تائه في الانتقام

/11/

#اراد–قتلي *الجزء الحادي عشر*
بقلم نورا ησяα(غدرني الزمن
بيج وكروب قصص ليل وعشگ
مينا :قضيت اوقات عصيبه يمهم حييل مكان ممتعوده عليه ابد ..الجهال وكحين ومااكدر عليهم واحس ام بسام تسجلي كلشي يم بسام ..الليل ماانامه افكر بتوفي ..صارلي 10ايام مشايفته ياتره هسه يبجي عليه او مشتاقلي يفقدني..اكيد يفقدني بس ميحجي لان طفل ياربي فرجهه عليه ياربي اجمعني ويا اهلي مره ثانيه . بعد مرور اسبوع اني يمهم ..اجه ابوهم جان بالعمره سووله استقبال وذبحو اله جوه رجله ذبايح وناس وخطار اشكاال الوان اجو خواته المتزوجات جانن خمسه ونسوان اخو والبيت انكلب كله ناس بيتهم كبير كلش ..اني متعجبه هالكد عدهم اقارب وبدو يسولفون ويضحكون اني من بعيد اباوعلهم بس اهتم بطيبه ومحمد...خلص اليوم يردون يروحون شفت ام بسام لازمه مره لابسه اسود وتحاجيهه
يمه نسيتي عماد يايمه ناتفه حواجبج نتف يمه هذا ابو گلب الجبير ابو بنياتج يمه تنسيتي هجي بسرعه ...ذيج تكللها عمه شمسويه انه شو سنويته الثالثه الاسبوع الجاي ياعمه يله اروح انه الله وياج ..
ام بسام لزمتها من ايدهه وكلتلهه خلي البنات يمي ..گلتلهه ذيج اي خليهم انه اروح لاهلي
وبقت يمنه زينب اختهم عروسه جديده  .وبعد بنات اثنين بنات المره الي حاجتهه ..الحجيه لسه ممتعرفه عليهم اني.خلص اليوم رحت اودي حمودي للحمام اغسله شفت ابوهم بالممر يريد يفوت للحمام بقيت شايله حمودي وصافنه بوجهه ..هو گلي هله يبا منو انتي ...اني شجاوبه وبصفتي شنو موجوده هنا انقهرت حييل مو المفروض اربي ابني بدل مااربي اولاد شخص اذاني واعتدى عليه
بهاللحظه اجه سعد ..گله يابه هذه مينا جابهه بسام للجهال تربيهم وتدير بالهه عليهم

مينا :ابو بسام باوع الي نضرات غريبه وگال هله بيج بنيتي گتله مشكور عمو .. وطب للغرفه هو وسعد 
سعد :طبينه انه والوالد للغرفه ..
ابو بسام :هذا اخوك شبي تخبل صار العقله شي ..بدل لا يتزوج يجيب مربيه وين عايشين احنه ..خابرله گله يجي ضروري
شنو ماكو غيرها مرته يعني بعد ماعافته هيج يسوي ...

سعد :ان شاءالله يابه اخابرله واحاجي ..بس تره البنيه صارلهه اسبوع يمنه ماشفنه عليهه شي مو زين لاتهتم انت ...

ابو بسام :ادري صارلهه اسبوع ..زين غير نعرفها بت ناس بت اوادم لاتروح تسويلنه سالفه ..هو شون امن منهه ...

سعد :هدي يابه ان شاءالله يجي واتفاهم وياا ..
طلعت من غرفة ابويه شفت مينا بالهول جوه ونازعه حجابهه مخليته ع كتفهه ..بديت اسوي احم احم ولا كانها تعرف الحجاب ابد كله شامرته ..

مينا :نومت محمد وطلعت رحت للهول اباوع بيتهم جبير كلش جبير واثاث ومرتب ترتيب بشكل حلو ليش بسام يشتغل بالحمايه والتعب وهم خير الله كله عدهم ..بقيت اتسائل ..وصلت لصور شباب اثنين وين مااروح اشوف صورهم ..وعليهم علامات حداد ..بقيت اباوع عليهم ...طلع سعد وصار يسوي احم احم بقيت صافنه شبي تالي اشرلي حركه ع راسه فهمت انو يكلي لبسي الحجاب ...لبسته وابتسمت اله وبقه شعري طالع شويه ومكفش ..اويلي ع السشوار اخخ وشامبو الكيراتين بقه هناك اوي ..
سعد :ليش صافنه ع الصور ...
مينا :منو هم ؟
سعد :هذول اخواني ماتو قتل انقتلو...