تاني يوم الصبح
كانت نايمه وبعدين موبايلها رن
غاده بنعاس/ الو
سامر / صباح الورد يا قلبي انتي لسا مصحتيش
غاده / لا صحيت اهو صباح النور
سامر / عامله ايه
غاده / الحمدلله وانت
سامر / الحمدلله وحشتيني
غاده ببتسامه / وانت كمان
سامر ببتسامه / عايز اشوفك انهارده
غاده / انا اصلا كنت هكلمك علشان اقولك انكوا معزومين عندي في البيت انهارده علي الغدا
سامر / انكوا مين دول
غاده / قصدي انت و سيف و فارس وحازم كنت هعزمكوا انهارده علشان نخلص الشغل بالمره و عزمت البنات كمان
سامر / طيب يا حبيبي هشوفهم واقولك
غاده / ماشي سلام بقي علشان الشغل
سامر / ماشي يا قلبي سلام
غاده / سلام
قفلت وقامت غيرت هدومها ونزلت لقت مراد وسالم قاعدين مستنينها علشان الفطار
غاده ببتسامه / صباح الورد
سالم / صباح الياسمين يا دودو
مراد / صباح الورد يا حبيبتي
سالم / شكلك رايقه يعني النهارده
غاده / عادي يا جدو
مراد / تلاقي سامر كلمها زي كل يوم مهو محدش بقي يبسطها غيره
غاده ببتسامه / شكل كدا في حد غيران هنا
مراد / وهغير من ايه يعني
غاده / دا انت الحبيب الاول والاخير يا بابا انا اتولدت بحبك
سالم / يا سلام وانا ايه بقي يا انسه
غاده / انت الحب نفسه يا قمر
مراد / ايوه كلي بعقلنا حلاوه
غاده / ياااه انا كنت هنسي
سالم / ايه
غاده / انا عزمت سامر وحازم وسيف وفارس والبنات انهارده علي الغدا يعني علشان نخلص المشروع وكدا
سالم / طيب يا حبيبتي قوليلهم يعملوا اكل ايه علي الغدا
غاده / طيب انا هقوم بقي هقولهم وهمشي
مراد / ماشي يا حبيبتي خدي بالك من نفسك
غاده / حاضر يا حبيبي
قامت من علي السفره بعد ما فطرت
غاده بصوت عالي / يا داده يا داده
فاطمه / ايه يا غاده يا حبيبتي عايزه حاجه
غاده / اه يا داده عندنا عزومه انهارده و عايزهكوا تجهزوا كل حاجه علي الغذا
فاطمه / عايزه ايه اكل
غاده بتفكير/ اعملي محشي ورق عنب علشان هنا بتحبه ومكرونه بشاميل وكفته مشويه علشان نور وملك واعملي رقاق و فراخ مشوية وفراخ بانيه و اعملي بقي بطاطس محمرة واعملي كباب حله و رز و صنيه بطاطس بالصلصله و..
فاطمه / بس بس ايه كل دا كفايه كدا
غاده / خلاص ماشي كفايه كدا يلا بقي سلام
فاطمه / استني هما هيجوا الساعه كام وكام واحد
غاده / علي خمسه بالكتير وعددهم 4 غير البنات و بابا و جدو
فاطمه / ماشي يا حبيبتي
غاده / يلا سلام بقي يا داده
فاطمه / سلام يا حبيبتي
وهي خارجه لقت هنا مستنياها قدام الباب
غاده / صباح الخير يا نوني
هنا / صباح الورد يا دودي
غاده / مقولتليش ليه انك برا
هنا / كنت لسا هتصل لقيتك خرجتي ها هتعملي ايه
غاده / نروح هناك بس و هقولكوا كل حاجه
هنا / طيب
غاده / انتي هتقولي لحد انك بتحبيه
هنا / انا علشان كدا جيتلك انا مش عايزه حد يعرف حاجه دلوقتي حتي نور و ملك
غاده / طيب
بعد نصف ساعة وصلوا
دخلوا مكتب غاده وغاده اتصلت بملك و نور علشان يجوا عندها في المكتب
ملك / صباح الفل
نور / صباح الخير
غاده و هنا / صباح الورد
ملك / ايه بعتي تجيبينا ليه يعني
هنا / اعقدوا الاول
نور / اهو قعدنا في ايه بقي
غاده / انا فكرت اني اعزم سامر وفارس وحازم و سيف انهارده علي الغدا
نور / اشمعنا يعني
ملك / انتي غبيه يا بت ما هي باينه زي الشمس اهي دودو عايزه تساعدك وتقربك من فارس بطريقه غير مباشره دماغك جامده يا دودو
غاده / تشكري يا حبيبتي
نور / و عزمتيهم بمناسبه ايه
غاده / انا كلمت سامر وقولتله اني عازمهم كلهم علي الغدا وبالمره نخلص المشروع اللي مش عايز يخلص دا
ملك / شابو بجد المهم وصيتي يعملوا اكل ايه
غاده / وصيتلكوا علي ورق عنب و مكرونة بشاميل وكفته مشويه
ملك / ابقوا فاكروني اجيبلها هديه علي الاكل الحلو دا
هنا بضحك/ همك علي بطنك علي طول
نور / شكرا يا دودو تصدقي الكفته المشويه نفسها اهم من فارس يغور فارس في داهيه الكفته اهم
ملك / المهم دلوقتي هنلبس ايه احنا لازم نروح نغير هدومنا ونيجي ولو نور بس اللي عملت كدا هيبان انها قاصده
هنا / ملك عندها حق خلاص بعد الشغل وكل واحده تروح البيت ونتجمع عند غاده الساعه 4:30
نور / اشطا
