تائه في الانتقام

/9/

مِـسًـآء آلَسًـعَآدُهِ 🌺

#اراد–قتلي* التاسع*❌🔞🔞
بقلم نورا ησяα(غدرني الزمن )
بيج وكروب قصص ليل وعشگ
بسام :بعد ماوصلت مينا...رحت على روان اتصلت ...گالت فد ربع ساعه واطلع ..بقيت بالسياره ..سمعت صوت فون دتجيله اشعارات ..انتبهت اكثر للصوت جاي من الكشن الوره ..درت تناوشته ..هه يمكن هذا مال الخبله مينا ..گلبته حتى رمز مابي ..اجت روان صعدت ..گالت تأخرت عليك
بسام :صعدي وفضيني بله لغوه زايده ..حاجيتهه ...بدون مااباوع عليهه ..
روان :بسام شبيك انت ليش هيج ماتنطي مجال ..بسام :هسه شتردين ؟!..
روان :اريد اصير قريبه عليك..
بسام :وين بعد تصيرين قريبه اله تكعدين بحظني ..
روان :اووو بسام شبيك اصير قريبه لقلبك
بسام :نزعت نضاراتي ..ونزلت من السياره
نزلتهه من السياره وصعدتهه ..وره ..
رجعت صعدت ..گتلهه ثگلي شويه خوش ..
روان :شدعوه عليك ليش هيج تعاملني.. وتبجي

بسام :ولاجني اسمعها حركت السياره ورحت للبيت ..نزلت ..ضميت التليفون بجيبي ...رحت للكرفان الي انام بي ويه الحمايه وسولفنه وحجينه وتعشينه انه وماهر والولد ..دگ التليفون الي لگيته ..شفت مكتوب مامي ..گلت اووي مامي هه..طلعت بالحديقه ..جاوبت
الو ...
مينا :الوو منو انت
بسام :هو انت المتصله مو اني ...
مينا :عيني هذا تليفوني العندك ...
بسام :انتي ..مينا مو ؟!
مينا :بسام ؟!
بسام :انضافت الج صفه جديده ...مهمله...
مينا :مو مهمله بس حظي وگع تليفوني يمك

بسام : اهاا ...وشبي حظج
مينا :فگر حظي ..تكدر تجيبه الي فدوه
بسام :ياريت جان من عيني ..بس حظج فگر شسويله..
مينا :لافدوه اسـѕσяуـفه ..هسه..اليه ..
بسام :تعالي انتي اخذي
مينا :وبهالليل اجي ؟!!
بسام :شبيدي عليج ...
مينا :لا عفيه حباب ..لاتصير خبيث ...

بسام :امم هي انت گلتيهه خبيث وانه خبيث
وانتظري للصبح وتعالي اخذي وهسه شطحي ....

مينا :قفله بوجهي خرب بحظي هذا شون ويا خاف يشوف التصوير وصوري

ام مينا :هاا مينو شنو الاخبار
مينا :ماما لگيته باجر اخذه يم الحارس
ام مينا :الحمدلله ...
مينا :رحت نمت وفكري يم الفون وبالي ممطمن هذا حقير خاف ينبش بالفون ويباوع يربي شون بيه وشيجيب الصبح ...اوف

بسام :بالليل طلعت افتر بالحديقه واجيك الوضع ...خبلني التليفون مالتهه بالاشعارات يمكن مفعله نت ع سيم ...طلعته من جيبي
اريد اشوف هالغبيه شنو عدهه ...رحت ع البرامج لگيت فيس ومسنجر ...اباوع للاصدقاء بس بنات ماكو ولد ...رحت للاستوديو ...مم خنشوف شعدهه مااعدهه هالمينا هي ..بلكي شي يساعدني اتخلص منها ..دااحس بيهه فضوليه وتجسس يمكن تسسبب مشاكل ..گلبت بالصور شفت صورها مبقه صوره ...ماگاصتهه ..اي حقها صاكه ..امم اشوف صور طفل زغير وياهه منو هذا معقوله ابنها ...بس هي گايله الهم ممتزوجه ..دورت شفت فيدوات منهم فيديو الخلفيه مالته صورة ناصر ...هذا شيسوي ..خلي افتحه ...واشوف شنو بي..فتحته ..والگاهه مصوره ابو زهراء فيديو نصيت الصوت شكلت سماعات تليفوني ..صارت عليه ..  واسمع الاعترافات ..مالت ناصر وحجي يودي الكتله كلها وره الشمس 21دقيقه ..مدة الفيديو ..شنوووووو هاااي ..انصدمت ..معقوله كله هذا يطلع منها ..ام زرور هه ...شتريد توصل اله ..وشنو عنده وياهه يعترف الهه ..رجعت نبشت التليفون نبش ملگيت عدهه علاقه وي ناصر ..او اي احد..
اخذت التليفون وافكر ..هي خطره ..وينخاف منها ..هي حجر عثره بطريقي لازم اتصرف وياهه ..ولازم اكو من وراها ويدعمها والا شون جرجرته وخلته يعترف ..مية سؤال اجه ابالي ...رحت نمت ...
مينا :صار الصبح كعدت على وكت بلكي الگه بسام موجود واخذ الفون منه ...رحت شفت ماما كاعده وتوفي بقى نايم ..
مينا :صباحو ماما ....
ام مينا :هله بهالصباح يله اتريگي ويانه ...