#اراد_قتلي .17..
بقلم نورا (غدرني الزمن)
بسام ...جاي احاول اتذكر شصار الي..جسمي مخدر من الالم ..تذكرت كنت استوني طالع ..
من بيت اهلي ..بسيارتي وهجمو عليه جماعه الوقت كان فجر واظلم..وگفوني بنص الشارع ..نزلوا 3ونزلوني من السياره ..وضرب ضرب وهم يضربوني اني اقاومهم وادفرهم بس مااسيطر لان هم3واني واحد ..الا ان اجه واحد ضربني بالاخمس ع راسي فقدت الوعي...فتحت عيني بهالحال وبهالمكان .. ايديه مسنسلات ومااكدر اتحرك وجسمي يوجعني ..غمضت عيوني شفت عيون مينا وهي تبجي عليه.. اكيد هسه فگدتني ..رجعت فتحت عيوني .. بقيت ع هالحال ساعات ..الا ان دخلوا عليه ولد اثنين ..فكو وثاقي ونزلوني ع الكاع واني منهك القوه ..
وبدأو يضربوني بكل مكان واني عاجز ابد مااكدر ادافع عن نفسي ..تذكرت مينا من جانت جواي واني مارحمتها ..الله خلاني بنفس حالهه بالضبط ..هم عاجز مااكدر اخلص نفسي..خلصو مني بعدما خلوني انزف من كل مكان ..شمروني ع الگاع وطلعو مرت ساعات واني ع الگاع مره اشوف مينا ومره اشوف الجهال اتخيلهم بدماغي وتنرسم صورتهم بجفوني من اغمض ..شويه وطبو زلم اثنين لزموني من ايديه وسحوني سح ..باوعتلهم معظلين ولابسين زي عسكري وبساطيل ..طلعوني من الغرفه الي اني بيهه ودوني غير مكان سحلوني واباوع ع المكان ارضيته صبابه واظلم وبناء عتيگ ..سحلوني ودخلوني لغرفه ثانيه ..اول ماطبيت شفت زلم ..اثنين كاعدين ع كراسي ويمهم ميز والغرفه ارضيتهه صبابه وحيطانهه مصبوغه والصبغ قديم ومحتوت ..وكهربائياته مشلعه وبنكه معووجه ..بس عليهم بنكه قاعديه وتفر عليههم ..كعدوني ع كرسي حديد وربطوني بحيث مااكدر اتحرك ..رفعت راسي
ببطيئ كوه من الالم باوعت ع الزلم الاثنين الي كاعدين صارو مقابيلي ..والي سحلوني وكفو ع راسي ..واحد من الي مقابيلي لابس ستره سوده وقميص اسود بدون ربطه ..وملتحي اسمر وشعره اسود مصبوغ خفيف.
سالني ..وگال بدون لف ودوران اكو ملفات وصلت للنزاهه ..اريد تكول عد منو هسه ويم منو ..واحنه نطلق سراحك..انه ضحكت گلت لايامجرمين ..اكيد تكتلوني حتى لو كلتلكم ميه بالميه تقتلوني ..ضحكت بوجهه باستهزاء ..وگتله اقتلني ..مخايف منك ..بده يحجي ويايه اني بقيت استهزء بي ..واضحك لان متاكد اذا اكول الهم هم راح يقتلوني ..ويقتلون خالد والي ويا .. شاف مامني فايده ..اخذوني وبدو يعذبوني بس هالمره غير ..اساليب ..حتى يسحبون مني اعتراف ..اولها كان الايهام بالغرق ..مرات ماي بارد ومرات حار ..واثنينهم مؤلم يلزمني من شعري وايديه مربطات للوره ..ويدخل راسي لسطل كبير بي ماي ...ابقئ بي لعدة دقايق وبكل مره اشوف بيها الموت ومااموت واستخدمو ويايه الضرب المبرح حد الاغماء
ومنعوني من النوم والاكل لعدة ايام وبقيت ع هالحال ايام وايام ..شفت بيهن الموت بعيني بس مامتت ..فد يوم دخلو عليه نفس الولد وسحلوني واني منهك القوى اخذوني لحد نفس ذيج الغرفه ..ونفس الشي كعدوني ع كرسي وربطوني ..ووكفوا ع راسي سمعت كلام رجال يكول الهم ..يعني اله بنفسي انتزع منه اعتراف انتوا اشبيكم مو زلم ..ماكدرتو عليه ..طب واحد لابس الزي العربي مال الشيوخ ..ووياه كم نفر وكعدو مقابيلي عرفته ابو رعد واخيرا شفته بعيني لو مجاي هو بنفسه يمكن جان اعترفت من كم التعذيب الشفته ..بس جيته غيرت كل شي ..كعد ع الكرسي ووياه جماعته ومقابيلهم ميز وعليه بطاله مي ومبين البطل معرك ..وانه ميت عطش اتمنيت حتى لو اللحس البطل بس ارتوي ..من قلة النوم حسيت بالوهن ورفعت نضري الهم شفت ابو رعد كاعد ع الكرسي وكباله الميز ووراه جن تسطرو اخوتي اولهم عماد واثير وحيدر وسجاد واخرهم مصطفى وهو مبتسم ابتسامته الي مافارگت خيالي بديت اباوع الهم وابتسم .....اباوعلهم مدممين ..بدت عندي اثار الهلوسه ..بديت اباوع للغرفه شفت صبغها اخضر قديم ومحتوت تراوالي عيون مينا بلون هالصبغ باوعت لوحده من زوايا الغرفه جنها كاعده بالزاويه وتبجي ..بقه يستجوبني وانه بغير عالم ولامهتم لحرف من كلامه..اخذوني ورجعوني لنفس المكان ..ومرت ايام عليه وعلى تعذيبي ..الا ان بليلة ظلمه اجو جماعه الي.بالغرفه المحبوس بيهه..سحلوني وشمروني بصندوگ سياره احس انكطع النفس وكلت هي هي راح يكتلوني وهي نهايتي فكرت راح اروح اشوف الولد واخير واللتقي بيهم ..ومن جهه فكرت بمينا شراح تسوي من بعدي وبهالدنيا العوجه ومن جهه امي وابوي وجهاالي انقطع تفكيري بفتحة ....باب صندوك السياره ..حسيت اقترب الموت بعد وصار بينه شعره وحده بس طلعوني من الصندوك سحل صارت عيني ع السما والنجوم والليل اظلم هندس شالوني وشمروني بطريق مكطوع مابي لابشر ولاحشر ورمو عليه وصوبوني برجلي طلقه وحركو السياره وراحو ..استغربت ليش ماقتلوني ..بديت ازحف وازحف ورجلي تنزف والالم موتني وغير اثار التعذيب مالابس بس بنطرون قميصي شگوه اولاد الكلب ...وانه ازحف شفت ضوه من بعيد ..وصلت سياره وكلت هاي هيه هالمره صدك راح يكتلوني ..نزل منها ماهر تفاجئت بي ..اخذني هو وويا بعد ولد اثنين وصعدوني بالسياره ..بعدهه فقدت الوعي وماحسيت بشي بعد ..
مينا مريت باوقات كلش عصيبه
أنت تقرأ
تائه في الانتقام
Actionقصه منقوله للكاتبه نورا ناصر قصه رجل يبحث عن الانتقام وظالته مسؤؤل بالدوله العراقيه فيقف في طريقه امراه فيخير نفسه بين قتلها وازاحتها من اكمال طريق الانتقام وبين عشق جاء متاخرا
