بعد اسبوع في بيت نور
هنا / ملك اطلعي شوفي نور خلصت و لا لا عبقال ما اتاكد ان كل حاجه جهزت
غاده / و انا هطلع اتاكد ان التجهيزات برا خلصت
هدي / والله يا بنات انا مش عارفه من غيركوا كنت عملت ايه
ملك / جرا ايه يا طنط نور اختنا الكبيره
هنا / بس متقوليش كبيره علي اساس انها اكبر منك بعشر سنين
غاده / يلا يا جماعه باقي ساعه و الناس تيجي
ملك / يلا هطلع اتاكد خلصت ميك اب و لا لسا و بعدين نطلع نلبس بسرعه
اتاكدوا من كل حاجه و طلعوا لبسوا
بعدين نزلوا كان في ناس كتير
و غاده واقفه في الجنينه بتتاكد ان كل حاجه تمام
سامر / مساء الخير
غاده / مساء النور
سامر مسك ايديها / ايه القمر دا وحشتيني
غاده بخجل / و انت كمان
سامر / بقالي اسبوع مسمعتش صوتك ولا شوفتك حتي يكشي الانسه هنا تكون مبسوطه
غاده ضحكت
هنا / اهلا اهلا استاذ سامر
سامر / اهلا و سهلا يا انسه هنا
هنا / ازيك
سامر / الحمد لله و انتي
هنا / الحمد لله
سامر / اظن ان انهارده عادي اكلمها براحتي و لا ايه
هنا / لا براحتك انهارده بس يلا هسيبكوا انا بقي
بعد ما مشيت
سامر / قوليلي بقي عملتي ايه الاسبوع دا كله
غاده بتفكير / اممم جبت شويه لبس و اشتريت الفستان دا و جبت حاجات للبيت و حاجات للديكور كدا يعني و كنت بروح الشركه كان عندي شغل كتير علشان بعد كدا هاخد اجازه و انت بقي عملت ايه
سامر / عادي انا كمان كان عندي شغل كتييير اووي و جبت البدله دي وبدله الفرح بس ايه رايك في البدله
غاده / حلوه اووي ذوقك حلو
سامر / انتي اللي قمر
نظرت له بخجل و في هذا الوقت دخل فارس من الباب
ملك / غاده العريس جيه يلا
غاده / ماشي يلا عن ازنك يا سامر هنطلع نجيب العروسه
و فعلا طلعوا هما التلاته و احمد ونزلوا و احمد ماسك نور و ملك و غاده و هنا شايلين الفستان
بعد ما نزلوا
احمد / مبروك يا حبيبتي مبروك يا فارس
فارس / الله يبارك في حضرتك يا عمي
نور / الله يبارك فيك يا بابا
احمد / علي فكره في مفاجأة علشانك
نور / مفاجأة ايه
فارس / انا و عمي اتفقنا هنكتب الكتاب انهارده
نور / ايه ازاي دا ازاي مش تقولولي
احمد / انتي متضايقه
نور / لا يا بابا مش متضايقه بس كان المفروض تقولولي بس علي العموم انا موافقه
قعدوا و الناس ابتدت تسلم عليهم وتبارك لهم
غاده بهمس لهنا / هو حازم فين
هنا / و انا هعرف منين
غاده / طيب يلا نبارك لهم
هنا / يلا
و راحوا سلموا عليهم و هنا دخل فارس بس مش لوحده و سلم علي فارس و نور و بارك لهم و بعدين
حازم / ازيك يا انسه هنا
هنا / الحمد لله و انت
حازم / الحمد لله
غاده / مش تعرفنا
حازم / الانسه نايا الاسيوطي خطيبتي
ملك / ايه دا بجد انت خطبت امتي ازاي مش تعزمنا
نايا بغرور/ مجتش مناسبه و بعدين احنا لسا معملناش الخطوبه اكيد لما نعملها هنعزمكوا
هنا بيتسامه / الف مبروك يا حازم
غاده / مبروك
ملك / مبروك
سيف / حازم انت اتاخرت ليه عايزين يكتبوا الكتاب ايه دا نايا ازيك
نايا / هاي يا سيف
سيف بهمس لحازم / دي ايه اللي جابها
حازم / نايا بقت خطيبتي
سيف بصدمه / نعم
حازم / زي ما بقولك كدا
نايا / ايه يا سيف مفيش مبروك
سيف ببرود / مبروك يلا علشان هيكتبوا الكتاب
سيف راح لفارس و قاله
فارس / و فيها ايه يا سيف كل واحد و اخياره
سيف / طيب يا فارس نتكلم بعدين بقي يلا علشان كتب الكتاب
احمد لنور و فارس / يلا يا ولاد و لا ايه علشان كتب الكتاب
فارس / اه يلا يا عمي احنا جاهزين
احمد / يبقي علي بركه الله المأذون قاعد في المكتب و معاه مراد يلا
و فعلا كتبوا الكتاب
و فارس حضن نور جامد قدام الناس
فارس / مش مصدق انك بقيتي مراتي خلاص مبروك يا حبيبتي
نور ابتعدت عنه وبخجل / الله يبارك فيك
كان يوما جميل عند البعض و سيئ عند البعض و لكنه انتهي و كل شخص ذهب علي بيته
هنا روحت مع غاده علشان هتبات معاها و ملك فضلت مع نور
في بيت غاده
كل واحد طلع يغير هدومه و نام و غاده غيرت هدومها و راحت علي اوضه هنا و خبطت
هنا / ادخل
غاده / لسا صاحيه ليه
هنا / كنت هنام اهو
غاده / انتي زعلانه
هنا ببتسامه / لا ياحبيبتي مش زعلانه هو اصلا مكنش يعرف مشاعري و هو عنده عذره بردوا هو ميعرفش اني كنت بحبه
غاده / كنت
هنا / اه كنت خلاص كل حاجه خلصت
غاده / يا رب يموت هو و خطيبته انتي تستاهلي حد احسن من كدا
هنا / يلا روحي نامي علشان نروح نشوف الفستان بتاعك و بفكر ناخد عمو مراد و نسافر انا و انتي و هو و ملك و نور و زياد
غاده / فكره حلوه يلا يا حبيبتي تصبحي علي خير
هنا / و انتي من اهل الجنه يا قلبي
خرجت من الاوضه
هنا في داخلها / هو انا فعلا مش زعلانه و لا بضحك عليها و علي نفسي انا تعبت اممم يلا بقي حاولي تنامي علشان هتصحي بكرا بدري
تاني يوم غاده صحيت و راحت تصحي هنا بس ملقتهاش
غاده / هتكون راحت فين دي علي الصبح
راحت تلبس بسرعه علشان تروح تشوفها فين
في مكان تاني في كافيه علي النيل تجلس وحيده مع قهوتها المفضله لها و هي سارحه بعيونها في النيل فهي عندما تشعر بالضيق تأتي هنا لتجلس وحيده
كنت متأكده اني هلقيكي هنا
هنا / متأخرتيش زي عادتك دايما
غاده / وانتي كمان زي ما انتي ممكن افهم بقي بتعملي ايه هنا لوحدك
هنا / عادي يعني كنت مخنوقه شويه فجيت هنا
غاده / هنا متزعليش علي حد باعك هو اختار البت دي يبقي هو اللي يتحمل نتيجه غلطه و انتي ان شاء الله يرزقك اللي احسن منه
هنا / تفتكري
غاده / افتكر و نص يلا بقي تعالي نفطر و نعدي علي العيال علشان اتفرج علي الفساتين
هنا / طيب
فطروا و كلموا ملك و نور و خرجوا كلهم و راحوا اتفرجوا علي محلات فساتين افراح كتير و غاده متردده
غاده / الله بصوا الفستان دا
نور / شكله جميل جدا
ملك / اه فعلا شكله حلو
هنا / ادخلي شوفيه كدا
غاده / ماشي
دخلت لبسته و كان حلو اووووي عليها و فعلا اشترته و مشيوا
في مكان تاني
يجلس يفكر هل ما فعله صحيح ام لا هل من الصحيح ان ينكر حبه لها و يفضل ان يعيش تعيس عمره كله علي ان يعترف بحبه الذي يظن انه ضعف يعيش مع انسانه لم يخطر في باله ابدا تصبح شريكه حياته و يبتعد عن الذي يتمناها قلبه اااااه لقد تعب عقله من كثره التفكير
سيف دخل من غير حتي ما يخبط / ممكن افهم ايه اللي حصل امبارح دا
حازم / انت ازاي تدخل من غير ما تخبط
سيف / مش وقته الكلام دا المهم دلوقتي اللي حصل امبارح دا بجد انت خطبت نايا
حازم ببرود / ايوه
سيف / يعني ايه انت هتتجوز دي دي بت ملزقه انت مش شايف فارس وسامر كل واحد فيهم لما اختار اختار ازاي وانت تيجي تتجوز نايا
حازم بعصبيه / سيف احترم نفسك احسنلك
سيف / ماشي يا حازم اعمل اللي تعمله سلام
نرجع للبنات تاني بعد ما خلصوا كل حاجه راحوا علشان يتغدوا
هنا / احم احم اسمعوا انا قررت قرار
ملك / خير
نور / قررتي ايه
هنا / احنا هنطلع بكرا علي شرم الشيخ
ملك / احنا مين لا مؤاخذه
هنا / العيله كلها
نور / اه انا كنت محتاجه فعلا السفريه دي
هنا / بس طبعا محدش هيعرف احنا مسافرين فين احنا هنبات مع غاده انهارده و بكرا الفجر هنتحرك علي الطياره نقضي يومين و نرجع
غاده / اوفق
ملك / انا كمان
نور / اشطا و انا كمان
هنا / اه صح سامر و فارس ميعرفوش احنا هنسافر فين قولوا اننا هنسافر و امتي لكن فين لا تمام
غاده بهزار / طبعا
نور بهزار / امال
ملك ضحكت / انا كدا ارتحت
نور / بس هما العائله الكريمه هيوافقوا يجوا معانا
هنا / جدوا هيتصرف في كل حاجه و يقنعهم كلهم
اتفقوا علي كل حاجه و كلموا جدهم و وافق
تفتكروا ايه اللي هيحصل بعد كدا و هل حازم هيرجع في كلامه و لا لا دا هنعرفه البارت الجاي
و بعتذر جدا علشان التأخير بس عند امتحانات و اول ما هخصل هكتب تاني
