تائه في الانتقام

/3/

#اراد–قتلي* الثالث *
بقلم نورا ησяα(غدرني الزمن )
بيج وكروب قصص ليل وعشگ
ام زهراء تصير مرت اخو رجل خالتي هم ويه حركة سياسيه اسلاميه من جماعة المتسترين بالدين والمتخذينه غطاء لكل جرائمهم طبعا اني بالبدايه رفضت اكون وياهه ومن اجت ماطلعت الها بس اهلي رحبو بيها اني مجنت محتاج تعيين لان احنه خير من الله  ابويه عنده مطعم ومحلات بسوگ المغايز بالعشار مأجريهم انه بعد ماخلص العقد مالتي ماراجعت عليه عفته كعدت بالبيت وهذا هم سبب الي خله نجلاء تمل مني طبعاا لان المصرف قليل صار وانه مااحب امد ايدي ومالي خلك المطعم اخواني لازمينه والمحلات ايجارهم ابوي يوزعه علينه حتى خواتي المتزوجات ينطيهم ومصرف البيت كله منهم  هنه محلات اثنين بس انه نفسيتي تعبت مالي خلك لشي ابد يمكن تندمت فكرت اودي النسوان ومافكرت ابقئ ويا اخوتي لو مبقيهم بييت عمي جان ماصار الصار بس كلشي مكتوب وياريت اقتنع بهالمكتوب واشيل فكرة الانتقام من راسي بعدهه بفتره طلعت وصلت للمنطقه الي بيها بيت  ابو رعد اباوع الحمايه بالباب والمنطقه هم بيها مفرزه ومقر وكذا مااكدر اتنفس
شفت صديقي سامر الي جان وي مصطفى بوكت الحادثه نزلت من سيارتي وسلمت عليه
بسام :هله سامر شونك خويي شخبارك
سامر :هلا بالظلع شونك هاي شصاير بيك يمعود صدك جذب
بسام :شنسوي بعد مو شويه الرااح
سامر :الله يرحمهم خويه بس انت هم ارحم حالك كلنه ع هالطريق
بسام :اي والله ياريت وانه اموت ع هالطريق مثل ماماتو اخواني واشرت اله على بيت الشيخ ابو رعد
سامر :يمعود دير بالك كامرات لايشوفوك وتروح بيهه هذا رئيس مجلس محافظه تره موشويه
بسام :الله ...صار رئيس مجلس
سامر :اي يمعود شعبالك هه انت وين عايش ماسمعت بالتلفزيون بالفيس ماشفت
بسام :لا والله مالي خلك تلفزيون والتليفون مخلي بيد الجهال مالي خلكه كلما افتحه اشوف صور المرحومين يمعود مااتحمل كافي البيه
سامر :اي ووالله كلما اجي للبيت مااشوفك هي عود ليش ؟
بسام :اعذرني خويه والله كله بغرفتي كاضيهه نوم وتدخين وحتى طلكت زوجتي وحالتي حاله ..سامر الندم مااكلني اكل لو جنت موجود بساعتهه ماجان متندم هالكد بسس اخخ
سامر :خويه هذا المكتوب شتريد تسوي انت وبعدين زوجتك تتعوض شوفلك غيرها نسوان واجد وتطلعك من الحاله الي انت بيها
بسام :مااريد كرهت النسوان كلها يمعود....اكول سامر هو وي يا كتله يا تجمع بالله الشيخ ابو رعد ماتعرف
سامر :بكتلة (;;;;)
بسام :اهاا ...الله يچرم هه ...يله خويه امشي وياي عشاك يمي الليله
سامر :لا والله مستعجل عندي شغله خليهه غير مره الله وياك عود من اجي خل اشوفك
بسام :ان شاءالله حبيبي الله وياك
صعدت بالسياره وطلعت واحجي ويا نفسي هذا يمته صار رئيس مجلس شنو من بلد هذا المجرم والماعنده حكمه وعنده الدم رخيص يختارونه بهيج مناصب من تف اي والله على اليخلي والينتخبه
رجعت للبيت سالت صلاح على ام زهراء ياكتله هي جاوبني (;;;;)نفس كتلة هذا الخايس هله والله يعني نفس الحزب او الكيان السياسي  دزوني على ام زهراء دربها وينه افوزهه افوزهه وبلكي صدك وتعييني يمها حتى اتقرب الهم اكيد عدهم ملفات فساد شي لازم الگط شي منهم مو اله اكتله بس ادمره ادمره
خابرت رجل خالتي ودكيت اله صدر وكتله انه راح اجمع الها ناخبين وجماعتي هواي وعلاقاتي ممتازه ومن هالحجي طبعا مو حبا بيها بس طمع ولازم اتقرب منهم ...بعدهه خابرني اخو نجلاء وكال خلصت العده هي وراح تسافر طبعا هو صديقي وعلاقتنه ابد ماخربت انه ويا بقت كما هي وهو جان رافض موقف اخته نهائيا بس هم عائله فري وماايتدخل ولايضغط عليها المهم كمل حجي وكال بعد يومين يطلعون تريد  تشوف الجهال كتله عزيز عليه انت خل تجي تشوفهم ببيتنه ماعندي مانع ....اجت نجلاء انه ماطلعت الهه بس مجرد وجودها بالبيت شعور ابد موحلو ليش تركتني ليش مااتحملتني هو شويه الصار الي سنين حب مو شويه كضيتها وياهه تروح بسرعه هيج والعشره والاطفال الي بينه ابد ماقدرتها ولان نجلاء اول حب بحياتي 
وجنت مدللها حيييل موقفها ويايه خلاني اكره كل النسوان وماافكر ارتبط مره ثانيه ابد
بعدها سافرت نجلاء وانطوت صفحة حياتي وياها ماادري لا مااعرف الزمن شنو مخبيئ النه فكرت بسعادتها وجانت  مطمئنه انو جهالهه ويانه بامان وابد محد راح يقصر وياهم ...بديت بالحمله مالت ام زهراء وبديت اجمع الها اصوات واللتقي بيها وخلتني ضمن المراقبين الخاصين بكتلتهم بالمفوضيه وصار وقت الانتخابات وكلما تشوفني تكلي وعد عندي اعينك يمي اني افرح بس الفرح ميلوگ الي المثلي انطي كره حقد وغل وخلص فرحي ماجان للمنصب او الفلوس لالا ابد اريد اتقرب منهم والزم طرف خيط علئ فساد ابو رعد لان الحال الي بالبصره ابد مايسر لاعدو ولاصديق البصره مليانه خير نفط وموانيئ وغيرها وغيرها والناس تغسل بماي مالح والتلوث مال حفر ابار النفط وصل حده والزبل واليتامى والفقراء