تاني يوم الساعه 9 الصبح
في شركه السيوفي
غاده / هنا نور مش هتيجي انهارده
هنا / ليه في ايه
غاده / هحكيلك
وحكت لها اللي حصل امبارح
هنا / كل دا و مش تقوليلي يا غاده
غاده / اصل كان ورايا حاجات كتير امبارح انشغلت فيها
هنا / حاجات ايه دي
غاده / امبارح روحنا انا و بابا و سامر اتفرجنا علي الفيلا اللي جنبنا و خلاص تقريبا كل حاجه في جاهزه باقي بس الديكور و الاثاث و بعدين نتجوز
هنا / الف مبروك يا قلبي عبقال الفرح
غاده / الله يبارك فيكي يا قلبي عبقالك
هنا / لا انا لسا بدري اووي
غاده / ماشي ياختي انا كنت زيك كدا
هنا / لا يا حبيبتي انا غير
الباب خبط وبعدين دخلت السكرتيره
ليله / باشمهندسه هنا الباشمهندس حازم برا عايز يقابل حضرتك
هنا / طيب دخليه
غاده / عايز ايه دا
هنا / معرفش
حازم / صباح الخير
هنا و غاده /صباح النور
حازم / ازيكوا
غاده / الحمدلله
هنا / حضرتك طلبت تقابلني
حازم / احم اه انا كنت جاي عايز اعرف اللي حصل امبارح في الموقع اصل مش معقول خشبه هتقع من فوق كدا لوحدها
هنا / قصدك ان ممكن يكون في حد عمل كدا
حازم / اعتقد دا علشان كدا لازم ناخد حظرنا لحد ما نعرف مين اللي عمل كدا وكان قاصد مين
غاده / هو كان ممكن يكون يقصد فارس
حازم / دا احتمال او ممكن تكون تهديد
هنا / قصدك ايه
حازم / حد عايز يقولنا انا قريب منكوا واقدر اعمل كل حاجه
غاده / دا احتمال بردوا بس احنا لازم نتصرف
هنا / اه عندك حق طقم العمال كله يتغير
غاده / حرام يا هنا الناس ملهاش ذنب
هنا / معلش يا غاده انا مش مستغنيه عن حياه حد منكوا ابقي شغليهم في حاجه تانيه وفرقيهم علشان لو حصل كدا تاني نعرف مين اللي عملها
غاده / حاضر
حازم / دا احسن حل يا انسه غاده زي ما انسه هنا قالت
غاده / خلاص
حازم / طيب استأذن انا بقي
هنا / لا طبعا انت مشربتش حاجه
حازم / مره تانيه ان شاء الله عن ازنكوا
و هو لسا بيفتح الباب كانت نور هتخبط
حازم / ازيك يا انسه نور عامله ايه
نور / الحمدلله و حضرتك
حازم / الحمدلله بس ايه اللي جابك كان المفروض تستريحي في البيت
نور / انا لما بسيب الشغل بتعب انا الحمدلله دلوقتي
حازم / طيب الحمدلله عن اذنكوا بقي
بعد كا مشي
هنا / ايه اللي جابك يا بت
نور / يا بت انا معرفش اسيب الشغل يوم
غاده / طيب تعالي يا ختي شكل وراكي حوار
نور / وكبير اووي هنا اطلبي ملك تيجي
غاده / علي اساس ان ملك مش عارفه
نور / بصراحه عارفه بس انا عايزه نفكر مع بعض
هنا / لا شكله موضوع كبير فعلا طيب اصبروا
هكلم ملك....ليله بلغي انسه ملك اني عايزها دلوقتي حالا
ليله / حاضر يا فندم
بعد خمس دقايق
ملك / خير يا Boss عايزني في ايه
هنا /نور عايزنا في موضوع مهم
ملك / موضوع امبارح
نور / اه
غاده / هو في ايه
نور / امبارح حصل
وحكتلهم ايه اللي حصل و عن مشاعرها من ناحية فارس و كلام الممرضه
هنا / اه يا واطيه منك ليها كل دا ومحدش يقولنا
نور / خلاص بقي ما انا جيت اقولكوا اهو
غاده / طيب هنعمل ايه دلوقتي
نور / مش عارفه
هنا / انا عندي حل
ملك / ايه
هنا / انا هخلي حازم الشرقاوي يثبت فارس في الموقع بحجه ان شغله حلو وكدا و انا هخليكي معاه في الموقع دا غير الاجتماعات و الحفلات
ملك / ايوه صح دا غير ان عمي احمد عزمه علي الغدا انهارده
غاده / اه صح يبقي احلي فستان شيك عندك يتلبس و ياسلام بقي لو كان بسيط و هادي
هنا / اه صح دا غير انك متحطيش ميك اب خليكي علي طبيعتك علشان يعرف انك حلوه من غير ميك اب
غاده / و متعقديش معاهم كتير علشان يحس انه عادي بالنسبة لك
نور / تفتكروا هيطلع بيحبني
هنا / نفتكر و نص كمان انتي تتحبي اصلا يلا ربنا معاكي
ملك / امشي انتي دلوقتي علشان تجهزي و نتجمع عند غاده بليل و نبات عندها انهارده
نور / اشطا
غاده / يلا بقي عندنا شغل كتير علشان الحق اجهز القاعده بتاعه بليل
هنا / ايوه عايزين قاعده من بتاعه زمان
غاده / اشطا
