دخلو المطعم هما الاربعه وكان شكلهم حلو اوي وبعدين قعدوا علي طربيزه
غاده / المكان تحفه اوي
هنا / اي خدعه
غاده / شكرا يا حب
ملك / تييييرارار
نور / الحب ولع في الدره
هنا / انهارده بقا اطلبوا الي انتو عايزنه
غاده / طول عمرك جدع يا Boss
ملك / علشان بس تعرفوا انا بحبها ليه
نور / والله العظيم انا بحبك
هنا / اه يا جزم كل دا علشان الاكل
غاده / لا طبعا
نور / عيب عليكي
ملك / انتي تعرفي عننا كدا
هنا / دا انا اعرف كدا وكدا واهل كدا كلهم
طلبوا الغدا وبعد الغدا راحوا يتمشو في المول
ملك / طيب انا هروح اشتري حاجه من محل هناك
نور / طيب انا هاجي معاكي
غاده / اوك بس متتاخروش
هنا / طيب احنا هنستناكوا هنا
بعد ما مشيوا
غاده / نونو بقولك ايه تعالي نشتري ايس كريم
هنا / ماشي يلا
في مكان تاني
سيف / بقولكوا ايه انا هروح اتفرج على شويه حاجات واجي
فارس / طيب انا هاجي معاك عايزه اشتري جزمه جديده
سامر / طيب روحوا انتوا احنا هنستناكوا في الكافتيريا
حازم / متتاخروش
بعد ما مشيوا
سامر / طيب يلا احنا ولا ايه
حازم / يلا
وهما ماشين حازم خبط في واحده
حازم / مش تفتحي
هنا / انا بردوا الي افتح ايه قله الذوق دي
حازم / انا بردوا الي قليل الذوق وانتي ايه بقا
هنا / نهارك ازرق قصدك ايه يا حيوان
حازم / مين دا الي حيوان يا مجنونه
غاده / خلاص محصلش حاجه يا استاذ
هنا / محصلش حاجه ايه انتي مش شايفه قله الادب
غاده / خلاص علشان خاطري اهدي كدا
سامر / خلاص يا حازم وبعدين بص لغاده خلاص يا انسه مش انسه بردوا
غاده بصت له من فوق لتحت وبعدين شدت هنا ومشيو
هنا / شدتني ليه كنت عايزه اربيه
غاده / انتي مش كل ما تروحي مكان تتخانقي مع حد
هنا / والله انا بردو الي رحنا بسببها القسم مرا علشان ضربت واحد علشان عاكسها ولولا جدك كان زمنا مسجونين دلوقتي
غاده / انا كنت في حاله دفاع عن النفس
هنا / طيب يا ختي
غاده / يلا عايزه اجيب ايس كريم
هنا ابتسمت / يلا يا مجنونه
في مكان تاني
نور / انا عايزه افهم انتي جيبنا هنا ليه
ملك / عايزه اشتري هديه لبابا انتي عارفه عيدميلاده بكرا
نور / طيب هتجيبي ايه
ملك / بفكر اجيب ساعه او برفان
نور / طيب تعالي نتفرج علي الاتنين
ملك / لا خلاص هو في برفان بيحبه هجيبه
نور / ماشي
اشتروا البرفان وبعدين رجعوا ليهم وخلص اليوم علي كدا
تاني يوم ( يوم الجمعه )
هنا / انتي فين يا بت
غاده / انا في الجيم
هنا / بتعملي ايه هناك
غاده / هكون بعمل ايه عندي تمرين
هنا / طيب قدامك قد ايه
غاده / ربع ساعة كدا
هنا / طيب احنا في الكافيه الي في النادي خلصي وتعالي
غاده / اشطا يا Boss سلام
هنا / سلام
خلصت تمرين و انا خارجه شفت الواد بتاع امبارح عملت نفسي مش شايفه بس هو شافني
سامر / يا انسه
انا كملت عادي وكاني مش واخده بالي وبعدين لقيته واقف قدامي
سامر / هو انا مش بكلمك
غاده باستغراب / حضرتك تعرفني
سامر / انتي مش فاكرني
غاده / لا مش فاكرة وبعد ازنك علشان مشغوله
سامر / احنا اتقابلنا امبارح لما صاحبتك اتخانقت مع صاحبي
غاده / اه طيب
سامر / ايه مش هنتعرف
غاده بعصبيه / بص يا استاذ انا مش فاضيه للكلام دا عن ازنك
وسابته ومشيت
سامر / مجنونه بس عسل اوي
مشيت وبعدين راحت تدور عليهم وبعدين لقتهم
غاده وهي يتعقد / اوووووف
ملك / مالك يا مزتي
غاده / بني آدم رخم
هنا وهي بتبص ليها / هو مين دا
غاده / الواد بتاع امبارح
هنا / مين فيهم
غاده / صاحب الواد الي كنتي بتتخانقي معاه
هنا / اه الي قالك خلاص يا انسه مش انسه بردوا
غاده / ايوه هو
نور / مين دا وبعدين هو ايه الي حصل امبارح
هنا / هحكيلك.............
ملك / واضح انه معجب بيكي يا مزتي
غاده / دا انا مشيت بالعافيه قال ايه عايز يتعرف
هنا بضحك / شكله معجب بيكي فعلا
غاده / لا مش معجب ولا حاجه هو بس عايز يتسلي
نور / يمكن
ملك / عاملتي ايه في التمرين
غاده / عادي زي كل مره اطلبولي حاجه بقا علشان جعانة وتعبانه
هنا / طيب
فطروا وبعدين مشيوا
