معتز جان لازم البندقيه بيده خمطتهه منه وكتله احجيلي اخوتي وينهم
گال بالطب العدلي خذوهم رحت ويا بالسياره وياي ابن خالي وخالي وبالي يم ابوي لايصير بي شي من هالصدمه صعدت بالسياره وظل يسولف معتز
معتز :راحو عماد واثير وحيدر وسجاد وعمار ولد عمي ع مصطفى يستلمونه من المركز استلمو واجو  بطبتهم للفرع طبو 4سيارات  مسلحين صارت مشاده بينهم رادو مصطفى محد سلمه الهم علگ الرمي من بيتكم ومن السيارات مصطفى وعماد واثير وعمار وسجاد وحيدر ماتو وذكول هم مات منهم 3لان احنه من البيت هجمنه عليهم وتصوبو قسم غير ال3الماتو

بعدها بوكت متاخر عكب مافكت وصلو الجيش والشرطه واجو شيوخ وعود فكوها بس بعد عكبيش عكب ماا وصل الدم للركب
بسام :من گلي هيج ظليت اضرب ع الكشن انه كاعد وره وخالي يسوق ومعتز يمي من گلي هجي اوووف وين مااعزيز وغالي يروح معتز لزمني وگال
معتز :بسام انت احمد ربك ماشفت الشفته ولك حيدر اخوي بين ايديه طلعت روحه مااكدرت اروح ويا للطب العدلي بقيت بالبيت لاتكب مره ثانيه اخخ خويه اخخ
بسام :والله لسوي الدم للركب والله ماايروح دمهم هدر
معتز :موبيدنه ياخويه هسه العشاير تحلهه تدخلت عشيره ثالثه وراح يحلونها بس عگبيش
بسام :وصلنه للطب العدلي شفت اخواني او مابقالي منهم الي هم صلاح وسعد