تاني يوم في الموقع
فارس / صباح الخير يا باشمهندسه في معادك مظبوطه
نور / صباح النور يا باشمهندس شكرا انا بحب المواعيد المظبوطه
فارس / طيب نبدا شغل بقي
نور / ماشي
ابتدوا يتابعوا الشغل
فارس / الحمدلله اخيرا خلصنا
نور / اه بس الشغل ممتاز
فارس / اه الحمدالله بس انتي شاطره في الشغل
نور / شكرا يا باشمهندس دي شهاده اعتز بيها
كانوا بيتكلموا ومش واخدين بالهم من الشخص اللي واقف فوق المبني وفجاه
فارس وهو يشد نور ناحيته حتي لا تصيبها الخشبه الطويله التي وقعت من اعلي المبني/ انتي كويسه نور نور
لم ترد عليه فحملها الي سيارته ووصل اللي اول مستشفى
فارس / عايز دكتور بسرعه
جاءت بعض الممرضات و معهم كرسي متحرك و وضعوها عليه الي غرفه الطوارئ
بعد نص ساعه
خرج الدكتور من غرفه الكشف
فارس / ايه يا دكتور ايه اللي حصل
الدكتور / واضح ان ضغطها انخفض نتيجه هبوط و واضح انها تعرضت لصدمه ودا اللي ادي الي الاغماء بس احنا ركبنلها محلول وان شاء الله ربع ساعة وتفوق
فارس / شكرا يا دكتور
الدكتور / العفو دا واجبي
فارس في نفسه / هو في ايه انا مالي كنت مرعوب كدا لما اغمي عليها كأني كنت هتجنن ولما الدكتور الدكتور قال انها كويسه كأن روحي رجعتلي تاني معقول اكون حبيتها لا لا ايه اللي انا بفكر فيه دا انا اتجننت ولا ايه دا يمكن مجرد شعور علشان هي اغمي عليها
في مكان تاني
الشخص الاول / الو
الشخص التاني / الو ها انت فين دلوقتي
الشخص الاول / انا في المستشفي
الشخص التاني / ليه ايه اللي حصل
الشخص الاول / الخشبه اللي وقعت مجتش فيها
الشخص التاني / امال ايه اللي داخلها المستشفي
الشخص الاول / انا عرفت انها جالها هبوط و انخفاض في الضغط ودا بسبب الصدمه
الشخص التاني / يعني هي كويسه
الشخص الاول / اه متقلقيش
الشخص التاني / طيب فارس
الشخص الاول / شكله بيفكر في حاجه
الشخص التاني / طيب خليك وراهم وقولي الاخبار اول باول
الشخص الاول / اشطا سلام
الشخص التاني/ سلام
بعد ربع ساعة
فارس خبط علي باب الاوضه بتاعه نور
نور / اتفضل
فارس / احم احم ازيك دلوقتي يا انسه نور
نور / الحمدالله انا تمام شكرا جدا لحضرتك
فارس / مفيش شكر ولا حاجه دا واجبي
نور / لا طبعا انت انقذت حياتي من الموت ودا مفيش كتير بيعملوا كده وغير كدا جبتني هنا يبقي لازم طبعا اشكرك
فارس / المهم انك كويسه دلوقتي
نور / الحمدلله انا كويسه
فارس / الدكتور طمني وقالي ان بعد المحلول ما يخلص تقدري تخرجي
نور / طيب انا كنت عايزه اعرف يعني الحساب بتاع المستشفي
فارس / انتي مش شايفه اني راجل قدامك
نور / مش قصدي بس انا المفروض اللي ادفع
فارس / انسه نور لما اكون انا مش راجل واجي اقولك ادفعي انتي ابقي ادفعي
نور / خلاص خلاص انا اسفه
فارس / انا هروح اشوف الدكتور علشان نمشي
نور / ماشي
راح فارس يجيب الدكتور
نور في نفسها / ايه دا هو لسا في رجاله كدا انا كنت فاكره انهم انقرضوا بس شهم اووي وراجل كدا ايه اللي انا بقوله دا استغفرالله العظيم
الدكتور / مساء الخير
نور / مساء النور
الدكتور / ازيك دلوقتي
نور / الحمدلله
الدكتور / امم المحلول خلص اهو
نور / يعني اقدر امشي دلوقتي
الدكتور / اه انا هنادي الممرضه تساعدك علشان تقدري تمشي
نور / شكرا يا دكتور
فارس / طيب انا هستناكي برا
نور / ماشي
فارس والدكتور خرجوا وبعدين دخلت الممرضه
الممرضه / الف سلامة علي حضرتك
نور / الله يسلمك شكرا
الممرضه / علي فكرا خطيبك كان هيتجنن عليكي
نور / خاطيبي مين
الممرضه / الاستاذ اللي برا دا
نور / اه بس قوليلي هو كان خايف عليا ازاي يعني
الممرضه / من اول ما دخلتي غرفه الطوارئ وهو رايح جاي واول ما الدكتور ما الدكتور خرج كان بيساله بلهفه
نور / امم طيب شكرا اووي ليكي
الممرضه / العفو
نور بعد ما خرجت / شكرا يا استاذ فارس حضرتك تقدر تمشي
فارس / امشي فين لا طبعا انا لازم اوصلك مش هينفع اسيبك وانتي تعبانه كدا
نور / شكرا بجد انا هركب تاكسي
فارس / لا طبعا تاكسي ايه وانا موجود وخصوصا ان عربيتك عند الموقع فبعد اذنك انا لازم اوصلك
نور / طيب شكرا جدا ليك
فارس / العفو اتفضلي يلا
ركبت معاه العربية وهي متوتره وبعد شويه وقف بالعربيه
نور / احنا وقفنا هنا ليه
فارس / مفيش بس الدكتور قالي انك اغمي عليكي علشان قله تغذيه يعني واضح انك مكلتيش حاجه من الصبح فهننزل هنا نتغدا وبعدين اوصلك
نور / شكرا يا استاذ فارس بس انا مش جعانه
فارس / انتي مش جعانه انا بقي جعان واقل حاجه تعمليها ليا انك تكلي معايا
نور / خلاص ماشي
فارس / اتفضلي
