تائه في الانتقام

/5/

#اراد–قتلي*الخامس  *
بقلم نورا ησяα(غدرني الزمن )
بيج وكروب قصص ليل وعشگ
كنت بالبيت فتحت الباب اريد اطلع انضربت بيه بنيه تمشي وممنتبه اباوع عليها صدك حلوه نازكه بشكل وطويله ولابسه تنوره قصيره گلت شبيها هي ثوله تمشي ومدايره بال گتلهه شبيج غير تباوعين
مينا :اسفه ونزلت اخذت جنطتي وكعت مني بالكاع
بسام :منو انتي *بنتر *
مينا :اني مينا اجيت على الاستاذ جمال ابو ناصر (بارتباك)
بسام :اسمه ناصر ابو جمال وشجابج عليه منو دزج
مينا :هو انطاني الكارت مالته وجيت اله
بسام :وينه الكارت
مينا :بقئ يم الحمايه الي يم الباب
بسام :وليش بقيتي يم الباب شنو يستحي يدخل
مينا :هم بقو يمهم
بسام :صحت على سميحه الخدامه تشتغل بالبيت عدهم سميحه تعالي فتشيهه اجت سميحه اخذتهه تفتشهه
واني رحت للباب اخذ الكارت الي دخلت بي من الحمايه
مينا :يماااي صدفني هذا ابو عضلات وعيون غزال بقيت ارجف وارتبكت حييل ...اني مينا عمري 22سنه خريجة معهد طبي طولي 170وزني 68اصلي من ديالئ امي تركمانيه ابويه عربي باحداث بهرز فقدت اثنين من اخواني كان حادث اله دوافع طائفيه طبعا كانو شباب لسئ بمقتبل العمر طلاب جامعه وراحو بعدهه انتقلنا ببغداد بعنا بيتنه وذكرياتنه الي بي كلها بقيت بس اني عند اهلي كملت دراسه بالمعهد اثناء دراستي تعرفت على شاب ويايه طالب صار بينه علاقة حب وثقت بي وخطبني وتزوجنا اني الكل يكول عليه جميله والكل يطلب مني علاقات بس اني ماانطي لاي احد مجال ابد بس هشام جان جيرانه وكلش اهتم بيه ومن اول اسبوع تعرفنا دز اهله اليه لان احنه الباب بالباب بعدهه انخطبت اله تخرجت من المعهد وتزوجنه بعدهه علكت المشاكل بينه كان ميشتغل مشيتهه اله اهله ميردوني هم مشيتهه وتحملت بس علاقاته وخياناته ابد ماارتاحيت يعني اي وحده تجي اباله يسوي وياهه علاقه تعبت منه طلبت منه الطلاق واني حامل بعدهه ولدت ابني بشهر السابع والمولود قبل اوان ولادته متعب حيل  هو ماكلف نفسه يزوره بالمستشفى ابد كله اهلي وهو بابا موضف متقاعد راتبه 400الف كل شهرين بس بيتنه ملك الحمدلله  كوه مدبريهه للعيشه طلعت من المستشفى رحت لببيت وصلت الي ورقت طلاقي بمرور الاشهر مااجه شاف ابنه ابد ولاكلف نفسه يسوي اله حتى جنسيه تفاجئت لم راسلت زوجة اخو وگالت الي سافر يطلب لجوء متت قهر بس شمدريني راح انصدم بي يعني مافكر بابنه ليش هيج يسوي بعدهه خلصت الاربعين وطلعت ادور تعيين الي لان لازم اعتمد علئ نفسي ملگيت طبعا صدفه شفت صديقتي وحجينه واخذت رقمها وخابرتني كالت اخويه كدر يحصل شغل ويا بالمجمع الطبي بالمختبر محتاحيج طبعا فرحت ولبست ورحت اخو صديقتي جان يشتغل بالمجمع  ع الباصات... اشتغلت  اني بالمختبر ويايه واحد جان عمره بداية الثلاثينات اني الغبيه خرطت كلشي كدامه اني مطلقه وزوجي هيج واهلي هيج مااتخيلت هالكد العالم بشع واكو بي ناس استغلاليه مثل ميثم الي طلب مني علاقه ورفضت وبعدين طلب مني زواج مؤقت ورفضت وماانطيته مجال هو متزوج وعنده جهاال ابد مااعجبني لاتصرفه ولاشخصيته حسيت ماعنده رجوله كرهته حيل انتبهت عليه اذا شاف مره حتى لو جكمه يسحل نفسه سحل الها كبر شكد مكروه ...بعدهه بده يستفزني ابد ماارتاحيت كلش وصلت بي الحاله ان يلمحلي ينطيني فلوس هوايه وبالسعر الي اريده بس انطي مجال او امكنه من نفسي  كلش تعبني ميثم لدرجه كرهت الشغل وماكمت اركز ابد عفت الشغل بدون مااحجي ابد لان اني مو جريئه ومااكدر اخذ حقي وخفت لايمس سمعتي فكنسلت الشغل وكعدت بالبيت ...مرت الايام
كعدت بالبيت... ابويه مسوي عمليه لظهره ميكدر يمشي اله كرسي متحرك...صدفت يوم امي تمرضت وابني هم وماكدرنه نروح نستلم راتب التقاعد لان بالكوه نستلمه من الازدحام ..انجبرت اروح اجيب الدوه لابويه وامي وابني هم جان مريض وفلوس جانت قليله طلعت من البيت امشي ومحتاره واباوع للسمه وادعي ياربي كون يكفن الفلوس ...وادعي ياربي ابويه مريض والد ومفجوع باولاده ارحم المه...ابني مريض وطفل وابو نكره ارحمه ياارحم الراحمين ...
دخلت للصيدليه باوعت شفت بيهه ناس مبينين مهمين بقيت ع صفحه اجت صيدلانيه ثانيه حاسبتني وكالت المبلغ كله يصير 45اني انصدمت گتلهه ...يمعوده شدعوه اني حاسبه حساب 25الف
صيدلانيه :عزيزتي هذا الموجود
مينا :يمعوده نزليلي من السعر صدگي هالشهر لسه ممستلمين راتب
صيدلانيه :والله هي اسعار الادويه وهذا غالي الدوه شسوي
مينا :باوعت الهه شون تباوع الي ورافعه خشمها بگلبي حجيت اخخ تجار ولكم شدعوه عليكم ارحمو الفقير ع الاقل دتاجرون بصحته هف ...دمعت عيني وهي ولاحاسه بيه ...شويه سمعت صوت رجل گال عليه الحساب انطيهه الادويه كلها
هي كالت تدلل استاذ ابو جمال ...
گتله لا عمو تسلم مااريد انتعبك
ابو جمال (نفسه ابو زهراء زوج البرلمانيه)
لا عيني احنه الحكومه وماكو احد يگول النه لاء
مينا :باوعت اله انتبهت. رجل
عمره بنهاية الاربعين  تقريبا ومرتب بس مبين مريض جان ديحجي وي الصيدلاني الاخ ...گتله مشكور استاذ اخذت الدوه وطلعت فرحانه الحمدلله الله رزقني ..باوعت واكفه كبال الصيدليه سياره جكساره .بديت اروح اتمشى للبيت صح المسافه طويله بس اوفر فلوس حفاضات لابني وحليب وغيرها اروح اتمشى للبيت... فرحت ماتوقعت هيج راح يوكفلي حمدت الله وشكرته ...شويه وداامشي وكفت يمي الجكساره نزل منها السايق وفتح الباب الوره باوعت الرجل نفسه كاعد ...كال الي صعدي نوصلج ..اني كيفت بالحكومه ويوصلوني مااحسبت لاي شي ابد صعدت وره يمه وكعدت ...سد الباب السايق ورجع يسوق ...گال الي انه ابو جمال قيادي بالحزب الفلاني ...كتله اتشرف بيك...حركت السياره ومشت
ابو جمال :وين بيتكم بنتي ؟
مينا :هنا قريب مو بعيد بعد فرعين
ابو جمال :اي ليش ممستلمين راتب
مينا :والله استاذ بابا مريض وبس اني عنده وماما متكدر تطلع فمارحنه نستلمه
ابو جمال :اهاا ماعندج اخوان ؟
مينا :لااستاذ جان عندي واستشهدوا
ابو جمال :اهاا الله يرحمهم انت خريجه طالبه ؟
مينا :خريجة معهد طبي !!
ابو جمال :اهاا تحبين تشتغلين تعينين اهلج
مينا :ياريت استاذ اذا شغل محترم ليش لا
ابو جمال :عندي ابني جمال مريض ويحتاج رعايه طبيه من خبيره تكدرين انت
مينا :كيفت اني فرحت اشتغل يم الحكومه واحصل فلوس ويمكن يعينوني بلا تردد كلت اي مااحسبت لاي شي
ابو جمال :ماهر انطيني كارت من يمك
تفضلي هذا كارتي وعنواني تعاليلي يوم الثلاثاء
مينا :اخذت الكارت منه مشكور استاذ ان شاءالله اجي اشرت الهم على مكان انزل بي طبعا مو قريب البيتنه لا مكان بعيد اخاف لابيت عيالي يشوفوني ويحجون لان احنه جوارين ...نزلت وحاجيت ماما وبابا طبعا عارضو وگالو شلج بيهه هاي الشغله خاف تاثر عليج وتدرين بيهم هم عصابات مو عبالج دوله
مينا :ماما شون لعد نبقئ هيجي حتى ابني جنسيه ماعنده ولااكدر اروح اطلعله وين مااروح يسالون عن ابو اكوللهم مطلقه يستغلوني ياماما ميصير تعبت تعبت
ام مينا :المصلحتج حبيبتي اني
مينا :ماما اني مو زغيره واعرف مصلحتي والرجل ابد ممبين عليه يريد يستغلني
المهم قنعت امي وبابا وانتظرت الثلاثاء يجي واروح ..صار الموعد حضرت نفسي اله.اني من النوع الي اعشق التنورات القصيره ...لبست تنوره قصيره شكلهه لماع ..مثل الجلد . ووياهه بلوز ماروني شعري لحد اكتافي اسود ومخصل احمر فتحته ولبست ستريج خفيف اسود وبوت فلات ماروني لان اني طويله .وخليت ميكب خفيف وبوست امي وخليت ابني يمهه وگتلهه ادعيلي ماما ...طلعت لگيت بابا بالطرمه بالكرسي المتحرك مااحجه شي بعد وفاة اخواني ماايحجي هوااي بوسته ع راسه وطلعت ...وصلت للعنوان شفت بيت كبير ويم الباب حمايه انطيتهم الكارت دخلوني اني دخلت بديت اباوع ع الحديقه وامشي وممنتبهه متعجبه ع جمالهه ووالورد ووسعها امشي واتلفت ع الترتيب ..جان انضرب بشخص ..ووكعت جنطتي نزلت اخذهه ورفعت نفسي اباوعله شاب طويل ضخم معضل اسمر عيونه مثل الغزال جوزيات ورموش ووساع وحاجبه مطبور ياالله شكد احب الحاجب المطبور وشكله رجولي كلش ولابس دريس اسود نص ردن بالبرد وبنطرون عسكري ووبسطال بقيت صافنه عليه ....
يتبع
ησяα