تائه في الانتقام

/النهايه/

اراد _قتلي 18الاخير
بقلم نورا غدرني الزمن
بيج قصص ليل وعشگ
مينا :طلعنا من بغداد ورحنا لديالى لبيت خالي وكل الحجي عليه تحملت اشكال والوان حجي ..ناس تگولي متعرفين تختارين زوج وناس تگولي فگر انت خصصو النه غرفه خارجيه بابها يطلع ع الطرمه وبصفها عود حمام كان اصلها للخطار اخذناهه عود ...بعدهه ابويه تعب حيل وماقاوم المرض ولااحد يهتم بينه كلمن يگول ياروحي ..(نورا غدرني الزمن)
بالليل تخربط كلش ..كعدنه خالي يودي المستشفى كام خالي عود يودي.. مات بالطريق ...مات ابويه بعد مااشبع قهر ع اولاده الي ماتو گبال عينه وعلى بنته الشبعت ظيم يمكن مات وهم ممرتاح ..دفنا يم اخواني بديالى وزرت قبورهم بعد فراگ دام سنوات ...موت ابويه وجع انضاف لوجعي والمي متت قهر عليه شأريد احزن على منو احزن بعد اخخ شريد اتحمل ..خلصت الفاتحه بعدهه امي وكعت مريضه وتعبانه والليل كله تبجي ع ابويه واخواني وحظي وتكولي شون بيج اذا متت وين راح ترحين كلتلهه اكو الله اليحميني ..وصيت عمي يبيع بيتنه كال مجاب سعر لان ع السريع باعه وهو تعبان البيت وقديم ..كلت ميخالف هي كم فلس نعيش منها ..

مشت الايام ..وبسام دومه ع بالي دومه بقلبي ..خالي ومرته ...بدو يتضايقون منه هم حقهم بيتهم 90متر هم يردون يرتاحون تغيرت حالتي حييل فقدت وزن امي ماعادت تكدر تهتم بابني ..الاهتمام عليه اني ومااكدر اشتغل اصلا بعد هالظيم نسيت كلشي درسته بيوم من الايام ..اجه عمي وويا طليقي حسن الي رجع من الخارج .. دخلو وگال يريد يشوف ابنه ..تعجبت هو عمره ماسئل عليه شيشوف منه ..عاد دخل شاف ابنه وراح ..وراها بفتره ..اجه ويا عمي وكال ..يريد يرجعج زوجه الـه ..شيرجعني عمو واني ع ذمة رجال غيره ...
عمي ؛يارجال بعد مو مات ...
مينا :عمو مامات اني متاكده
عمي :مات وخلص هو الي يوكع بيد الحكومه يطلع ...
مينا :مااريده عمو مو رجال عافني مره يعوفني الف مره
حسـن :لعد انطيني ابني ..
مينا :نعم نعم ولك تحلم تاخذه افتهمت مو عفته سنتين وهسه جاي تريده
حسن :موبكيفج اخذه والله
مينا :صارت صيحه وعيطه ..قررو عمي وخالي يهدوله ابني ع طبق من ذهب بعد مااتعبت بي اني وامي اخذو غصبا عني لاالي اخوان ولااب الي ياخذ حقي فقط امي المريضه ...اخذه وراح متت قهر عليه الليل كله ابجي عليه مر شهر كامل على اخذه وذكرت بسام اذا موجود يكدر احد ياخذه مني ...دگ براسي كلش قررت اروح البغداد اشوفه متت عليه وشيريد يصير خلي يصير
ام مينا :مينه لاتشلعين قلبي (بصوت مبحوح ومتالمه )ولج نسيتي تهديد روان ..
مينا :طز بيها تولي .. شيريد يصير ياامي خلي يصير .. بعد شخسر
ام مينا :اكعدي ياامي وسكتي فدوه العينج فكري بيه ..
مينا :ماما اعذريني ماتتحمل روحي بعد رايحه البغداد اشوفه بس واجي انت بس ادعيلي ..ترخصت من خالي اروح واني قلبي مليان حقد عليه ..حقه لان معنده هالاحساس ميحس بيه لان معنده اطفال .. كال روحي واني اخلي اخو ام غايب يوصلج ..عاد گتله مشكور .. اخوها رجال كبير يجي عمره نهاية 50سنه وصلني لبغداد ..تذكرت ..تهديدات روان ..مااهتميت ..الها والتهديداتها تقتلني .مو مشكله اصلا ميته اني.نزلت بمنطقتنه فرعنا كلها الي بيها ذكريات ..واكثر ذكريات لم كان بسام يوصلني واني كاعده وره بسيارته واباوع العيونه وحاجبه ياتره شون شكله هسه ..راح السايق ..واني كتله عود اخابرك خاف اطول يمهم ..دكيت الباب طلعتلي مرت اخو الي هي صديقه اليه دخلتني شافت حالتي حاله لابسه عبايه اسلاميه وشال اسود ..طبيت جابت الي توفي بوسته وحضنته عرفني هو يمه فديته حظنته وابجي ..طلع حسن گال شعندج
مينا :اريد ابني اشوفه شنو حرام ..
اتقرب عليه گال ارجعيلي ويصير بحظنج
مينا :شبيك ع ذمة رجال اني شون اتزوجك
حسن :بكيفج لعد..ويله خلصيني شوفي وطلعي ..بقيت ربع ساعه يمه ودنيا ظهر..
مااراح اشبع منه ..وماعندي ظهر قوي اتچه عليه واخذ حقي وابني ..طلعت منهم مسحت دموعي وتنفست ودعيت ربي ..ياالله محاجه احجي احجي انت اعلم بلي بقلبي..
فتحت الباب الرئيسي مالتهم وطلعت ..شفت شخص ماتصورت راح اشوفه بيوم ..وهذا كل املي اشوفه ولو مره بحياتي ..كان لابس نضارات شمسيه وكاعد ع بنيد السياره ..ابتسمت اله ابتسامه بريئه ..من شافني نزع النضارات..واني.اخذتني خطواتي اله بدون مااشعر بشي غير ان اريده احظنه اشتم عطره وامرر اصابعي ع حاجبه المطبور الي طالما عشقته ..رحت اله واباوع بعيونه وعيوني كلها دموع...متشوقه حييل اسمع منه كلشي صار ويا..اقتربت منه واباوع اله نضره تعجب وشوق وحب ..گلي ..
بسام :شفتها لابسه اسود بس ماكو شي بقلبي اتجاهه غير الحقد ..گلت اخذهه وياي واعذبها وافرغ انتقامي كله بيهاا ..گتله تجين وياي ..گالت اي وهي تباع الي متعجبه ..
اخذتهه من ايدهه وصعدتها للسياره ..بالكشن الوره ..انه دائما اخذ وياي واحد من الولد بالسياره للامان خليت الولد هو يسوق وصعدت يمها وره ..سحبتهه الي قوي ..گالت بسام ..گلتلهه اشش مو وكت حجي هسه ..
نروح للبيت ونحجي ..مينا :بقه الطريق كله ساكت وحاظني قوي ..حسيته متغير مو هو نفسه ..الطريق كله اباوع عليه مدااشبع منه شوف ..وصلنه لبيت كان كبير كلش دخلنا بي وداني للغرفه ..اخذني الحظنه قوي احس ديكسر عظامي ...گتله بسام ..شبيك دتأذيني
شمرني ع السرير بكل قوته ...واجه نام عليه وگال ممشتاقتلي ..ابتسمت الـه كتله ميته عليك گال لعد خوش وهو نايم عليه ويباوعلي نضرات غريبه للحظه حسيته يريد يأذيني بس مااعرف ليش ..گتله لازم نحجي بالاول ..وهو ينزعني گال لا ..هجم عليه مثل الوحش حاولت اتجاوب ويا مكدرت اذاني هوايه ميسمع ندائاتي من اكوله دتأذيني بده يضغط ع كل مكان بجسمي ويألمني تسائلت معقوله هيج مشتاقلي شبي ليش هيج صرخت بوجهه كوم عني شبيك تخبلت بسام بسام ماسمع الي كمل حاجته وضربني حييل ع وجهي وگام ظل يدفر بيه واني عريانه اريد احجي اريد افهم منه شي ماكو ..بده يحجي حجي اني ممسويته مااعرف بالضبط شنو موصلين الـه كلام ..بس هو مااسمع مني ولا حرف ..ضربني بقسوه لحد الاغماء گتله لاتظلمني ماسويت شي اني ..طلع بره
بسام :كل شويه اريد اخذ المسدس اقتلهه مكدرت روان مموجوده مسافره وي امها ..
طلعت افتر وامشي اريد اهدأ مكدرت /.
رجعت للغرفه ..شفتهه نايمه ع السرير ومتغطيه بالشرشف..كعدت كبالهه ع كرسي وبديت اشكل الكاتم للمسدس..تقربت باتجاهه ..خليت المسدس براسها ..گالت سويهه اقتلني عليش عايشه اني ..اذا متصدگني بقلبك ميحتاج تسمعني وتصدگني سوي الي تريده بيه لهنا وگف كلشي مااريد اعيش بعد...عفتها وطلعت ..رحت نمت بالصاله ع القنفه...نمت ورحت بعالم الاحلام شفت نفسي بمقبرة النجف .. وجن اخوي مصطفى كعد وكام من قبره ونكت التراب وظل يحاجيني..ولك بسام كافي ارجع لعقلك كافي انتقام كافي اذيه ..للعالم وخاصة..الي تحبهم ..كعدت مرعوب صار 3سنوات من مات اخويه مااحلمت بي ..كمت ع السريع  شفت مينا لبست ملابسهه وكاعده .. ع الكاع تبجي ..سحبتها قوي وجان الوقت صبح الليل مخلص ..شمرتها بالسياره..بدون متحجي اي كلمه طلعت كبل لبيت زوجها وشمرتها ببابهم .طلعت بالسياره اباوعلها بمراياتهه  كعدت يم الباب ومادخلت ولادكته
رحت طلعت افتر بالسياره بشوارع بغداد .
واني اگول يمكن ظلمتها بس ارجع واگول شنو يسوي مصطفى وي طليقها وبعدها اكول شون وصلوا الجهال النجلاء ..مليت واني اتسائل ..رجعت مره ثانيه شفتهه هم كاعده .بالتراب ع الارض ..نزلت عليها وسئلتها بخزر وين توصلين ..كامت من الارض وگالت عندي امانه الك امشي ويايه انطيكياهه .. ركبت بالسياره ..وطلعنه .. وكالت نروح لبيت خالي بديالى .. طلعنا والطريق كله ساكتين ..وصلنا لبيت خالها نزلت من السياره .. كالت انتظر هنا هسه اجي .. اني ..راحت واجت لزمت ايدي وخلت بيهه رام وكالت روح اتمنى مااشوفك بعد ..طبت واني طلعت البغداد ..
فتحت الرام لگيت بي صوري شوصله الهه مدداعرف ..تذكرت هذا الرام جان بالشقه وصار هواي مرايح الهاا لان خاف احد يشوفني ...بدت التساؤلات براسي حاسس اني ظالمهاا ..ولازم اعرف كلشي .. وكف عقلي عن التفكير ..طلعت گبل للبصره بس ماخفت من شي هالمره ابد ..ولامتنكر ولاشي رحت گبل لبيت نجلاء ..طلعت الي طيبه ومحمد شفتهم .. كعدت طيبه بحظني .. وسئلتها ..طيوبه حبيبي تذكرين من كنتو عند ماما مينا گالت اي بابا .گتلهه منو جابكم الهنا ..كالت ماما نجله وخالو جابتنه ..كتلهه منين اخذتكم.كالت من ماما مينا.كتلهه يعني  مااشمرتكم ع الجوارين واخذتكم ماما نجلاء ..كالت لا ابد ..كتلها ماشي ..عفتهم ورحت لبيت اهلي ارتاحيت وفكري يم مينا ليش ظلمتها ليش تسرعت واذيتهه ..وماسمعت الها ..وره كم يوم رجعت لبغداد ..وخابرت ماهر يجيني ..حضرت المسدس وضميته بملابسي.اجه ماهر گتله اكعد ..كعد مااهر اني شون طلعت ؟!
ماهر :ليش هالسؤال ..موتدري روان طلعتك
بسام :اي اعرف شلون ؟!
ماهر :ماادري بعد شون ؟!...
بسام ؛طلعت المسدس وخليته براسه ..تحجي لاافرغه براسك
ماهر :لا بسام ع بختك
بسام :دفرته ونزلته من الكرسي للكاع المسدس بي كاتم ضربت طلقه بالارض خاف هو كال راح احجي ..گتله احجي اسمعك
كال مينا انطت فيديو لروان فروان هددت امها عن طريق اتباع ابوها حتى لاينشر الفيديو اطلقوا سراحك ..وهي صفقه عقدتها روان وي مينا ..كالت الهه مينا خلي

خلي يعيش اهم شي يعيش روان كالتلها خوش انقذه بس انتي تطلعين من بغداد ومترجعين ابد ..من طلعت انت .. مينا خابرتهه روان وكالت الها طلعي منا لاادزلج راسه بكرتونه ...ذيج طلعت وهذا كل الي اعرفه ...بسام :خررب خرب ..هي مخافت ع نفسهه هيج تسوي ..عفته طلعت راسا لبيت طليقها تلثمت واخذت كم واحد ويايه ..طبينه عليهم للبيت سحلته سحل ..وكتله شون وصل الك ابنك ..كال كتلهه ارجعيلي هي رفضت وكالت اني ع ذمة رجل مااريد ارجعلك اخذت منها الطفل بمساعدة خالها وعمها واجت قبل كم يوم تشوف الطفل ورادت تاخذه مقبلت انطي الها ...كتله انطيني الطفل واذا تقربت عليه بعد امسح بيك المنطقه كلهاا ..اخذت منه توفي ورحت الهه لديالى ...اول مافتحت الباب ..انطيته الهه ..اخذته ..گتلهه انت شنو مخفتي ع روحج شون تنطين الفديو لروان ..
مينا :جان خوفي الوحيد هو ان يموتوك
بسام :ويهون عليج انام بحظن غيرج
مينا :اهون عليه من انت جوه التراب .
بسام :ارجعيلي اسسف ظلمتج
مينا :اسفه وسديت الباب بوجهه واخذت توفي وشهكت بجي ..
مرت ايام كلش فرحت بتوفي يمي وامي هم فرحت بي ..
بسام :حقها متسامحني الي سويته بيها موشويه ..مرت ايام كدرت افكك العصابه الي سويناهه ..روان امها عرفت بسواياتهه وحبستهه يمها ..ناديه الي عرفته عنها انو كامشينهه وساحلينهه سحل ومعوقينهه ومتكدر حتى تطلع من البيت .. رفعت قضيه على نجلاء عمود الجهال وكسبتها واخذتهم .

مينا :اندكت الباب فد يوم طلعت شفت بسام ردت اسده گام فتح بيده گال اكو جماعه يردون يشوفوج ..باوعت شفت طيبه وحمودي رحت الهم ..جان يكولي بسام ادخلي للبيت احنا بالشارع ابتسمت اله ..دخلهم الي حظنتهم . يالله شكد مشتاقه الهم كلش حييل وهم يعرفوني هم ..

بسام :عرفت كلشي انگال عنها كذب وحتى طفل ممسقطه لان اصلا ماصار ..عرضت عليها ان اخذهه ونسافر لتركيا واطلع جنسيه لتوفي ..وامها شجعتهه اخذتها ورحنا ع تركيا ..وامها ويانه اني وهي وجهالنه والله رزقنا طفله حلوه ..بيها منه اثنينه ..
مينا :مكدرت ماارجع اله لان قلبي ويا حبيته وسامحته ..بالاضافه الى الاطفال حييل تعلقت بيهم .
بسام :بعد فتره عرفت ان ابو رعد القوا القبض عليه من قبل محكمة النزاهه بسبب تهم فساد والخ...قل نفوذه بل تلاشى وصار امان علينه ان نرجع للعراق ..ام زهراء خسرت بالانتخابات ..وابو زهراء تعذب بمرضه وصار يتمنى يموت ولايصير هيج بي ..رجعنا للعراق وعشنا بوسط اهلي رجعت لدوامي ومينا تعويض الها فتحت الها مختبر للتحليلات تشتغل بي ..ومانسيت اخواني ابد دوم ازورهم ..ام مينا عاشت ويانه وصارو هي وامي صديقات ...ربينا اطفالنا سوه ولا كانوا فرق بينهم ..وكل يوم يزيد الحب بينه عرفت ان مينا طيبه ماكو شي انانيه بيها تحب الخير للكل ...وربت اطفالي احسن تربيه ..
وفي النهايه ..تحيه لكل شهداء العراق وضحايا النزاعات العشائريه ..واللعنه على عصابات القتل من التابعين للاحزاب الااسلاميه التي تتستر بالدين وتجعله غطاء لافعالها الاجراميه والدين منهم براء ..لكل ظالم يوم والكم يوم ...ملاحظه بعض الاحداث التي في القصه حقيقيه 100%
مزجتها بخيالي وطلعت منها قصه ....
تحياتي الكم وقبلاتي 😘
انتهت .....