تائه في الانتقام

/16/

#اراد_قتلي 16قبل الاخير
بقلم نورا غدرني الزمن.
بيج #قصص_ليل_وعشگ
مينا :وگفت اباوع اله من بعيد وهو ياشر الي من السياره بايده عود طبي ياالله شكد يغار
طبيت وماابدي اطب ..رحت شفت امي والجهال ملتمين عليهه وابويه مبتسم .كعدت يم رجلينه گتله شونك بابا هز براسه افتهمت نفسيته مرتاحه اطمأن عليه لان تزوجت بسام ..انقهرت ياريت يرجعلي ونكمل..
مرت كم ساعه ..خابرته انت وين ..گال بالنجف ازور الولد وابات الليله بالنجف لان تاخر الوقت والطريق طويل باجر الفجر اطلع مينا :زين ياحبيبي متكدر تحولهن من يمك .
بسام :لاياحبيبي مااكدر لازم اسلمهم بيدي انت شونج شون الجهال خو مامتعبينج

مينا :زينه ناقصني انت بس ..
بسام :حبيبي ديري بالج ع نفسج والجهال
رايح ازور الامير وبعدهه اشوف فندق ومن الصبح اطلع للبصره ديري بالج ع نفسج راح اشتاقلج باي ...

مينا :هف راح اشتاقله مر اليوم عادي...... ..نتواصل  مسجات ..
بقيت اللتهي ويا الجهال وامي وابويه وصار الليل حجينه وگال تعبان اريد انام وباجر نحجي گتله ماشي حبي ....
حضرنا الفراش دنام توفي متعود ينام يم ماما ..طيبه وحمودي نامو يمي ...حظنت حموي وشميت ريحته ..اوفيش ياريحة ابوك ..كون يرجع النه والله قلبي نار عليه ..
نمت ..كعدت الصبح ساعه عشره خابرته كال وصلت هسه يم بيت اهلي ..
مينا :اهاا شونهم اهلك ..ابوك خومازعلان منك لسه ..
بسام :لاقلبه كبير ميزعل وانه بعيد عنه ..
مينا :اهاا شوكت تروح الخالد ..
بسام :بس ارتاح وبعدهه اطلع
مينا :صالحت سعد ؟
بسام :لج اي ..هو اجه سلم عليه وتراضينه
مينا :تمام حبـℓσνєـي...شوكت تجي ..
بسام :مينا كل شويه شوكت تجي .تساليني.
مينا :اي حبي مشتاقه الك ...
بسام :ديلا ع اساس هسه ممشتاقلج انه ..
يله اشطحي خلي ارتاح والعصر اروح اشوف خالد ...حتى ارجع الج بسرعه ..اوكي

بسام :رجعت نمت شويه صارت ساعه خمسه الجو حار دنيا صيف ..كعدت بدلت ..كلت لامي طالع اشوف جماعتي .
ام بسام :شكد اجازتك يمه
بسام :يمه مبقئ شي راجعلكم هنا بس فد جم يوم وارجع ..
ام بسام :اي والله يمه ارجع ننجمع ونلتم مثل كبل كافي فراگ ..شكد عانين عليه جهالك كلش بدي اشوفهم
بسام :ان شاء الله محتاجه شي هسه ؟
ام بسام :لا يبعد گليبي روح الله يرعاك ويحميك
بسام :طلعت رحت لخالد وسولفت اله كل شي ..وگال كم يوم واحاجيك لازم اسئل عن الموضوع وبعدها اسلم الملفات للضابط وارجع احاجيك ..خلي الموضوع سري لان عليه گص رگاب ..طلعت من يمه ..ورحت لاهلي ..تعشينه وكعدت يم اهلي ..وكلت ابقى كم يوم هنا وبعدهه اروح .وارتب الوضع حتى هم .ارجع هنا .بقينه نتواصل اني ومينا بالتليفون نحجي بالساعات عبالك متفارگين سنه ..اللتقيت بخالد بعدهه وكال بعد جاي ابحث عن الموضوع حتى لاننكشف وخبرت كم شخص ثقه بالنزاهه ودنبحث عن هالشي ..كملت يومين ببيت اهلي وقررت اطلع يوم ثاني لبغداد ..كعدت الفجر..توضيت وصليت وشفت امي محضره الي الريوك كعدت اتريك كتلها اكعدي تريكي وياي ..كعدت تريكت كمت خابرت مينا الفجر دكيت دك جاوبت وهي نعسانه ..
مينا :الو ها حبيبي ..
بسام :يله حب ساعات ويمكم حظريلي نفسج مو تردين طفل ...
مينا :اريدك انت واي شي منك ياررويحتي
بسام :يله لعد حظري نفسج راح اطلع
مينا :حبيبي .. انتظرك بفارغ الصبر ومراح انام 😘
سديته منها ومشتاق الهه خرب شسوت بيه هي ..بدلت واخذت جنطي وشغلاتي وبوست امي وابويه وودعت الكل وطلعت ...
مينا :سديته منه طرت من الفرح راح يرجع الي كمت ..الصبح..حضرت اله الاكلات الي يحبها وسويت اله كيكه وسبحت الجهال ولبستهم ملابس حلوه وعلمتهم شون يستقبلونه ويسلمون عليه ..اني شفت الساعه قربت لل1رحت سبحت واجيت سشورت شعري ولبست تراك وردي برمودا وربع ردن وكصه ع الكتف ومكيجت مكياج خفيف وااللتهيت كلش حتى استقبله ..اخذت التليفون خابرته ماجاوب ...انتظرت بعد هم ماجاوب اوف صار العصر انغلق الفون ..بده گلبي يلعب ...ياالله ليش ميجاوب ..
اوف بقيت رايحه جايه رايحه جايه ..
ام مينا :ماما ارتاحي اكعدي ..الغايب عذره ويا
مينا :ماما بسام بي شي متاكده اني لازم صار اله شي فدوه احجيلي طمنيني مبي شي..
ام مينا :يمكن تاخر بالطريق فونه مابي شحن او راح يزور قبور الولد بالنجف...
مينا :ماادري ماما ياريت هيج وبس ياريت ..
صار الليل وهو ماكو جيت اموت من خوفي كعدت ادعي ياربي مبي شي ..تليفون ماخله بيدي اخذت فون امي نزلت فيس وبحثت ع صفحات اخوانه وطلعتهم وراسلت صلاح كلت لان هو مايقبل ع سعد ..صلاح كال اهلي يكولون طلع من الصبح ..راح نسأل ونشوف
مرت ايام وهو ماكو اهله يدورون عليه وماكو فص ملح وذاب اني حالتي حاله لااكل لااشرب والجهال كبال عيني وبس ابجي ..
خابرني صلاح راد عنوان بيت اهلي انطيته اله ..مرت 3ايام ..اندكت الباب كلبي دك وياهه ..طلعت امي ..تفتحه..ودخلت ووياهه نجلاء تفاجئت اني ..هي شتسوي هنا شجابهه شون عرفت العنوان