تائه في الانتقام

/7/

#اراد–قتلي* السابع *
بقلم نورا ησяα(غدرني الزمن )
بيج وكروب قصص ليل وعشگ
بسام :طلعت من بغداد رحت للنجف هي عادتي ماغيرتها كل اسبوعين اروح ضهريه يمهم اقرا الهم واصلي واسولف وياهم ...بعدهه رحت للبصره تلگتني امي مثل عادتها تلزمني تبوسني وتحضني ربع ساعه او نص ساعه وتبجي جهالي يستقبلوني ياالله شكد انقهر عليهم هم امهم ماكو وهم اني تاركهم ...حضنتهم شلتهم اثنينهم بوستهم وحجيت بگلبي ..يلا هانت مابقئ شي بس خلي اشوف ناديه شدبرت مادبرت حتى اخلص وارجع يمهم ...اهلي جانو ينتظروني ع الغده خطيه فرشو السفره مسوين سمج مشوي الله العشق ..اول لگمه خليتهه بحلگي تذكرت عماد شكد جان يحب للسمج حتى بالعشا ياكله حتى برمضان بالسحور هم ياكله ...وراها تذكرت مصطفى شلون يحب السمج وي التمن المحمر الي يطبخو بشكر وزبده ويصير طعمه طيب وي السمج اوف شريد انسئ وانسئ ...واذا اريد انسئ من جنه نطلع ويا الولد نصيد سمج مبقئ مكان مارحنه جربنه حظنه حتى نصيد
اووف .كملت اكل والغصه غصه هي فراكهم شيصير لو دافعين فلوس وماميتين وهسه ويانه ...كملت اكل رحت اريد ارتاح وانام اجت امي ووياهه الجهال طبو وياي بالفراش
ام بسام : ماناوي ترجع ام طيبه
بسام :يمه شرجعها هي هذا الرادته
ام بسام :تخابرنه وتسال عنك
بسام :لاتسال ولاهم يحزنون ..خصم الحجي انه مااريدهه بعد ..واذا تسال عني يعني تريدني ماعولت تخلص مني ..
ام بسام :الخاطر الجهال ياابني هي اختك راح تتزوج ومرت اخوك صلاح حامل بتوم وطفلهه زغير بعده .. ومرت اخوك المرحوم يوم هنا وعشره عند اهلها انه مابيه عليهم ...لو تتزوج لو ترجع مرتك ...
بسام :يصير خير ياامي لتحاتين ...مو بعازة احد كلشي واله حل ...
طلعت امي خلتني بقلق ع الجهال نمت وانه افكر ...بعدها صار الليل ...صحت ع زينب اختي اريد احاجيهه ...شوفي زينب انت تدرين بالصار وحكم مرت عمي ومن هالحجي ...تره هذا زواج انت موافقه لولا ؟!
زينب :كيفكم
بسام :ماكو كيفنه انت الي راح تتزوجين وانت الراح    تعيشين وياهم مو احنا الي نقرر القرار الج.....
زينب :موافقه (بخجل)....
بسام :حلو خوش حجي .. يااختي تره معتز خوش ولد ووگفاته ويانه زينه وهي احنه ماخذين اخته عبير لصلاح ...يااختي لازم تتحملين مرت عمي هي هم گلبها محروگ ع ابنها صح انت مااالج ذنب ...بس اخذيهه بالكلام الحلو والمداراة وان شاءالله السعاده الج يااختي وبست راسهه ...
زينب :مشكور بسام ان شاءالله تلگه المره الي تعوضك وتسعدك ...
بسام :الله كريم
احس ان انه بالبيت حنين على اهلي بس ع الناس البره وحش واتمنى اكلهم اكل ...تعبت من هالشعور ...
بعدهه صارت حفلتهم سوينه الهم حفله بسيطه بس فراگ الولد ذاك هو خالي ومبين وين ضحكنه وشقانه خربت لمته الله يلعن الكان السبب ...
مينا :مرت كم يوم بعد ماشفت بسام كالو حفلة اخته ورايح ...مشت الايام عاديه اداوم يمهم اعتني بابنهم وحالته ماشيه فد يوم طلعت من بيتنه الصبح شلت شعري ليفوك لبست كعب وجينز وبلوز اسود خليت كحل ..حلو وي لون عيوني بوست توفي وامي وطلعت ...اخذت تكسي ووصلت لبيت ابو زهراء...طبيت امشي بالحديقه سمعت صوت اغنية كاظم ((مستبده..قالت لكل الاصدقاء هذا الذيhttps://youtu.be/FnbBgSileUQ

رحت جاي الصوت من السقيفه طبعا جان وقت صبح وهدوء محد كاعد واني واصله ع وقت ...تقربت اكثر شفت بسام مشغلها من تليفونه وديلعب تمرين الضغط (شناو غطس)
لابس كيمونه سوده والبنطرون العسكري ويلعب بخفه صدك جنه غزال وع ايده مسوي وشم بالانكليزي (ρяσтнєя)آلَآخٌ ـ وفوگها  قلب 💔مكسور وضاربه خنجر 🗡 شي نازك استغربت حبيت اعرف المعنى ...بعدهه كام بعد مااسوه عدد هواي بدون تعب انتبهت لابس كلاده علامة جمجمه☠ ...ابتسمت اكو واحد يلعب رياضه ومشغل مستبده..
نوب انتبه الي واتقرب عليه وگال ....
بسام :اكو شي !؟؟!
مينا :مرحبا
بسام :نعم !!!
مينا :شنو داگولك مرحبا !؟
بسام :تعرفيني اعرفج يربطنا شي تگوليلي مرحبا
مينا :(ياا هذا شبي )يربطنا شغل
بسام :لع كولشي ميربطنا
مينا :احرجني عفته مشيت كم خطوه ودرت اله وگتله ..انت متأكد هي المستبده مو انت المستبد ؟!!؟
بسام :اتقربت خطوات الهاا صرت حيل قريب منها گتلها ...شنو اسمج ؟!
مينا :اعتقد للمره الثانيه هي اگلك اسمي مينا
بسام :المهم انت حشريه فضوليه وغبيه نصيحه الج تفيدج لاتخلين خشمج بكل شي
مينا :عصبني كل الي ردته اسلم عليه واتحمد اله السلامه بس هو متعجرف إإإف ..عفته ومشيت ...فتت جوه مشه اليوم عادي وباقي الايام هم فد يوم ابو زهراء تعبان دخلت اله للغرفه ويه سميحه وچيكت علاجاته هو گلي ان هو عنده سرطان بالكبد ومخلين اله دكتور خاص ..باوعت العلاجاته جيكتهن شفتهن ماالهم صله ابد بمرض السرطان تفاجئت.ليش هيج الطبيب ديسوي لازم احاجي ام زهراء ...انتظرتها  اجت نزلت ووياهه بسام جان الي بعد مااحتكيت بي ولاحاجيته ...ام زهراء تسمحين
 
تسمحين الي احاجيج
وهي تمشي بالحديقه جاوبت احجي خلصي
مينا :ست هي العلاجات ابد مالهه صله بعلاج مرض الاستاذ ناصر بالعكس تاثر عليه
هي نترت بيه وخمشت الغلاف  الورقي مالت العلاج وكالت وانه شنو اجذب الدكتور واصدكج وشمرتهه عليه ودخلت وكعت العلبه بالكاع دنكت اريد اخذهه اجه بسام داس عليهه بالبسطال اله شويه جان داس ع اصابعي بقيت ثانيه رجليه ع الارض وهم لابسه قصير ولااتوب ...لزمت ايدي من الخوف جان تاذيت بالبسطال رفعت نفسي وابتعدت منه خطوات جان يكول الي
بسام :چلب ويريد يفطس شكو تخلين خشمج بكل شي وتصيرين لوگيه
مينا :والله ماادري يااستاذ بسام الشعور بالانسانيه تتسمئ لوگيه
بسام :هه خلي الانسانيه لاهلها.... وهذول مو اهلهه واشرت ع البيت ...
مينا :لعد ليش تشتغل وياهم
بسام :عندي غايه واريد احققها واي احد رح يوگف بطريقي راح ازيحه من كدامي واشرت ع المسدس...عفتها ودخلت
(هي جنهه ناويه ع مشاكل وتحشر خشمها بكل شي لازم اتخلص منها )
لازم اشوف ناديه حتى اذا هي متتصرف اني اتصرف من يمي
....
مينا ؛اخذت العلبه الي جعصها برجله وفتت على ابو زهراء خليت الغلاف  يم الادويه
گتله استاذ يمكن طبيبك يفتهم احسن مني اكيد هو طبيب ويمكن اني ماانتبهت
ابو زهراء :تره اني اعرف كل شي لعد شجنت اسوي بالصيدليه هذاك اليوم من شفتج
تعالي مينا اكعدي خلي احجيلج كل شي واريح ضميري ....
وللحكايه بقيه ...
*نورا*