تائه في الانتقام

/6/

#اراد–قتلي* السادس *
بقلم نورا ησяα(غدرني الزمن )
بيج وكروب قصص ليل وعشگ
بسام :رحت جبت الكارت مالتهه وطبيت للبيت شفتهه كاعده بالاستقبال وتباوع بالمكان ...رحت شمرت عليهه الكرت وكع بحظنهه نزت هي گتلهه ...هاج هذا الكارت وبعد مره ثانيه متفوفتين هنا بدونه والا مراح تكدرين تفوتين ..بقت صافنه هي وهزت راسهه بمعنى اي ....طلعت منها
مينا :هذا شبي اني شعليه هم گلولي بقي يمنه اوو شعليه مو اله اوضح اله مبين ميتفاهم .....بقيت انتظر بالاستقبال اجت وحده ومبينه شخصيه ومتكبره ورافعه خشمها لاعلى مكان بالدنيا ...سلمت عليها
وگالت اني ام زهراء عضو البرلمان
مينا :اتشرفت بيج ست
ام زهراء :اي منو دز عليج
مينا :الاستاذ ابو زهراء هو دز عليه گال عنده طفل مريض ويحتاج عنايه
ام زهراء :اي صحيح ابني جمال عمره 12سنه مصاب  بمرض السحايا ويحتاج عنايه طبيه انت ممرضه ؟؟
مينا :اني خريجة معهد طبي قسم تحليلات مختبريه وايضا داخلة دوره طبيه للادويه
ام زهراء :امم خوش امشي اشوفج جمولي
مينا :رحت وياهه شنو البيت يجنن قصر امشي واباوع ....شفت بنات اثنين كاعدات بس شنو الخشم ولااعلى منه ...ادري شدعوه هالتكبر اشو كلنه من دم ولحم ...اممم رحنه شفنه جمال وعرفتني عليه وكلتلي ع واجباتي الي راح اسويهه ...وواوقات دوامي طبعا اني تحذرت هالمره بالتعامل وياهم ومكتلهم اني مطلقه خاف لا يستغلوني مثل ميثم الحقير ....ومرت ايام وبديت اداوم من الصبح لحد العصر او مرات المغرب اذا العصر اخذ تكسي واذا مغرب الحمايه يوصلوني ..

بسام :ناديه بقت بالبصره دوم تتصل مااجاوب عليها تدز مسجات هم اغلس اخر شي جاوبتها ..
ناديه :الو. بسام
بسام :اسمعج
ناديه :مشتاقتلك ليش ماترد عليه
بسام :شنو مجبور ارد
ناديه :شسالفه زين ماتجي للبصره اشوفك
بسام :واذا اجي شسوي شايفج
ناديه :تره دااشتغل على الشغلات الي طلبتهه مني
بسام :هه اي وشنو يعني
ناديه :تعال حتى اگولك
بسام :شوفي ناديه اذا اريد اجي فبمزاجي اجي ولاتعتقدين اكو شي الي يمج فطززز ولاتتأمرين عليه..مفهوم ..
ناديه :هي شبيك مشتاقتلك واريد اشوفك ميصير
بسام : عود من اريد اشوفج اني احاجيج اوكي ...وبعد لاتتصلين اني اتصل بيج .ها ونصيحه الج تفيدج ديري بالج ع بناتج ولاتراهقين تالي وكت خوش جاو
سديته منها شكد مكروهات النسوان ...المهم اني اهلي بقيت كل اسبوعين انزل الهم وهواي اشتاق الجهالي ودائما اروح للنجف ازور العزاز. وبعدهه اتوجه للبصره ..هم دوم يخابروني ...واحجي وي الكل ...فگلولي معتز ابن عمي يريد يخطب اختي زينب طبعا معتز كلش احبه واخو حيدر الي انقتل ويا اخواني بس الي عرفته مرت عمي تريد خطيبة حيدر اله وهو رافض الموضوع ميكدر ياخذ خطيبة اخو المرحوم وبنفس الوقت ماتريد اختي لان بعد الحادث كرهتنه كلش لان احنه السبب الرئيسي ..هالشي خلاني افكر باختي خاف تتأذه عدهم اخذت اذن من ابو زهراء حتى اروح لاهلي واشوف الاوضاع هناك واذا اكدر اتصرف مااريد اختي تتعذب ابد فقررت اطلع يوم ثاني ..صار وقت مغرب طبعا جان اكو مكان بالحديقه مرتب مثل السقيفه وتحوطه اشجار وورد اني جنت موجود هناك داارتاح ومشكل هيتفون ودااسمع كاظم هالعشق شگد احبه
واسمع اله ...اجت روان يمي ..اني بس شفتهه جتي جريت نفس وذبيته ضجت
  روان :ها بسام شونك
بسام :شو تسألين شونك
روان :مايصير اسئل عنك
بسام :مو الصبح موصلج للمدرسه شونك بعد شنو هي كل شويه
روان :اوووو بسام مايصير اسولف وياك شويه
بسام :لاع مايصير ...ولزمتها من ايدهه ...وگتلهه روحي اقري دروسج بدل هاللغوه الزايده ويلا ولي  ...راحت رغم ارزلها بس ماتزعل ولاتشكى عليه واذا اشتكت طزز مااهتم اني ...
مينا :مره تأخرت للمغرب يمهم جمال جان محتاج عنايه ومن هالحجي طلعت المغرب من البيت مالتهم اول ماطلعت من الباب لگيت الحديقه فارغه جنت بيومها لابسه تنوره قصيره للركبه بدون ستريج وحذاء كعب باوعت للحديقه الارضيه مالتهه مال امشي حافيه ..ماگلت باطل باوعت منا ومنا ملگيت احد ..نزعت الحذاء وشلته بايدي وبديت امشي الارض بارده شعور حلو اريح رجليه من الكعب شويه لان اكثر لبسي فلات والدرج مالتهم طويل موتني الكعب واني انزل من الدرج الي بمقدمة البيت طبعا ..دااتمشى اباوع للسقيفه الي بالحديقه بيها فتحات شفت روان والولد الحارس دتكوله اريد اسولف وياك هو دفعها وكال الها روحي بقيت صافنه عليه وعلى تصرفه شي غريب مو المفروض اذا واحد غيره ينتهز الفرصه ويتقرب الها وهي بهالعز هذا كله ويبدي يفكر بمصلحته ..بعدهه شفت روان طلعت راحت ركض للبيت هو انتبه عليه درت اريد انهزم بديت امشي سريع نوب يافشله حذائي بيدي احتاريت البسه لو ابقئ شايلته ...انوب لحكني وصار كدامي ...
بسام :شنو معنى هذا (بخزر)
مينا :(ياكاع انشگي وبلعيني )خزرني متت خوف ارتبكت شجاوبه هسه ..اكيد هسه يكول دتجسس علينه ..گتله شنو ؟!
بسام :الي شفته