ملك ونور قروا انه هيخرجوا يتفسحوا وبعدين تاني يوم هيروحوا عند جدهم
بليل
بعد ما الكل نام استحبت وخبطتت علي الاوضه الي جنبها
هنا / ها لسا في حد صاحي
غاده / لا مفيش حد صاحي
هنا /طيب يلا علي اوضه زياد
غاده / يلا
راحوا علي اوضه زياد وخبطوا براحه وبعدين هو فتحلهم
زياد / ادخلوا بسرعه
بعد ما دخلوا قعدوا كلهم
غاده / يلا بقا يا زيزو احكلنا عملت ايه في السفريه
زياد / كانت طويله اوي بس جميله جدا
هنا / طبعا هتكون جميله مش بتاخد الماجستير من المانيا غاده / اه ايه رايك في المانيا حلوه
زياد / حلو جدا انا عمري ما شفت بلد حلوه كدا انشاءالله هبقا اخدكوا ونسافر مع بعض المهم بقا احكولي موضوع سامر دا من اوله لاخره
هنا / مفيش البدايه كانت في المول
وقعدت تحكيلوا لحد يوم المسابقه
زياد / بس احنا لازم نتاكد انه بيحبها بجد
غاده / في ايه يا جدعان هو اي واحد يظهر في حياتي يبقا بيحبني احنا في زمن مفيش فيه حب كله طمعان في التاني وكل واحد عايز مصلحته بس مش بيهمه حد تاني غير نفسه
هنا / في ايه يا غاده انسي الي عامله احمد زمان فيكي واهو ربنا اداله جزاءه
غاده ببكاء/ انتي عارفه يعني ايه ان واحد يمثل علي واحده انه بيحبها وبعدين تكتشف انه انسان زباله وبيمثل عليها ويخطفها علشان توافق يتجوزها ولولا بابا انقذني كان زماني مت انتي عارفه يعني ايه واحد يموت قدام عينك وانتي لسا عندك 18 سنه انا عشت معانه يا هنا مفيش حد يقدر يفهمني
هنا حضنتها جامد / غاده انسي يا غاده اكيد ربنا هيعوضك خير عن كل الي حصل ومش يمكن يكون سامر دا خير ليكي فعلا فكري وصلي استخارة وشوفي
زياده / يا حبيبتي يمكن ربنا عمل كدا علشان يختبرك و اكيد مش كل الناس زباله زي الحيوان دا اكيد في ناس كويسه وبعدين كل الناس القريبين منك بيحبوكي جدا بابا وعمامي كله وجدو وانا وهنا وملك ونور فكري كويس يا حبيبتي
غاده مسحت دموعها/ طيب هفكر انا هنزل اجيب حاجات ناكلها
هنا / استني هاجي معاكي وانت شغلنا فليم الاكشن كدا عقبال ما نيجي
زياد / اشطا
جابوا الاكل واتفرجوا علي الفيلم وبعدين ناموا
تاني يوم
سليم/ هي غاده لسا ماصحيتش
الداده/ طلعت من شويه اصحيها قالتلي هتغير هدومها وتنزل
سالم / اول مره تعملها يعني علي طول بيتصحي اول واحده في البيت
هنا/ اصلنا سهرنا شويه امبارح يا جدو
سالم/ اه قولتيلي
زياد / اصلنا بقالنا كتير يا جدو ماسهرناش مع بعض
غاده/ صباح الخير
الجميع/ صباح النور
غاده/ داده اعمليلي النسكافيه بتاعي لو سمحتي
الداده / حاضر يا حبيبتي
هنا بهمس/ مالك يا ديده
غاده/ مفيش يا حبيبتي انا تمام بس ما نمتش كويس
هنا / اه علشان كدا
زياد/ انا جاي معاكوا انهارده الشركه
غاده / تنور يا زيوز
بعد ما فطروا ركبوا عربيه غاده وراحوا علي الشركه
صفاء/ صباح الخير يا باشمهندسه غاده
غاده / صباح النور يا صفاء في حد سأل عليا
صفاء / لا بس استاذ سامر جوا من بدري مستني حضرتك
غاده / وانتي ازاي تدخلي حد مكتبي كدا من غير ما اكون موجوده
صفاء / انا اسفه يا باشمهندسه بس هو كان مصمم يقعد يستناكي
غاده / ماشي يا صفاء حسابي معاكي بعدين
دخلت غاده المكتب
غاده / صباح الخير يا استاذ سامر
سامر / صباح النور
غاده قعدت كرسيها / خير يا استاذ سامر سمعت انك مستني من بدري خير
سامر / انا جاي علشان حاجه واحده وهمشي علي طول
غاده باستغراب / حاجه حاجه ايه دي
سامر / مين يا استاذه اللي كنتي بتحضنيه امبارح في النادي دا
غاده / افندم يعني حضرتك جاي الشركه من الصبح ومستني علشان السؤال دا و بعدين انت مالك انت مين علشان تسالني سؤال زي دا
سامر / غاده متعصبنيش و ردي علي سؤالي
غاده / انت مالكش الحق انك تسالني السؤال دا
سامر / وانا مش همشي من هنا غير لما اعرف
غاده ببرود/ خلاص خليك قاعده
قعدت تشتغل عادي كأن مفيش حد موجود وبعدين لقت زياد وهنا داخلين المكتب
هنا / صباح الخير ازيك يا استاذ سامر
سامر / الحمدالله يا باشمهندسه وانتي
هنا / انا الحمدلله اعرفك زياد اخويا زياد استاذ سامر شريك في شركه hsfs
زياد / اه اهلا وسهلا
سامر بغيره لانه يعلم انه نفس الشخص الذي كانت تحضنه / اهلا وسهلا
هنا / مش تقولي يا غاده ان استاذ سامر هنا
غاده / انا لسا داخله مش شويه ملحقتش يعني
سامر / وحضرتك بقي بتشتغل معاهم هنا
زياد / اه بس سافرت كدا من مده المانيا ولسا راجع امبارح
سامر وهو ينظر لغاده/ اه علشان كدا بس واضح ان باشمهندسه غاده بتعزك اوي
زياد فهم غيرته / اه طبعا مش اختي
سامر بستغراب / اختك !!!
زياد / اه اختي في الرضاعه
سامر بابتسامه / بجد طيب انا لازم امشي علشان عندي شغل مهم
زياد / اتفضل
بعد ما مشي
هنا / هو كان جاي ليه
غاده / كان بيسالني عن زياد
زياد / ازاي يعني
غاده / شافنا امبارح مع بعض في النادي وكان جاي يعرف انت مين وتقربلي ايه
هنا / شفتي انا كان عندي حق لما بقولك بيحبك
زياد بضحك/ اه اول ما شافني حاسيت انه عايز يقوم يضربني بس لما عرف انك اختي ابتسم وكان ناقص يقوم ياخدني بالحضن
غاده / انتوا كنتوا جايين ليه اصلا
هنا / انا عرفت ان سامر هنا قولت اجيب زياد يشوفه
زياد / اه كويس وباين عليه بيحبك اوي
غاده /طيب ممكن تسبوني بقا اكمل شغل
هنا / ماشي نبقي نتكلم بعدين
تفتكروا ايه اللي هيحصل بعدين
