فقراء لم يخلقوا للحب

/11/

#فقراء_لم_يخلقوا_للحب_
ل: #روز_الفياض_
ج١١
جواد وجهه ظل ينطي الوان.
رنا:شمتفقين؟
جواد:مو شغلج.
ام محمد:لا كللها كللها شنو خايف على زعلها؟
رنا:انتي مالج علاقه انه اجي ويه رجلي لاتدخلين.
طلع جواد وصاح على مرته حتى يوصلها هي وولدها لبيتهم.
بقيت الوب بمكاني شمتفقين ذوله من وراي.
رنا:خاله شمتفقين جواد ومرته؟
ام جواد:والله ياخاله علمي علمج كل شي مااعرف شتشوفينه انتي يحجي يمنه لو يلكينه وجهه.
بس انه كتلج اكيد هي شرطت عليه شروط حتى تقبل يتزوج عليها.
رنا:اي يعني شروط مثل شنو تتوقعين.
ام جواد:ماادري.
نجوى:اتوقع شارطه عليه مايسوي جهال منج ماتريد جهالج يشاركونها هي وجهالها بالورث.
رنا:لا لا مو هذا الحجي لو مشترطه عليه بدون جهال جان مااكل راسي من اتزوجنه لليوم عالولد والولد.
بس ياورث؟
نجوى:عنده بيتين.
رنا:هاا اي اعرف بيهن.
تأخر جواد على مارجع ورجع شايط.
جنت متمدده بغرفتي فوك وسمعت هوسه وصياح نزلت عالسريع شفته مستلم سلوى دك كتل.
جواد:شموصيجن انه هاا شموصيجن؟
وهي تحلف وتتوسل:
والله ماحجيت شي والله العظيم ماحجيت اسأل رنا.
انه واكفه عالدرج اخاف اتدخل لان حامل وهو ماعنده تفاهم ويه خواته اخاف تلوحني ضربه.
دار علي وزمخ:
مو كتلج لاتحجييين؟
رنا:شحجيت؟ماحجيت شي؟
جواد:الجلبه الحجت بيجن اليوم اذبحها ياهي كولن بسرعه.
وكل شويه وضرب سلوى ماانطاني كلبي نزلت واجر بيها من ايده.
جواد:عوفيها خل أدبها عوفيها.
رنا:عوفها جواد عوفها موتتها ماسوت شي ماحجت.
امه تبجي وخواته يبجن وخايفات وهو ماخذنه بالصياح.
دار علي لزمني من ايدي حيل كلي:
ولج توني موصيج لاتحجين ترحين انتي وهالجلبه تحطن الحجايه بحلكها.
رنا:ياحجايه الحطيناها بحلكها؟ماحجينه شي ولاجبنه طاري الحمل شبيك اتخبلت.
بعدين خل تعرف شنو هو سر لو خايفين منها؟
نجوى:اي مو متفقين ماتريده يخلف بعد جهال من غيرها.
هو سمع نجوى حجت وهو كطعها من الكتل انه وامه وروئ وسلوى ندفعه بعيد عنها ويرجع يهجم عليها.
اخر شي دفعني وكعت بعدني ماكمت وكعت امه واتكومت فوكي.
كوه كمنه ورجعنه انه اسحبه وامه تدفعه عن بناتها.
الى ان تل ايده مني حيل ودفعني هالمره عالدرج حسيت ظهري عبالك انكسر ظليت مختنكه لااكدر اتنفس ولا اكدر احجي اريد اصيح عليهم حتى ينتبهولي ماكدرت حسيت راح اموت بمكاني مااكدر اجر نفس.
سلوى انتبهت علي وصرخت:
طاحت طاحت اتعورت ولكم.
اجوا علي حاجوني ماكدرت احجي الى ان كوموني ودخلوني لغرفة امه خلوني عالفراش غسلوا وجهي وشربوني شويه ماي يالله حسيت بروحي اتنفست.
جواد:اتعورتي؟
ام جواد:الله واكبر عليك ياجواد انت وذيج الجلبه يوميه لاعبين بينه طوبه الله يلعب بيكم.
جواد:من عمايلج انتي وبناتج.
ظلوا هي تحجي وتدعي عليه وهو يرد عليها طلعت روحي منهم ردت اكوم اصعد لغرفتي كام هو لزمني وخرت ايده ودفعته كتله:
اياك تدنه يمي بعد.
جواد:هاا شبيج؟قابل انه متعمد ادفعج؟كم مره كتلج وخري ماتسمعين الحجي.
رنا: وخر جواد رحم لابوك، هو مو صوجك صوجي انه.
كوه صعدت لغرفتي ظهري عبالك مكسور على ما وصلت لجربايتي متت من الوجع.
كعدت عالجربايه وظليت ابجي على قسمتي السوده.
وره شويه ظلت بطني تأذيني حيل صحت على جواد ماسمعني ملتهي جوه يدردم.
ردت اكوم انزل ماكدرت نزلت من الجربايه للكاع وزحفت لباب الغرفه وظليت اصيح على امه وابجي.
رنا:خاله.. خاااله..
صعدت امه شافتني كاعده بالكاع وابجي كالت:
ها سلامات؟بعدج موجوعه؟
رنا:لحكيني خاله راح اموت بطني.
ام جواد:يااا راح الولد مصيبه صابتك ياجواد.
نزلت تركض صاحت لجواد.
جواد اتخبل يخاف عالولد ظل بس يركض منا ومنا مايعرف شيسوي.
ام جواد:نزلها جوه خل البس عباتي وموديها للمستشفى.
جواد:لاتبجين لاتبجين هسه اخذج للمستشفى.
نزلني جوه وصعد يلبس وامه راح تلبس عبايتها انه طلبت التليفون من خواته دكيت على امي كتلها تعاي.
على ماوصلنه للمستشفى فضت بدمي صار عندي نزف قوي.
بالمستشفى دخلوني للطوارئ وفحصتني الدكتوره وسولي سونار كالوا خلص بعد ماينفع الطفل نزل.
مااتذكر انقهرت لو ضجت عليه لان جنت كارههه جيته وكارههه اي شي يربطني بجواد جنت حاسته ورطه..
حسيت ارتاحيت هم وانزاح.. بس بقى ظهري موتني.
بالاشعه طلع مابي شي بس الدكتور كال رض قوي لازم راحه وكمادات بارده وممنوع التمريخ والتفريج لان الالم يزيد صح راح يطول الالم يالله يروح بس مابي خطوره واهم شي الفقرات سليمه.
جواد واكف بره وامه يمي.
اجت ورانه امي هي وابوي وظلت تحجي على جواد وعلى امه وتدردم.
ظلت كاعده يمي على ما خلص جاب جواد الادويه وخلصنه كل شي واجه حتى ياخذنه للبيت.
دخل ضايج وكل شويه وكال:
كتلج لاتحجين لحدما يثبت هسه راح الولد.
متت منه ومن ملحته كلت لامي:
ابوي وين خل يجي يكومني حتى ارجع وياكم للبيت.
جواد:لا ليش ترحين وياهم نروح لبيتنه احسن.
رنا:لا مااروح وياك لاي مكان بعد ولاتجي وراي لهناك من هسه اكلك.
جواد:اها قابل انه متعمد دفعتج واصلا كتلجن لاتحجن بس ماسمعتن الحجي.
رنا:مو احنه الحجينه ابنك الزغير اجه يمنه يتجسس علينه وينقل الاخبار لامه.
ومنو شنو انت خايف؟ليش هلكد خايف منها بس اريد افتهم؟
جواد:مااخاف انه من احد ماخايف ياهو كلج خايف.
رنا:واتفاقيش المتفقين عليه شارطه عليك تتزوج بدون جهال؟
جواد:مو كيفها انه بكيفي انه مااريد جهال.
امي:من شوكت ماتريد جهال؟ مو جنت ماكل راسها عالولد مو توك تكول موصيها ماتحجي لحدما يثبت يالله شو ماعرفنالك؟
جواد:اي بعدين غيرت رأيي مااريد جهال.
رنا:الحمدلله وانه هم ماميته عليك ولااريد جهال منك همزين اجت منك طلكني والله ومحمد وعلي وياك.
جواد:مااطلك شنو اطلك النسوان يوميه تنكتل بس انتي من دفعه مامقصوده تردين تطلكين؟
رنا:مااريدك بعد هي كوه طلكني جواد وفكني.
ظل يدردم ويحجي مااطلك ومااطلك بقيت انه مصره على كلامي وهو مره يدردم مره يتوسل.
المهم ماقبلت ارجع وياه لبيتهم رحت ويه اهلي رجعت لبيتنه.
نمت بغرفتي بفراشي حسيت اول ليلة انام بيها مرتاحه وتغمض عيني بدون تفكير رغم الم ظهري بس نمت براحه.
ثاني يوم من الصبح اجه جواد.
اجه جنت نايمه دخل لغرفتي وسد الباب كعدت شفته كلت بكلبي:
اهوو شلون شوفه من الصبح اعوذ بالله.
جواد:رناوي حبيبتي كعدي صح النوم.
كتله بكلبي نامت عليك طابوكه كون.
ظلت ساعه يتوسل حتى ارجع بس جنت حاسه هاي فرصتي اخلص منه ومن مشاكله هو واهله وجو الخنكه والكآبه العايشين بي واخلص من مرته واصلا مادام وصل الموضوع لاتفقات ولهدرجه يخاف منها لو يموت ماارجعله بس يمي مسوي نفسه عنتر ابن شداد.
المصيبه ماعنده كرامه كلما اكله لا يلزك اكثر.
ظل يوميه رايح جاي يتوسل لدرجة مره وانه متمدده علمود ظهري دنك على رجلي وباسها.
رنا:جواد كافي لعبت نفسي تره شويه خليني احترمك شخصيتك وين بس اريد افتهم مااريد تتوسل بيه ولاتبوس رجلي مااريدك تذل نفسك اكثر لان من تسوي هيج اكرهك اكثر.
شنو من رجال انت ماتفهمني؟
جواد:احبج والله احبج.
رنا:لا ماتحبني وانه هم مااحبك ومامجبوره اتحملك واتحمل مرتك مدام ماتكدر عليها اذن مااريدك.
جواد:لا والله احبج بس مو مااكدر عليها لا والله بس المشكله انه مسجل بيت بأسمها وخاف ازعلها وتطلب الطلاك وتاخذ البيت.
رنا:وانه شكو؟مشكلتك هاي خوما تريدني اتحملها العمر كله والله خاف تزعل وتطلب الطلاك وتاخذ البيت؟
جواد:لا انتي رجعي وانه بعد مااخليها تجي لبيته تبقى ابيتها هي بحالها وانتي بحالج.
رنا:لا والله مااكدر تريدني طلكها.
جواد:اكلج تاخذ البيت.
رنا:والله مو شغلي.
جنت ادري بجواد مايكدر يطلكها لذلك جلبت بهالشرط.
ظل يوميه جاي لاهو يقبل يطلكها خاف تاخذ منه بيت ولاهو يقبل يطلكني وبقينه جرجره وهوسه.
امي وابوي جانوا موافقين على طلاكي ويردوني اتطلك حتى ارجع لوظيفتي وارجع اشيل الحمل والمسؤوليه عنهم واتكفل بمصاريف البيت.
شكد اكره جواد ومااطيقه وجنت ماعندي استعداد ارجعله لو شما يسوي حتى لو يسجل بيت ثاني بأسمي ويطلك مرته.
بس جنت اتمنى اسمع من اهلي كلمة (حافظي على بيتج ورجلج) حتى لو بالجذب يكولونها بس ردت احس بخوفهم على حياتي ومصلحتي بس مع الاسف ماكو هيج شي وماعدهم كلمه طيبه لو كلمة مواساة الماده عاميه عيونهم.
ظلينه على هالحال اشهر خلال هالفتره جواد بطل ظل مايجي وانه ظليت افكر ارجع لوظيفتي شسوي كاعده بالبيت.
اخذتلي يومين افكر بالموضوع متردده اروح لدائرتي واشوف استاذ بشار واحجي وياه واكله اريد ارجع لوظيفتي لو خاف يفشلني ويطلع ناسي سالفة استقالتي اللي وقفها وماوافق عليها وخلاها بالدرج؟
والله حيره بياعين اروح اكله رجعني لوظيفتي؟
اروح لو مااروح ؟...
اروح لو مااروح؟..
بعدين قررت اروح واشوف الوضع شنو احسن مااتردد واخسر وظيفتي ومنصبي يجوز بعده عد كلامه..
بس مااعتقد راح اتمتع بنفس المميزات مال قبل لان قبل جان استاذ بشار معجب بيه ويريد يتزوجني بس هسه اختلف الوضع.
عموما مو مهم المهم وظيفه وراتب احسن مااحتاج للناس.
كعدت الصبح لبست وكشخت واخذت تكسي ورحت للدائره.
بس جنت اقدم رجل وأخر رجل رايحه ومتردده وخايف.
وصلت كلت لروحي اتوكلي على الله وفوتي شيريد يصير يعني مايرجعونج سكرتيره مو مشكله ضمني راتبج هسه وبعدين عود فكري بالمنصب.

دخلت وسلمت على الموظفين والموظفات هواي شغلات متغيره خلال السنه اللي غبتها عن الدائره.
كعدت شويه يم البنات بعدين سألت عن استاذ بشار كالوا موجود بمكتبه.
رحت للسكرتاريه دخلت ردت اشوف منو الموظفه اللي خلوها سكرتيره بمكاني.
مديت راسي بالغرفه مالكيت احد..
المكتب فارغ..
دخلت وكعدت عالكرسي انتظر لان اكيد السكرتيره لو بالحمام لو يم استاذ بشار بمكتبه..
انتظرت هواي يمكن نص ساعه ومااجت ظجت ومليت.
فكرت ادك الباب على استاذ بشار وادخل لمكتبه بس كلت عيب زحمه وماصخه حيل هسه انه على اعتبار غريبه صار سنه مختفيه مايصير اتصرف بميانه يجوز مايرحب بوجودي اصلا.
اي رنا اكعدي وحفضي كرامتج تره اتبعثرت بمافيه الكفايه.
كلت خل انتظر بعد ربع ساعه اذا ماكو اروح ارجع للبيت واجي باجر او اي يوم ثاني وان شاءالله اكدر اقابل المدير.
انتظرت ربع ساعه ثانيع وهم ماكو شي خليت وكمت طلعت روحي من الانتظار مشيت خطوتين باتجاه الباب حتى اطلع وانفتح باب استاذ بشار وراي..
سمعت صوت ولد صاح وراي:
نعم؟
اتفضلي..
يبست بمكاني الصوت اعرفه جسمي قشعر كله عبالك بي كهرباء..
بقيت واكفه متنحطه خفت التفت واشوفه وانصدم..
شلون اذا طلع هو؟؟